This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എയ്‌റോ ന്യൂറോസിസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == എയ്‌റോ ന്യൂറോസിസ്‌ == == Aeroneurosis == വിമാനയാത്രക്കാരിൽ കണ്ടുവരുന്...)
അടുത്ത വ്യത്യാസം →
10:26, 18 ഏപ്രില്‍ 2014-നു നിലവിലുണ്ടായിരുന്ന രൂപം
എയ്‌റോ ന്യൂറോസിസ്‌
Aeroneurosis
വിമാനയാത്രക്കാരിൽ കണ്ടുവരുന്ന ഒരുതരം ഞരമ്പുരോഗം(neurosis). ഇതു ബാധിച്ച വ്യക്തികള്‍ അതീവ ഉത്‌കണ്‌ഠാകുലരായി കാണപ്പെടുന്നു. സംഭവിച്ചേക്കാവുന്ന വിമാനാപകടത്തെക്കുറിച്ചുള്ള ഭയവും സുരക്ഷിതത്വത്തെക്കുറിച്ചുള്ള ചിന്തയുമാണ്‌ ഉത്‌കണ്‌ഠയ്‌ക്കു മൂലകാരണം. രോഗബാധിതരിൽ മിക്കവർക്കും ഇത്‌ വ്യക്തമായി അറിയാമെങ്കിലും ചുരുക്കം ചിലർ ഉത്‌കണ്‌ഠയുടെ മൂലകാരണത്തെക്കുറിച്ച്‌ അറിവില്ലാത്തവരും യാത്രയെക്കുറിച്ച്‌ ഭയമുള്ളതായി സമ്മതിക്കാത്തവരുമാണ്‌. 1919-ൽ ആന്‍ഡേഴ്‌സണ്‍ ആണ്‌ എയറോന്യൂറോസിസ്‌ എന്ന പദം ആദ്യമായി ഉപയോഗിച്ചത്‌. ഒന്നാംലോകയുദ്ധത്തിൽ ചില പൈലറ്റുമാർ വിമാനം പറപ്പിക്കാന്‍ ഭയം പ്രകടിപ്പിച്ചപ്പോഴാണ്‌ ഈ സംജ്ഞ ഉപയോഗത്തിൽ വന്നത്‌. വിമാനം അപകടത്തിൽപ്പെട്ടു എന്ന ആശങ്കയായിരുന്നു പൈലറ്റുമാരുടെ ഈ ഭയജന്യരോഗത്തിനു കാരണം. ചില വ്യക്തികളിൽ യാത്ര നിശ്ചയിക്കുമ്പോള്‍ മുതൽ യാത്രതീർന്ന്‌ സ്വല്‌പം സമയം കഴിയുംവരെ ഇതുനീണ്ടുനില്‌ക്കുമ്പോള്‍, മറ്റു ചിലരിൽ വിമാനത്തിൽ പറക്കുന്ന സമയത്തുമാത്രമേ ഇതു കണ്ടുവരാറുള്ളൂ. പതിവിലേറെ സംസാരിക്കുക, പതിവില്ലാത്തവിധം മൗനം ദീക്ഷിക്കുക, ചെറിയതോതിൽ കൈകാൽ വിറയ്‌ക്കുക, വയറു കാളുക, മലമൂത്രവിസർജനം ചെയ്യണമെന്നു തോന്നുക, മുഖം വിളറുക, വിയർക്കുക മുതലായ ഭയത്തിന്റെ എല്ലാ ലക്ഷണങ്ങളും നേരിയതോതിൽ രോഗി പ്രദർശിപ്പിക്കും. ഒരു മനോരോഗവിദഗ്‌ധന്റെ ചികിത്സയ്‌ക്കു വിധേയമാകത്തക്കവണ്ണം കാഠിന്യമേറിയതോ ഗൗരവമേറിയതോ ആയ ഒരു രോഗമല്ലയിത്‌. വെറുമൊരു മാനസിക വിഭ്രാന്തിയുടെ പ്രകടനം മാത്രമാണിത്‌. താരതമ്യേന വിമാനയാത്രാപരിചയം കുറഞ്ഞ യാത്രക്കാരിലാണ്‌ ഈ അവസ്ഥ കണ്ടുവരാറുള്ളത്‌. എങ്കിലും പരിചയസമ്പന്നരായ ചില യാത്രക്കാർ ഓരോ യാത്രയിലും ഇതിന്റെ ലക്ഷണങ്ങള്‍ കാണിക്കുമ്പോള്‍ അവരിൽ ഇത്‌ ഒരു അനുബന്ധിത പ്രതികരണമല്ലേ (conditioned response) എന്നു മനഃശാസ്‌ത്രജ്ഞന്മാർ സംശയിച്ചുപോകുന്നു. നോ. ന്യൂറോസിസ്‌
(ഡോ. കെ. ദേവദാസന്‍)
