This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എമെറ്റിക്‌ ഔഷധങ്ങള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == എമെറ്റിക്‌ ഔഷധങ്ങള്‍ == == Emetic Medicines == ഛർദിപ്പിക്കുന്ന ഔഷധവസ്‌തു...)
അടുത്ത വ്യത്യാസം →
07:09, 18 ഏപ്രില്‍ 2014-നു നിലവിലുണ്ടായിരുന്ന രൂപം
എമെറ്റിക്‌ ഔഷധങ്ങള്‍
Emetic Medicines
ഛർദിപ്പിക്കുന്ന ഔഷധവസ്‌തുക്കള്‍. പല സന്ദർഭങ്ങളിലും ഛർദിപ്പിക്കേണ്ടുന്ന ആവശ്യം നേരിടാറുണ്ട്‌. വിഷവസ്‌തുക്കള്‍, മത്സ്യത്തിന്റെ മുള്ള്‌, ഫലബീജങ്ങള്‍, നാണയങ്ങള്‍ മുതലായവ അറിഞ്ഞോ അറിയാതെയോ വയറ്റിൽ കടന്നുകൂടിയാൽ അവയെ ഛർദിപ്പിക്കുകയാണ്‌ എളുപ്പത്തിൽ ചെയ്യാവുന്ന പ്രതിവിധി. ബ്രാങ്കൈറ്റിസ്‌ പിടിപെട്ടവർക്ക്‌ ഛർദിപ്പിക്കൽ ആശ്വാസകരമായ ഒരു നടപടിയായിരിക്കും; ശ്വസനികളിൽ തിങ്ങിക്കൂടിയ സ്രാവങ്ങളെ(secretions)ചിലപ്പോള്‍ ഛർദികൊണ്ടേ പുറത്തേക്കുകളയുവാന്‍ സാധിക്കുകയുള്ളൂ. കറിയുപ്പ്‌, കോപ്പർസള്‍ഫേറ്റ്‌ (മയിൽത്തുത്ത), സിങ്ക്‌ സള്‍ഫേറ്റ്‌, കടുക്‌, ആലം (പൊട്ടാസ്യം അലുമിനിയം സള്‍ഫേറ്റ്‌) അമോണിയം കാർബണേറ്റ്‌ മുതലായ പദാർഥങ്ങള്‍ ആവശ്യമായ തോതിൽ ജലത്തിൽച്ചേർത്തു കഴിക്കുന്നതു വമനപ്രക്രിയയെ സാധിപ്പിക്കുന്നതിനു മതിയാവും. അധസ്‌ത്വചീയമായി (subcutaneous) അപൊമോർഫീന്‍ കുത്തിവയ്‌ക്കുന്നത്‌ (2.8 മി. ഗ്രാം) കാലവിളംബം കൂടാതെ ഛർദിപ്പിക്കാന്‍ സഹായകമാണ്‌. അധിമാത്രയിൽ (120 മി. ഗ്രാം) ആന്റിമണി ടാർട്രറ്റ്‌ നല്ല ഒരു വമനകാരിയാണ്‌. വമനകാരികളായ വസ്‌തുക്കള്‍ ഉള്ളിൽച്ചെന്ന്‌ മിനിട്ടുകള്‍ക്കകം ഓക്കാനവും അസ്വസ്ഥതയുമുണ്ടാകും. വായിലെ ഉമിനീർപ്രവാഹം കൂടും; പേശികള്‍ സങ്കോചിക്കും; നാഡീസ്‌പന്ദനനിരക്ക്‌ താഴുകയോ ക്രമരഹിതമാവുകയോ ചെയ്യും. മുഖം ചുവന്നുതുടുക്കും. ശരീരതാപവും കൂടും.
ഛർദിപ്പിക്കൽ പണ്ട്‌ ഒരു ചികിത്സാവിധിയായി (വിരേചനംപോലെ) അംഗീകരിക്കപ്പെട്ടിരുന്നുവെങ്കിലും ഇന്ന്‌ അങ്ങനെയല്ലാതായിരിക്കുന്നു. വിഷവസ്‌തുക്കള്‍ വയറ്റിൽച്ചെന്നുപെട്ടാൽ അതിനെ ഉദാസീനീകരിക്കുന്ന അഥവാ നിർവീര്യമാക്കുന്ന പ്രതിവസ്‌തുക്കളുപയോഗിച്ച്‌ ഉദരം ക്ഷാളനം ചെയ്യുകയാണ്‌ ഏറ്റവും നല്ല പ്രതിവിധി. ധമനി ചീർക്കൽ (aneurysm) ശൊക്തിയായ ഹൃദ്‌ബാധ, അജ്ഞാതഹേതുകമായ അതിരക്തസമ്മർദം (hyperpiesia), രക്തം തുപ്പുന്ന ക്ഷയരോഗം, ഗർഭകാലം, ശസ്‌ത്രക്രിയാർഹമായ ഹെർണിയ എന്നീ അവസ്ഥകളിൽ എമെറ്റിക്കുകള്‍ നിഷിദ്ധമാണ്‌. ഉദരത്തിൽച്ചെന്നുപെട്ട വിഷം സംക്ഷാരകത്വം (corrosiveness) ഉള്ള അമ്ലവസ്‌തുവാണെങ്കിൽ എമെറ്റിക്കിന്റെ ഉപയോഗം വിശേഷിച്ചും വിലക്കപ്പെട്ടിരിക്കുന്നു. എങ്കിലും നേരത്തെ സൂചിപ്പിച്ചപോലെ മത്സ്യമുള്ള്‌, നാണയം മുതലായവയെ ഉദരത്തിൽനിന്ന്‌ പുറന്തള്ളുവാന്‍ എമെറ്റിക്‌ ഉപയോഗിക്കാവുന്നതാണ്‌. ആമാശയത്തിനും കുടലിനും ഇടയ്‌ക്കുള്ള പൈലോറസ്‌ എന്ന ദ്വാരത്തിൽ സംക്ഷോഭം(irritation) ഉണ്ടാക്കിയാണ്‌ കറിയുപ്പ്‌, മയിൽത്തുത്ത മുതലായവ വമനകാരികളായി പ്രവർത്തിക്കുന്നത്‌. മേലണ്ണാക്ക്‌ കൈവിരൽകൊണ്ടോ മറ്റെന്തെങ്കിലും ഉപകരണംകൊണ്ടോ ഇക്കിളിപ്പെടുത്തി ഛർദിപ്പിക്കുന്ന പ്രാചീനവും സരളവുമായ രീതി ഇന്നും അംഗീകരിക്കാവുന്നതാണ്‌. അജീർണം, പൈത്തികമോ ആയ അസ്വസ്ഥത മുതലായവയ്‌ക്കു പ്രതിവിധിയായി എമെറ്റിക്കുകള്‍ വിധിക്കുന്ന ചികിത്സാരീതികളുമുണ്ട്‌.
