This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആദിമ കല
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(പുതിയ താള്‍: =ആദിമ കല= Prehistoric Art ചരിത്രാതീതകാലമനുഷ്യന്‍ പാറക്കെട്ടുകളുടെ പാര...)
അടുത്ത വ്യത്യാസം →
06:18, 17 സെപ്റ്റംബര്‍ 2009-നു നിലവിലുണ്ടായിരുന്ന രൂപം
ആദിമ കല
Prehistoric Art
ചരിത്രാതീതകാലമനുഷ്യന്‍ പാറക്കെട്ടുകളുടെ പാര്‍ശ്വങ്ങളിലും ഗുഹാഭിത്തികളിലും മച്ചുകളിലും രേഖപ്പെടുത്തിയിട്ടുള്ള പ്രപഞ്ചദൃശ്യങ്ങളുടെ ചിത്രണങ്ങളെയാണ് ആദിമകലയായി ഇവിടെ വിവരിക്കുന്നത്. അക്ഷരവിദ്യയുടെ കണ്ടുപിടിത്തത്തിനു മുന്‍പുള്ള, അതായത് ഏകദേശം 6,00,000 വര്‍ഷങ്ങളോളം പഴക്കമുള്ള, കാലഘട്ടത്തിന്റെ കല എന്ന് ഇതിനെക്കുറിച്ച് ചരിത്രഗവേഷകര്‍ അഭിപ്രായപ്പെടുന്നു. എന്നാല്‍, വിവിധപ്രദേശങ്ങളില്‍ വിവിധകാലഘട്ടങ്ങളിലാണ് ഇത്തരത്തില്‍പ്പെട്ട ആദിമകലാരൂപങ്ങള്‍ ആവിര്‍ഭവിച്ചിട്ടുള്ളതെന്ന വസ്തുത വിസ്മരിക്കാനാവില്ല.
ജാക്വസ് ബുഹെര്‍ഡെ, ക്രെവെസോയില്‍ ഡെവെര്‍തസ്, എഡ്വേര്‍ഡ് ലാര്‍ടെറ്റ്, ഗബ്രിയേല്‍ ഡെമോര്‍ട്ടിലെറ്റ് എന്നീ പുരാവസ്തുശാസ്ത്രജ്ഞന്‍മാരുടെ ഗവേഷണഫലമായിട്ട് ആദിമകലയെപ്പറ്റി വളരെയധികം വിവരങ്ങള്‍ ലഭ്യമായിട്ടുണ്ട്. ഉത്ഖനന സമ്പ്രദായങ്ങളില്‍ ഉണ്ടായിട്ടുള്ള ശാസ്ത്രീയ പുരോഗതിയുടെ ഫലമായി ആദിമ നാഗരികതയുടെ ആരംഭവും വളര്‍ച്ചയും കൃത്യമായി കണക്കുകൂട്ടാന്‍ കഴിയുന്നുണ്ട്. ആദിമകലയുടെ തുടക്കം വിശദമാക്കുന്നതിനു ശിലാഭൂതസസ്യവിജ്ഞാനം (Palaeobotany), പുരാതനജീവിതന്ത്രം (Palaeontology), ശിലാലേഖനശാസ്ത്രം (Petrography), ഭൂവിജ്ഞാനീയം (Geology) എന്നീ ശാസ്ത്രശാഖകള്‍ വളരെയധികം സഹായിച്ചിട്ടുണ്ട്.
ഓരോരോ പ്രദേശങ്ങളില്‍ നിലവിലിരുന്ന തൊഴിലുകളെയും അവയ്ക്ക് ഉപയോഗിച്ചിരുന്ന ഉപകരണങ്ങളെയും മറ്റും അടിസ്ഥാനമാക്കി ആദിമകലയെ വിവിധകാലഘട്ടങ്ങളിലേതായി വിഭജിക്കാന്‍ കഴിയും. കാലാനുക്രമികമായ ഒരു വിഭജനമല്ല, മറിച്ച് മനുഷ്യരാശിയുടെ വികാസത്തിന്റെ വിവിധഘട്ടങ്ങളെ ആശ്രയിച്ചുള്ള ഒരു വിഭജനമാണ് ഇക്കാര്യത്തില്‍ സ്വീകരിക്കപ്പെട്ടിട്ടുള്ളത്. ഇതനുസരിച്ച് ആദിമകല മൂന്നു വലിയ കാലഘട്ടങ്ങളിലായിട്ടാണ് ഉരുത്തിരിഞ്ഞിട്ടുള്ളതെന്നു പറയാം: അവ യഥാക്രമം പുരാതന ശിലായുഗം (Palaeolithic), ഉത്തര-ആദിശിലായുഗം (Mesolithic), നവശിലായുഗും (Neolithic) ഇവയാണ്; ഈ മൂന്നു കാലഘട്ടങ്ങള്‍ക്കു പിന്നാലെ വരുന്ന ചരിത്രാരംഭകാലം വെങ്കലയുഗവും അയോയുഗവും ചേര്‍ന്നതാണ്.
