This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എറാത്തോസ്‌തനസ്‌ (ബി.സി. 273?-192?)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == എറാത്തോസ്‌തനസ്‌ (ബി.സി. 273?-192?) == == Eratosthenes == ഗ്രീക്ക്‌ ഗണിതശാസ്‌ത്...)
അടുത്ത വ്യത്യാസം →
11:28, 18 ഏപ്രില്‍ 2014-നു നിലവിലുണ്ടായിരുന്ന രൂപം
എറാത്തോസ്‌തനസ്‌ (ബി.സി. 273?-192?)
Eratosthenes
ഗ്രീക്ക്‌ ഗണിതശാസ്‌ത്രജ്ഞനും ചരിത്രകാരനും കവിയും. ഭൂമിശാസ്‌ത്രജ്ഞനും ഭാഷാശാസ്‌ത്രകാരനും കൂടിയായിരുന്നതിനാൽ ഇദ്ദേഹം, "പഞ്ച കായിക വിനോദന്‍' (Five sports athlete) എന്ന അർഥം വരുന്ന "പെന്തത്‌ലോസ്‌' എന്ന പേരിൽ അറിയപ്പെട്ടിരുന്നു. ലിബിയയിലെ സിറിന്‍ (Cyrene)എന്ന സ്ഥലത്തു ജനിച്ചു. അലക്‌സാണ്ട്രിയയിലും ആഥന്‍സിലും വിദ്യാഭ്യാസം ചെയ്‌തു. ബി.സി. 235-ൽ ടോളമിയുടെ നിർദേശപ്രകാരം ഇദ്ദേഹം അലക്‌സാണ്ട്രിയയിലെ ഒരു ഗ്രന്ഥാലയത്തിന്റെ ചുമതല ഏറ്റെടുത്തു. ഈ ജോലിയിൽ ആജീവനാന്തം സേവനം അനുഷ്‌ഠിക്കുകയും ചെയ്‌തു.
ഭൂമിയുടെ ചുറ്റളവ്‌ ആദ്യമായി നിർണയിച്ചത്‌ എറാത്തോസ്‌തനസ്‌ ആണ്‌. ഇപ്പോഴത്തേതിൽ നിന്ന് വളരെ കുറച്ചു വ്യത്യാസമേ (80.50 കി.മീ.) ഇദ്ദേഹം നിർണയിച്ചതിനുള്ളൂ. 675 നക്ഷത്രങ്ങളെക്കുറിച്ചുള്ള സ്ഥിതി വിവരങ്ങളും സമാഹരിച്ചിട്ടുണ്ട്‌. അഭാജ്യസംഖ്യകള്‍ വേർതിരിച്ചെടുക്കുവാനുള്ള ഒരു യാന്ത്രികവിദ്യ ഇദ്ദേഹം കണ്ടെത്തി. ഇതിന്‌ "എറാത്തോസ്‌തനസ്‌ അരിപ്പ' (Eratosthenes Sieve)എന്നു പറയുന്നു. ഗണിതശാസ്‌ത്രത്തിൽ മാധ്യമങ്ങളെ(means)ക്കെുറിച്ചുള്ള ഒരു ഗ്രന്ഥം ഇദ്ദേഹം രചിച്ചിട്ടുണ്ട്‌. ഇദ്ദേഹത്തിന്റെ ഹെർമീസ്‌ എന്ന ജ്യോതിശ്ശാസ്‌ത്ര കവിത ആകാശവർണനയും നക്ഷത്രങ്ങളെ സംബന്ധിച്ച പഴങ്കഥകളും ഉള്‍ക്കൊള്ളുന്നു. ഒളിമ്പിക്‌ കളികളിലെ വിജയികളുടെ പട്ടികയും പ്രകീർത്തനങ്ങളും ഇദ്ദേഹം രേഖപ്പെടുത്തിയിട്ടുണ്ട്‌. നോ. അഭാജ്യസംഖ്യ
