This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഐവറികോസ്റ്റ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (പുതിയ താള്‍: == ഐവറികോസ്റ്റ്‌ == == Ivory Coast == ആഫ്രിക്കയുടെ പശ്ചിമതീരത്തുള്ള ഒരു ...) |
Mksol (സംവാദം | സംഭാവനകള്) (→ജന്തുജാലം) |
||
| വരി 30: | വരി 30: | ||
===ജന്തുജാലം=== | ===ജന്തുജാലം=== | ||
| - | + | വന്യമൃഗങ്ങളിൽ കുളമ്പുള്ള വർഗങ്ങള്‍ക്കാണ്‌ പ്രാമാണ്യം. ഈ രംഗത്തു കാണപ്പെടുന്ന ആന്റെലോപ്പ്‌ ഇനങ്ങള്‍ താരതമേ്യന ഉയരം കുറഞ്ഞവയാണ്‌; ചെന്തവിട്ടുനിറവും സാമാന്യം വലുപ്പവുമുള്ള ബോംഗോ എന്നയിനം ആന്റെലോപ്പുകളെയും ഐവറികോസ്റ്റിൽ കാണാം. ഭീമാകാരനായ കാട്ടുപന്നിയാണ്‌ സാധാരണമായുള്ള മറ്റൊരു ജന്തു. ആറ്റിറമ്പുകളിൽ ചുവന്നനിറത്തിലുള്ള ഒരിനം പന്നികളുണ്ട്‌. ഇവ വെള്ളത്തിലും ജീവിക്കാറുണ്ട്‌. കടൽപ്പശു(മനാതീ)ക്കളും അപൂർവമായി കാണപ്പെടുന്നു. രാജ്യത്തിന്റെ ഉത്തരഭാഗത്തുള്ള സവന്നാപ്രദേശത്ത്‌ പത്തിലേറെയിനം ആന്റെലോപ്പുകള്‍, സിംഹം, ആന എന്നിവയാണ്‌ വന്യമൃഗങ്ങളായുള്ളത്‌. ആനക്കൂട്ടങ്ങള്‍ താരതമ്യേന അപൂർവമാണ്‌. ലൈബീരിയ അതിർത്തിക്കടുത്തുള്ള തായ്‌ വന്യമൃഗ സങ്കേതത്തിൽ പൊക്കംകുറഞ്ഞ ഒരിനം നീർക്കുതിര സംരക്ഷിക്കപ്പെട്ടുവരുന്നു. | |
==ജനങ്ങള്‍== | ==ജനങ്ങള്‍== | ||
18:52, 21 ഏപ്രില്‍ 2014-നു നിലവിലുണ്ടായിരുന്ന രൂപം
ഉള്ളടക്കം |
ഐവറികോസ്റ്റ്‌
Ivory Coast
ആഫ്രിക്കയുടെ പശ്ചിമതീരത്തുള്ള ഒരു ജനാധിപത്യ രാഷ്‌ട്രം. 1985-ൽ രാജ്യത്തിന്റെ പേര്‌ കോട്ട്‌ ദിവ്വാർ എന്ന്‌ ഔദേ്യാഗികമായി പ്രഖ്യാപിച്ചു. ഗിനി ഉള്‍ക്കടൽ തീരത്ത്‌ 3,22,460 കി.മീ.2 വിസ്‌തീർണത്തിൽ ഏതാണ്ട്‌ ചതുരാകൃതിയിലാണ്‌ ഐവറികോസ്റ്റിന്റെ കിടപ്പ്‌; തടരേഖയ്‌ക്ക്‌ 480 കി.മീ. നീളമുണ്ട്‌. തെക്ക്‌ പടിഞ്ഞാറ്‌ ലൈബീരിയ, വടക്ക്‌ പടിഞ്ഞാറ്‌ ഗിനി, വടക്ക്‌ മാലി, അപ്പർവോള്‍ട്ട, കിഴക്ക്‌ ഘാന എന്നിവയാണ്‌ ഐവറികോസ്റ്റിന്റെ അയൽരാജ്യങ്ങള്‍. തലസ്ഥാനം അബീദ്ജാന് (Abidjan). ജനസംഖ്യ: 20,617,068 (2009).
ഒരു ഫ്രഞ്ചു കോളനിയായിരുന്ന ഐവറികോസ്റ്റ്‌ 1960-ലാണ്‌ സ്വാതന്ത്യ്രം പ്രാപിച്ചത്‌. രാഷ്‌ട്രീയസുസ്ഥിരതയുള്ള അപൂർവം ആഫ്രിക്കന്‍ രാജ്യങ്ങളിലൊന്നാണ്‌ ഐവറികോസ്റ്റ്‌. ഇക്കാരണംകൊണ്ടുതന്നെ സ്വാതന്ത്ര്യപ്രാപ്‌തിക്കുശേഷം സാമ്പത്തികരംഗത്ത്‌ ഗണ്യമായ പുരോഗതി നേടാന്‍ ഐവറികോസ്റ്റിനു കഴിഞ്ഞു. നിർലോഭമായ സഹായസഹകരണങ്ങളിലൂടെ ഐവറികോസ്റ്റിന്റെമേൽ ശക്തമായ സ്വാധീനത പുലർത്തുവാന്‍ ഇന്നും ഫ്രഞ്ചുഗവണ്‍മെന്റിനു കഴിയുന്നുവെങ്കിലും തദ്ദേശീയജനത വികസനത്തിന്റെ എല്ലാ രംഗങ്ങളിലും ആധിപത്യത്തിലേക്കു നീങ്ങിക്കഴിഞ്ഞിരിക്കുന്നു. എന്നിരിക്കിലും വിദ്യാസമ്പന്നരുടെയും നഗരവാസികളുടെയും ഇടയിൽ ഫ്രഞ്ചുഭാഷയ്‌ക്കും ആചാരരീതികള്‍ക്കും വലുതായ പ്രചാരമുണ്ട്‌.
ഭൗതിക ഭൂമിശാസ്‌ത്രം
ഭൂപ്രകൃതി
തെക്ക്‌ കടൽത്തീരത്തുനിന്ന്‌ വടക്കോട്ട്‌ നീങ്ങുന്തോറും സമുദ്രനിരപ്പിൽനിന്നുള്ള ഉയരം ക്രമപ്രവൃദ്ധമാകുന്ന സ്ഥിതിയാണ്‌ ഐവറികോസ്റ്റിലുള്ളത്‌. ഉന്നതതടങ്ങള്‍ ഉയരത്തിൽ വളരുന്ന പുൽവർഗങ്ങള്‍ നിറഞ്ഞ സവന്നാമാതൃകയിലുള്ള മേടുകളാണ്‌. ഐവറികോസ്റ്റിന്റെ പടിഞ്ഞാറരിക്‌ മലമ്പ്രദേശമാണ്‌. ഗിനി, ലൈബീരിയ, ഐവറികോസ്റ്റ്‌ എന്നീ രാജ്യങ്ങളുടെ അതിർത്തികള്‍ സന്ധിക്കുന്ന സ്ഥാനത്തോടടുത്തു സ്ഥിതിചെയ്യുന്ന മൗണ്ട്‌നിംബ (1,752 മീ.) ആണ്‌ രാജ്യത്തെ ഏറ്റവും ഉയരം കൂടിയഭാഗം.
ഭൂപ്രകൃതിപരമായി ഐവറികോസ്റ്റിനെ നാലു ഭാഗങ്ങളായി തിരിക്കാവുന്നതാണ്‌: തീരപ്രദേശം, മധ്യരേഖാവനപ്രദേശം, കാർഷികമേഖല, സവന്ന. ഇവയിൽ തീരപ്രദേശം 65 കിലോ മീറ്ററിലേറെ വീതിയില്ലാത്ത ഇടുങ്ങിയ സമതലമാണ്‌; ഈ മേഖലയുടെ കിഴക്കേപ്പകുതി കായലുകളും ചതുപ്പുകളും നിറഞ്ഞുകാണുന്നു. തടരേഖയോടടുത്തുള്ള പാറക്കെട്ടുകളും ജലാന്തരവരമ്പുകളുംമൂലം കടലിലേക്കുള്ള പ്രവേശനം ദുഷ്‌കരമാണ്‌. തീരസമതലത്തിനു തൊട്ടുവടക്കുള്ള മേഖല മധ്യരേഖാമാതൃകയിലുള്ള വനങ്ങളാണ്‌. ഒരു ശ. മുമ്പുവരെ ഉദ്ദേശം 200 കി.മീ. വീതിയിൽ വ്യാപിച്ചിരിക്കുന്ന വനങ്ങള്‍ ഏറിയകൂറും വെട്ടിത്തെളിക്കപ്പെടുകയാൽ ഇന്ന്‌ ലൈബീരിയാ അതിർത്തിയിൽ തുടങ്ങി തലസ്ഥാനമായ അബീദ്ജാന് തൊട്ടുവടക്കുവരെയായി ചുരുങ്ങിയിരിക്കുന്നു. ഏതാണ്ട്‌ ത്രികോണാകൃതിയിലാണ്‌ ഈ വനങ്ങളുടെ കിടപ്പ്‌. മനുഷ്യാതിക്രമണത്തിനു വിധേയമായ വനങ്ങള്‍ ഏറിയഭാഗവും കൊക്കോ, കാപ്പി എന്നിവ വിളയിക്കുന്ന വിശാലമായ തോട്ടങ്ങളായി മാറിയിരിക്കുന്നു. നാലാമത്തെ മേഖല ഉന്നതതടങ്ങളിലെ സവന്നാമാതൃകയിലുള്ള പുൽമേടുകളാണ്‌. ജനവാസം നന്നേകുറഞ്ഞ ഈ പ്രദേശത്ത്‌ കന്നുകാലിവളർത്തലിന്‌ അനുയോജ്യമായ സാഹചര്യമുണ്ട്‌. ഈ മേഖലയിലാണ്‌ 11,655 ച.കി.മീ. വിസ്‌തീർണമുള്ള വിശ്വപ്രശസ്‌തമായ കോമോ വന്യമൃഗസംരക്ഷണകേന്ദ്രം.
ഐവറികോസ്റ്റിലെ മിക്കനദികളും തെക്കോട്ടൊഴുകി ഗിനി ഉള്‍ക്കടലിൽ പതിക്കുന്നു. കാവല്ലി, സസാന്‍ഡ്ര, ബന്ദാമ, കോമോ എന്നിവയാണ്‌ പ്രധാനനദികള്‍; ഇവയിൽ കാവല്ലി ഐവറികോസ്റ്റിനും ലൈബീരിയയ്‌ക്കും ഇടയിലുള്ള അതിർത്തിയായും വർത്തിക്കുന്നു.
കാലാവസ്ഥ
വടക്ക്‌ അക്ഷാംശം 80-ക്കു മുകളിലുള്ള പ്രദേശങ്ങളിൽ സവന്നാമാതൃകയിലുള്ള കാലാവസ്ഥയാണ്‌. നവംബർ മുതൽ ജൂലൈ വരെ വരള്‍ച്ച അനുഭവപ്പെടുന്നു. ഡിസംബർ മുതൽ ഫെബ്രുവരി വരെ ഹാർമതാന്‍ എന്നറിയപ്പെടുന്ന ഉഷ്‌ണക്കാറ്റുകള്‍ വരള്‍ച്ചയുടെ കാഠിന്യം വർധിപ്പിക്കുന്നു. മഴയുടെ വാർഷികത്തോത്‌ 125-150 സെ.മീ. ആണ്‌. സമുദ്രനിരപ്പിൽ നിന്നുള്ള ഉയരം വർധിക്കുന്നതനുസരിച്ച്‌ താപനില സമീകൃതമായിക്കാണുന്നു.
തീരപ്രദേശത്ത്‌ ആണ്ടിൽ പത്തുമാസവും മഴപെയ്യുന്നു; വർഷപാതത്തിന്റെ തോതിൽ പ്രാദേശികമായ ഏറ്റക്കുറച്ചിലുകള്‍ കാണാം. അബീദ്‌ജാനിലെ ശരാശരി തോത്‌ 195 സെ.മീ. ആണ്‌. ശരാശരി താപനില 210C മുതൽ 330C വരെ വ്യത്യാസപ്പെട്ടുകാണുന്നു. സവന്നാമേഖലയ്‌ക്കു തൊട്ടുതാഴെയുള്ള വനപ്രദേശത്ത്‌ രണ്ടു മഴക്കാലങ്ങളുണ്ട്‌; ജൂലായ്‌ മധ്യം മുതൽ ഒക്‌ടോബർ അന്ത്യം വരെയും മാർച്ച്‌ മധ്യം മുതൽ മേയ്‌ മധ്യം വരെയും. ശരാശരി താപനില 240Cമുതൽ 390Cവരെയാണ്‌. കൂടിയ ആർദ്രത(70 ശതമാനം)മൂലം ദുസ്സഹമായ ചൂട്‌ അനുഭവപ്പെടുന്നു. മഴയുടെ തോതിലും ശരാശരി താപനിലയിലുള്ള പ്രാദേശികമായ ഏറ്റക്കുറച്ചിൽ ഈ മേഖലയിലുമുണ്ട്‌. പടിഞ്ഞാറരികിലുള്ള മലമ്പ്രദേശത്ത്‌ എല്ലാ മാസങ്ങളിലും മഴ പെയ്യുന്നു; വാർഷികത്തോത്‌ 200 സെ.മീ. ആണ്‌. സെപ്‌തംബറിൽ ആണ്‌ ഏറ്റവും കൂടുതൽ മഴ പെയ്യുന്നത്‌.
സസ്യജാലം
മഴക്കാടുകളിൽ മഹാഗണി, തേക്ക്‌ തുടങ്ങി സാമ്പത്തിക പ്രാധാന്യമുള്ള വൃക്ഷങ്ങള്‍ ധാരാളമായി കാണപ്പെടുന്നു. എണ്ണപ്പന, വാഴ, മരച്ചീനി, ചേന തുടങ്ങിയവ സമൃദ്ധമായി വളരുന്നു. അബീദ്‌ജാനു സമീപത്തുള്ള ബാങ്കോ നാഷണൽ പാർക്കിൽ ശതക്കണക്കിന്‌ സസ്യതരങ്ങള്‍ സംരക്ഷിക്കപ്പെട്ടിട്ടുണ്ട്‌. സവന്നാമേഖലയിൽ ഉയരംകൂടിയ പുൽവർഗങ്ങളും മുരടിച്ചു വളരുന്ന വൃക്ഷങ്ങളുമാണുള്ളത്‌.
ജന്തുജാലം
വന്യമൃഗങ്ങളിൽ കുളമ്പുള്ള വർഗങ്ങള്‍ക്കാണ്‌ പ്രാമാണ്യം. ഈ രംഗത്തു കാണപ്പെടുന്ന ആന്റെലോപ്പ്‌ ഇനങ്ങള്‍ താരതമേ്യന ഉയരം കുറഞ്ഞവയാണ്‌; ചെന്തവിട്ടുനിറവും സാമാന്യം വലുപ്പവുമുള്ള ബോംഗോ എന്നയിനം ആന്റെലോപ്പുകളെയും ഐവറികോസ്റ്റിൽ കാണാം. ഭീമാകാരനായ കാട്ടുപന്നിയാണ്‌ സാധാരണമായുള്ള മറ്റൊരു ജന്തു. ആറ്റിറമ്പുകളിൽ ചുവന്നനിറത്തിലുള്ള ഒരിനം പന്നികളുണ്ട്‌. ഇവ വെള്ളത്തിലും ജീവിക്കാറുണ്ട്‌. കടൽപ്പശു(മനാതീ)ക്കളും അപൂർവമായി കാണപ്പെടുന്നു. രാജ്യത്തിന്റെ ഉത്തരഭാഗത്തുള്ള സവന്നാപ്രദേശത്ത്‌ പത്തിലേറെയിനം ആന്റെലോപ്പുകള്‍, സിംഹം, ആന എന്നിവയാണ്‌ വന്യമൃഗങ്ങളായുള്ളത്‌. ആനക്കൂട്ടങ്ങള്‍ താരതമ്യേന അപൂർവമാണ്‌. ലൈബീരിയ അതിർത്തിക്കടുത്തുള്ള തായ്‌ വന്യമൃഗ സങ്കേതത്തിൽ പൊക്കംകുറഞ്ഞ ഒരിനം നീർക്കുതിര സംരക്ഷിക്കപ്പെട്ടുവരുന്നു.
ജനങ്ങള്‍
ജനവിതരണം
തികച്ചും അസന്തുലിതമാണ്‌ ഐവറികോസ്റ്റിലെ ജനവിതരണം. തലസ്ഥാനമായ അബീദ്‌ജാനിൽ മാത്രമായി മൊത്തം ജനസംഖ്യയുടെ 10 ശതമാനത്തിലേറെ തിങ്ങിപ്പാർക്കുന്നു. ആകെയുള്ളവരിൽ 22 ശതമാനം നഗരവാസികളാണ്‌. തികച്ചും വിജനമായ ധാരാളം വിസ്‌തൃതമേഖലകള്‍ ഈ രാജ്യത്തുണ്ട്‌. അധിവാസങ്ങള്‍ അങ്ങിങ്ങായാണ്‌ കാണപ്പെടുന്നതെങ്കിലും മിക്കവയും ജനനിബിഡമാണ്‌. ജനനനിരക്ക്‌ 2.3 ശതമാനം ആണ്‌.; എന്നിരിക്കിലും സമീപരാജ്യങ്ങളിൽനിന്നുള്ള കുടിയേറ്റംമൂലം ജനവർധനവിന്റെ തോത്‌ കൂടുതലായിരിക്കുന്നു. 2004-ലെ കണക്കനുസരിച്ച്‌ ജനസംഖ്യയിൽ 77 ശതമാനവും തദ്ദേശീയരാണ്‌. ശേഷിക്കുന്നവയിൽ 30,000 ലബനന്‍കാരും 45,000 ഫ്രഞ്ചുകാരുമാണുള്ളത്‌.
വർഗങ്ങള്‍
പ്രതേ്യകപ്രദേശങ്ങളിൽ ആധിപത്യം ഉറപ്പിച്ചിട്ടുള്ളവരും ഗോത്രപാരമ്പര്യം പാലിക്കുന്നതിൽ നിഷ്‌ഠയുള്ളവരുമായ 60-ലേറെ ജനവിഭാഗങ്ങളെ ഐവറികോസ്റ്റിൽ കണ്ടെത്താം. ഈ വിഭാഗങ്ങളിൽ പലതും ഇതര ഗോത്രങ്ങളുമായി ബന്ധപ്പെടുന്നു. ചില ഗോത്രക്കാരുടെ ചാർച്ച റിപ്പബ്ലിക്കിനു വെളിയിലുള്ള ജനവിഭാഗങ്ങളുമായാണ്‌. ഉദാഹരണമായി ബന്ദാമാ നദിയുടെ പൂർവപ്രാന്തത്തിൽ അധിവസിക്കുന്ന ബൗള്‍ തുടങ്ങിയ ഗോത്രക്കാരിൽ മിക്കവർക്കും ഘാനയിലെ അകാന്‍ ജനതയുമായാണ്‌ ചാർച്ചയുള്ളത്‌. ഐവറികോസ്റ്റിന്റെ മധ്യഭാഗത്തുള്ള വനാന്തരങ്ങളിൽ നിവസിക്കുന്ന ക്രൂ ഗോത്രത്തിൽ നിരവധി ഉള്‍പ്പിരിവുകളുണ്ട്‌; നന്നേകുറഞ്ഞ സംഖ്യാബലം മാത്രമുള്ള ഈ അവാന്തര വിഭാഗങ്ങള്‍ ഓരോന്നും തനതായ പാരമ്പര്യക്രമങ്ങള്‍ പുലർത്തുന്നുണ്ടെങ്കിലും പൊതുവായ ദായക്രമത്തിലും ഏർപ്പെടുന്നുണ്ട്‌.
സവന്നാമേഖലയിലെ ജനങ്ങളെ പൊതുവേ രണ്ടു വിഭാഗമായി തിരിക്കാം: മാലി ജനതയോടു സാജാത്യം പുലർത്തുന്ന മാലിന്‍കെ, ദിയോലാ ഗോത്രങ്ങളും വോള്‍ട്ടാ ജനതയോടു ബന്ധപ്പെട്ട സെനുഫോ, ലോബി, ബോബോ ഗോത്രങ്ങളുമാണ്‌ ഈ വിഭാഗങ്ങള്‍.
മതം
ഉള്‍നാട്ടിലെ ജനങ്ങളിൽ ഏറിയപേരും അന്ധവിശ്വാസ ജടിലമായ പ്രാകൃതമതങ്ങളിൽ വിശ്വസിക്കുന്നവരാണ്‌. ഇസ്‌ലാമിന്റെ അവാന്തരവിഭാഗമായ കാദരീയാ പ്രസ്ഥാനത്തിന്‌ കോങ്‌ നഗരത്തിലും മാലിന്‍കെ വിഭാഗക്കാർക്കിടയിലും ധാരാളം അനുയായികളുണ്ട്‌. ക്രസ്‌തവ വിഭാഗങ്ങളും പ്രബലമായ അംഗത്വം അവകാശപ്പെട്ടു കാണുന്നു. ഇവരിൽ 37.5 ശതമാനം മുസ്‌ലിങ്ങളും 37.5 ശതമാനം ക്രിസ്‌ത്യാനികളും 25 ശതമാനം ആഫ്രിക്കന്‍ വംശജരുമാണ്‌ (2009). ഉത്തരഭാഗത്ത്‌ മുസ്‌ലിങ്ങളും ദക്ഷിണഭാഗത്ത്‌ ക്രിസ്‌ത്യാനികളുമാണ്‌ കൂടുതലായി കാണപ്പെടുന്നത്‌.
ചരിത്രം
ഫ്രഞ്ചുകാരുടെ വരവിനു (17-ാം ശ.) മുമ്പുതന്നെ ഐവറികോസ്റ്റ്‌ എന്ന പേരിൽ ഇന്നറിയപ്പെടുന്ന പ്രദേശത്ത്‌ പല രാജവംശങ്ങളും ഭരിച്ചിരുന്നു. ക്രിന്‍ഡ്‌-ജാബോ, ബെറ്റി, ഇന്‍ഡേനി, ബെണ്ടോകു എന്നീ രാജ്യങ്ങള്‍ വളരെ ഉന്നതപദവി ആർജിച്ചിരുന്നതായി തെളിവുകളുണ്ട്‌. പടിഞ്ഞാറന്‍ പ്രദേശങ്ങള്‍ പൊതുവേ സ്ഥിരമായ അരക്ഷിതാവസ്ഥയിലായിരുന്നെങ്കിലും വടക്കും തെക്കുകിഴക്കന്‍ പ്രദേശങ്ങളും ക്രമമായി പുരോഗമിച്ചുകൊണ്ടിരുന്നു.
ഫ്രഞ്ച്‌ അധിനിവേശം
17-ാം ശതകത്തിന്റെ മധ്യത്തോടെ, ഫ്രഞ്ചു കച്ചവടക്കാരും മിഷനറിമാരും ഐവറികോസ്റ്റിൽ എത്തി. ആനക്കൊമ്പും അടിമകളുമായിരുന്നു ഇവിടത്തെ പ്രധാന കച്ചവടച്ചരക്കുകള്‍. 1842-ൽ ഫ്രഞ്ചുകാർ ഇവിടത്തെ ചില പ്രാദേശികത്തലവന്മാരുമായി സന്ധിയിലേർപ്പെട്ടു. തുടർന്ന്‌ അസ്‌സിനീ, ഗ്രാന്‍ഡ്‌-ബസാം, ദബൗ തുടങ്ങിയ സ്ഥലങ്ങളിൽ കച്ചവടകേന്ദ്രങ്ങളും സൈനികകേന്ദ്രങ്ങളും സ്ഥാപിച്ചു. ഇവയുടെ ഭരണത്തിനായി ഒരു റസിഡന്റിനെയും നിയോഗിച്ചിരുന്നു. 1887-ൽ ക്യാപ്‌റ്റന്‍ ലൂയി ഗുസ്‌താവ്‌ ബിങ്‌ഗർ (1856-1936) എന്ന ഫ്രഞ്ചുകാരന്റെ ശ്രമഫലമായി നാല്‌ സന്ധിക്കരാറുകളിൽ ഒപ്പുവച്ചതോടെ ഐവറികോസ്റ്റ്‌ ഒരു ഫ്രഞ്ചു സംരക്ഷിതപ്രദേശമായിത്തീർന്നു. 1893-ൽ ഒരു ഫ്രഞ്ചു കോളനിയായിത്തീർന്നപ്പോള്‍ ബിങ്‌ഗർ പ്രഥമ ഗവർണറുമായി. പ്രാദേശിക ഗവർണറായിരുന്ന ട്രലാപ്ലെയിന്‍ ചില ഗോത്രവർഗങ്ങളുമായി അഞ്ച്‌ പുതിയ കരാറുകളിൽ ഏർപ്പെട്ടു. ഇവയിലെ വ്യവസ്ഥകളനുസരിച്ച്‌ ഐവറികോസ്റ്റിലെ ഭരണാധികാരികള്‍ ഫ്രഞ്ചു കച്ചവടക്കാർക്ക്‌ അനേകം ആനുകൂല്യങ്ങള്‍ നല്‌കി. ഇതിനുപകരമായി ഫ്രഞ്ചുകാർ അവിടത്തെ പാരമ്പര്യസ്ഥാപനങ്ങളെ ആദരിക്കാമെന്ന്‌ ഉറപ്പു നല്‌കി. കൂടാതെ കുത്യൂം (Coutume)എന്ന രാജഭോഗവും അവർക്കു വാഗ്‌ദാനം ചെയ്‌തു. കയ, തെങ്കൊഡൊഗൊ, കൊഡൊഗൊ എന്നിവിടങ്ങളിലെ ജനങ്ങളെ തങ്ങളുടെ മത-രാഷ്‌ട്രീയത്തലവന്മാരുടെ നേതൃത്വത്തിൽ തുടരുവാന്‍ അനുവദിച്ചു.
കലാപങ്ങള്‍
19-ാം ശതകത്തിന്റെ അന്ത്യത്തോടെ പശ്ചിമാഫ്രിക്കയിലെ ഒരു ആക്രമണകാരിയായ സമോറി, ഐവറികോസ്റ്റ്‌ ആക്രമിക്കുകയും ഫ്രഞ്ച്‌ ആധിപത്യത്തെ ഉലയ്‌ക്കുകയും ചെയ്‌തു. തുടർന്ന്‌ ഫ്രഞ്ച്‌ വാഴ്‌ചയ്‌ക്കെതിരെ അനേകം കലാപങ്ങള്‍ പൊട്ടിപ്പുറപ്പെട്ടു. 1896-ൽ അസ്‌സികാസൊയിലെ ഫ്രഞ്ച്‌ സൈനികകേന്ദ്രം രണ്ടുമാസക്കാലത്തോളം നാട്ടുകാർ വളഞ്ഞുവച്ചു. 1902-06 കാലത്ത്‌ ബൗളിഗോത്രക്കാർ ഫ്രഞ്ചുകാരെ അതിശക്തമായി ചെറുത്തു. ഇതിനിടയിൽ (1904) ഐവറികോസ്റ്റ്‌ ഫ്രഞ്ച്‌ വെസ്റ്റ്‌ ആഫ്രിക്കന്‍ ഫെഡറേഷന്റെ ഭാഗമാക്കപ്പെട്ടു.
1908-ഓടുകൂടി തീരദേശം മാത്രമേ ഫ്രഞ്ചു നിയന്ത്രണത്തിനു വിധേയമായിരുന്നുള്ളൂ.ഫ്രഞ്ചു വിരുദ്ധകലാപങ്ങളുടെ ഒരു കാരണം 1900-ത്തിൽ ഏർപ്പെടുത്തിയ തലക്കരമായിരുന്നു. രക്തരൂഷിതമായ സംഘട്ടനങ്ങള്‍ക്കു ശേഷമേ നാട്ടുകാർ ഈ കരത്തിനു കീഴടങ്ങിയുള്ളൂ.
കലാപം അടിച്ചമർത്തിയതിനെത്തുടർന്ന്‌ ഫ്രഞ്ചുകാർ ഐവറികോസ്റ്റിൽ നേരിട്ടുള്ള ഭരണം ആരംഭിച്ചു. കലാപത്തിനു പ്രരണ നല്‌കിയ ഗോത്രത്തലവന്മാരെ നാടുകടത്തുകയോ നിയന്ത്രണങ്ങള്‍ക്കു വിധേയരാക്കുകയോ ചെയ്‌തു. മുഴുവന്‍ ഗോത്രവർഗങ്ങളെയും നിരായുധീകരിച്ചു. 1910-12 കാലത്ത്‌ ജനങ്ങളിൽനിന്ന്‌ 7,00,000 ഫ്രാങ്ക്‌ പിഴ ഈടാക്കി. ഗ്രാമങ്ങള്‍ പുനഃസംഘടിപ്പിച്ച്‌ ഒരു ഏകീകൃത ഭരണക്രമം നടപ്പാക്കി. 1912-ലെ സൈനിക റിക്രൂട്ട്‌മെന്റ്‌ ഗോത്രങ്ങള്‍ക്കിടയിൽ അതൃപ്‌തിക്ക്‌ കാരണമായെങ്കിലും ഒന്നാം ലോകയുദ്ധകാലത്ത്‌ സാമ്പത്തികനേട്ടത്തെക്കരുതി ധാരാളം പേർ ഇതിനായി സ്വയം മുന്നോട്ടുവന്നു. 1932-ൽ അപ്പർ വോള്‍ട്ടായുടെ ചില ഭാഗങ്ങള്‍ കൂട്ടിച്ചേർത്തതുമൂലം ഐവറികോസ്റ്റിന്റെ വിസ്‌തൃതി ഏകദേശം ഇരട്ടിയായി വർധിച്ചു. രണ്ടാം ലോകയുദ്ധകാലത്ത്‌ ഹിറ്റ്‌ലറുടെ വർണ നയത്തിനെതിരായി ഫ്രാന്‍സ്‌ സ്വീകരിച്ച നിലപാടിനെ ഐവറികോസ്റ്റ്‌ പിന്താങ്ങി.
ആർ.ഡി.എ.
1945 ആഗസ്റ്റിൽ നടന്ന അബീദ്‌ജാനിലെ മുനിസിപ്പിൽ തിരഞ്ഞെടുപ്പിൽ ബഹുഭൂരിപക്ഷം സീറ്റുകളും ആഫ്രിക്കക്കാർ കരസ്ഥമാക്കി. 1945 ഒക്‌ടോബറിൽ കോണ്‍സ്റ്റിറ്റ്യുവന്റ്‌ അസംബ്ലിയിലേക്കുള്ള തെരഞ്ഞെടുപ്പിൽ ഫെലിക്‌സ്‌ ഹൗഫൗട്ട്‌-ബോയിനി വിജയിയായി. 1946 ഒക്‌ടോബറിൽ അദ്ദേഹം ഫ്രഞ്ച്‌ കമ്യൂണിസ്റ്റുപാർട്ടിയുടെ സഹായത്തോടെ റാസംബിള്‍മങ്‌ ഡെമോക്രാറ്റിക്ക്‌ ആഫ്രിക്കന്‍ (R.D.A.)എന്ന രാഷ്‌ട്രീയപാർട്ടി രൂപവത്‌കരിച്ചു. ഇത്‌ ഐവറികോസ്റ്റിന്റെ രാഷ്‌ട്രീയചരിത്രത്തിലെ ഒരു സുപ്രധാന സംഭവമായിരുന്നു. ഗവർണർ ലാട്രിൽ ആർ.ഡി.എ.-കമ്യൂണിസ്റ്റ്‌ സഹകരണത്തെ പ്രാത്സാഹിപ്പിച്ചു. ഷെഫ്‌ദ കാബിനെ (കാബിനറ്റ്‌ തലവന്‍) ആയ ലംബാർട്ടും ഇതിനെ പിന്താങ്ങി. അധികാരികളുടെ ആശിസ്സോടെ ദ്രുതഗതിയിൽ വളർന്നുകൊണ്ടിരുന്ന ആർ.ഡി.എ.യിൽ പെട്ടെന്ന്‌ ഭിന്നിപ്പു പ്രകടമായി; പാർട്ടിക്കുള്ളിലെ ഈ ഭിന്നിപ്പ്‌ ആർ.ഡി.എ.യുടെ മൊത്തത്തിലുള്ള ജനപ്രീതി നഷ്‌ടപ്പെടുത്തിയിരുന്നില്ല. ഐവറികോസ്റ്റിലെ വിവിധമേഖലകളിലുള്ളവരെല്ലാം ആർ.ഡി.എ.യെ പിന്താങ്ങിയിരുന്നു. തന്മൂലം ഹൗഫൗട്ട്‌-ബോയിനി ഒരു ദേശീയ നേതാവായിത്തീർന്നു. 1946 മുതൽ 59 വരെ ഇദ്ദേഹം ഫ്രഞ്ച്‌നാഷണൽ അസംബ്ലിയിൽ ഐവറികോസ്റ്റിനെ പ്രതിനിധീകരിച്ചു. ജനങ്ങളുടെ ആവശ്യപ്രകാരം ഭരണസൗകര്യത്തിനായി ഒരു ഉത്തരവിനാൽ അപ്പർ വോള്‍ട്ട ഐവറികോസ്റ്റിൽനിന്നും വേർതിരിക്കപ്പെട്ടു (1947 സെപ്‌. 4).
1948-ൽ ബാർബി, ഡി ആർബോസ്സിർ തുടങ്ങിയ കമ്യൂണിസ്റ്റുപാർട്ടി നേതാക്കള്‍ ആക്രമണപരമായ ഒരു നയം ആവിഷ്‌കരിക്കുകയും ഇത്‌ ആർ.ഡി.എ.യുടെ മുമ്പാകെ അവതരിപ്പിക്കുകയും ചെയ്‌തു. ഈ നയത്തിലുള്ള പ്രതിഷേധം വളരെവേഗം വ്യാപകമാവുകയും ഭരണതലത്തിൽത്തന്നെ സമൂലമായ മാറ്റം സംഭവിക്കുകയും ചെയ്‌തു. 1948 അവസാനത്തോടെ ലാട്രിൽ-ലംബാർട്ട്‌ ഭരണം അവസാനിക്കുകയും കമ്യൂണിസ്റ്റ്‌ വിരുദ്ധനായ പിഷു (Pichou)ഗവർണറായി നിയുക്തനാകുകയും ചെയ്‌തു. ഗവർണറും കമ്യൂണിസ്റ്റ്‌ അനുഭാവികളായ ഈ രണ്ടു ഫ്രഞ്ചുകാരും ആർ.ഡി.എ.യുടെ പേരിൽ ഒരു ബലപരീക്ഷണത്തിനൊരുങ്ങി.
ആർ.ഡി.എ.യിലെ ഭിന്നിപ്പുകള്‍. 1948-ന്റെ അന്ത്യഘട്ടത്തിൽ ആർ.ഡി.എ.യുടെ സഹസ്ഥാപകനായ എത്തിയാന്‍ ജോമ(Etienne Djaument)രോജിവച്ചു. തുടർന്നുനടന്ന ഉപതെരഞ്ഞെടുപ്പിൽ ആർ.ഡി.എ. ജോമങ്ങിനെ പരാജയപ്പെടുത്തി, ഒരു പുതിയ പാർട്ടി രൂപവത്‌കരിക്കുവാനുള്ള ജോമങ്ങിന്റെ ശ്രമത്തെയും ആർ.ഡി.എ. എതിർത്തു. ജോമങ്ങും ആർ.ഡി.എ.യുമായുള്ള സംഘട്ടനങ്ങള്‍ ആർ.ഡി.എ.യുടെ ശിഥിലീകരണത്തിനു വഴിതെളിച്ചു.
ആർ.ഡി.എ.യും ഭരണകൂടവും. 1950 ജനുവരിയിൽ ആർ.ഡി.എ.യും ഭരണകൂടവും തമ്മിലുള്ള മത്സരം രൂക്ഷമായി. തൊഴിലാളികള്‍ പണിമുടക്കി; യൂറോപ്യന്‍ സാധനങ്ങള്‍ നാട്ടുകാർ ബഹിഷ്‌കരിച്ചു. ഫ്രഞ്ച്‌ യജമാനന്മാരെ സേവിക്കുവാന്‍ തദ്ദേശീയർ വിസമ്മതിച്ചു. ഹൗഫൗട്ട്‌-ബോയിനിയെ അറസ്റ്റുചെയ്യുമെന്ന കിംവദന്തി പരന്നതോടെ സായുധരായ ജനക്കൂട്ടം 1950 ജനുവരിയിൽ ഡിംബോക്രാ എന്ന സ്ഥലത്തുകൂടി. ഇവരെ പിരിച്ചുവിടുവാനുള്ള പൊലീസിന്റെ ശ്രമത്തിൽ രണ്ടുപേർ മരിച്ചു; അനേകം പേർക്ക്‌ പരിക്കേറ്റു. സെഗീല എന്ന സ്ഥലത്തും ഇത്തരം ഒരു സംഘട്ടനമുണ്ടായി. ഫ്രഞ്ച്‌ കോളനിയായ സെനഗാളിൽനിന്ന്‌ ഐവറികോസ്റ്റിലേക്ക്‌ സൈന്യത്തെ അയയ്‌ക്കുവാന്‍ ഫ്രഞ്ച്‌ ഗവണ്‍മെന്റ്‌ തീരുമാനിച്ചു. ഈ സമയത്ത്‌ ആർ.ഡി.എ.ക്ക്‌ എതിരായി പാർട്ടികള്‍ ആർ.ഡി.എ.യെ പിരിച്ചുവിടാന്‍ ഫ്രഞ്ച്‌ ഗവണ്‍മെന്റിനോട്‌ ആവശ്യപ്പെട്ടു.
ആർ.ഡി.എ.യുടെ ആക്രമണപ്രവണതയെപ്പറ്റി ഐവറികോസ്റ്റ്‌ ഭരണകൂടം ഫ്രഞ്ച്‌ ഗവണ്‍മെന്റിനെ അറിയിച്ചു. കൂടാതെ ഫ്രഞ്ച്‌ നാഷണൽ അസംബ്ലി ഇതിനെപ്പറ്റി നേരിട്ട്‌ അനേ്വഷിക്കാന്‍ ഒരു കമ്മിറ്റിയെ നിയോഗിക്കുകയും ചെയ്‌തു. ഈ കമ്മിറ്റിയും ഇത്‌ ശരിവച്ചതോടെ ആർ.ഡി.എ.ക്കെതിരായ പ്രാദേശിക ഭരണകൂടത്തിന്റെ നടപടി കൂടുതൽ ശക്തമായി. സ്ഥിതിഗതികള്‍ രൂക്ഷമാക്കിയതിന്‌ ആർ.ഡി.എ. നേതാവായ ഡി.ആർ. ബോസ്സിറും ഫ്രഞ്ച്‌ കമ്യൂണിസ്റ്റുപാർട്ടിയും കുറ്റപ്പെടുത്തപ്പെട്ടു. ആർ.ഡി.എ. മുഖപത്രമായ റിവീലി(Etienne Djaument)ന്റെ പ്രവർത്തകരെ മുഴുവന്‍ അറസ്റ്റുചെയ്യുകയോ പിഴശിക്ഷയ്‌ക്കു വിധിക്കപ്പെടുകയോചെയ്‌തു. ആർ.ഡി.എ.യുടെ അംഗങ്ങളെ തടവുശിക്ഷയ്‌ക്കു വിധിച്ചു. എന്നാൽ ഇതിനെതിരായി ഫ്രാന്‍സിലും ആഫ്രിക്കയിലും വ്യാപകമായുണ്ടായ എതിർപ്പിനെത്തുടർന്ന്‌ ഈ വിധി റദ്ദാക്കപ്പെട്ടു. തുടർന്ന്‌ ഫ്രഞ്ച്‌ കമ്യൂണിസ്റ്റ്‌ പാർട്ടിയുമായുള്ള ബന്ധം വിച്ഛേദിക്കുവാനും ഗവണ്‍മെന്റിനുനേരെ എതിർപ്പിനുപകരം സഹകരണത്തിന്റേതായ ഒരു സമീപനം സ്വീകരിക്കുവാനും ഹൗഫൗട്ട്‌-ബോയിനി തീരുമാനിച്ചു. ഇത്‌ ആർ.ഡി.എ.യുടെ നഷ്‌ടപ്പെട്ട യശസ്സ്‌ വീണ്ടെടുക്കുവാന്‍ സഹായകമായിരുന്നു.
സ്വാതന്ത്ര്യത്തിലേക്ക്‌
1958-ൽ ഐവറികോസ്റ്റ്‌ "ഫ്രഞ്ച്‌ കമ്യൂണിറ്റി'ക്കുള്ളിലെ ഒരു സ്വയം ഭരണറിപ്പബ്ലിക്കായി. 1959-ൽ ഹൗഫൗട്ട്‌ പ്രധാനമന്ത്രി പദമേറ്റു. 1960-ൽ ഫ്രഞ്ച്‌ ഭരണത്തിൽനിന്നും രാജ്യം പൂർണമായും സ്വാതന്ത്യ്രം നേടി; തുടർന്ന്‌ ഹൗഫൗട്ട്‌ പ്രസിഡന്റായിത്തീർന്നു.
1960 ഒ. 31-ന്‌ സ്വതന്ത്ര ഐവറികോസ്റ്റിലെ ഭരണഘടന നിലവിൽവന്നു. പ്രായപൂർത്തി വോട്ടവകാശപ്രകാരം അഞ്ച്‌ വർഷക്കാലത്തേക്ക്‌ തെരഞ്ഞെടുക്കുന്ന പ്രസിഡന്റിന്‌ വിപുലമായ അധികാരങ്ങള്‍ നല്‌കിയിരിക്കുന്നു. നിയമനിർമാണസഭയായ നാഷണൽ അസംബ്ലിയിലെ അംഗങ്ങളുടെ ഔദേ്യാഗിക കാലാവധിയും അഞ്ച്‌ വർഷത്തേക്കാണ്‌. ഐവറികോസ്റ്റ്‌ 1960 സെപ്‌. 20-ന്‌ യു.എന്‍.-ൽ അംഗമായിച്ചേർന്നു. ഓർഗനൈസേഷന്‍ ഒഫ്‌ ആഫ്രിക്കന്‍ യൂണിറ്റി (OAU), കൗണ്‍സിൽ ഒഫ്‌ ദി എന്റെന്റ്‌, ദി ഇക്കണോമിക്‌ കമ്യൂണിറ്റി ഒഫ്‌ വെസ്റ്റ്‌ ആഫ്രിക്കന്‍ സ്റ്റേറ്റ്‌സ്‌ (ECOWAS) എന്നിവയിലും അംഗമാണ്‌.
ലൗറന്റ ഗബാഗ്‌ബോ (Lourent Gbagbo) പ്രസിഡന്റായി 2000-ത്തിൽ തെരഞ്ഞെടുക്കപ്പെട്ടു. 1980-ൽ സാമ്പത്തികമാന്ദ്യം ഐവറിയുടെ സമ്പദ്‌വ്യവസ്ഥയെ പിടിച്ചുലച്ചു. 1990 ഉദേ്യാഗസ്ഥസമരവും വിവിധ പാർട്ടികളുടെ വളർച്ചയും രാജ്യത്ത്‌ അസംതൃപ്‌തി സൃഷ്‌ടിച്ചു. 1993-ൽ ഹെപ്പോറ്റ്‌ ബോഗണി(Houphouet-Boigny)യുടെ മരണത്തെത്തുടർന്ന്‌ ഹെന്‌റി കോനാന്‍ ബേദി (Henri Kanan Bedie) അധികാരത്തിലെത്തി. തുടർന്ന്‌ ആഭ്യന്തര അസന്തുലിതാവസ്ഥയും 1999-ൽ ജനറൽ റോബർട്ട്‌ ഗൂ (Guei) അധികാരത്തിലെത്തുകയും ചെയ്‌തു. ആദ്യ ഐവറി ആഭ്യന്തരകലാപം 2002. 2002 സെപ്‌. 19-ന്‌ ഐവറികോസ്റ്റിൽ സായുധകലാപം പൊട്ടിപ്പുറപ്പെട്ടു. അബീദ്ജാന് പിടിച്ചടക്കാന്‍ ശ്രമിച്ചെങ്കിലും പരാജയപ്പെട്ടു. എന്നാൽ വിപ്ലവകാരികള്‍ ബൗക്കി(Bouake) എന്ന പട്ടണം നിയന്ത്രണത്തിലാക്കാന്‍ ശ്രമിച്ചു. ഫ്രഞ്ച്‌ ഗവണ്‍മെന്റ്‌, വിപ്ലവത്തെ അടിച്ചമർത്താന്‍ ശ്രമിച്ചു. മുന്‍പ്രസിഡന്റ്‌ റോബർട്ട്‌ ഗൂ വധിക്കപ്പെട്ടു. ഇറ്റലിയിൽ ആയിരുന്ന ഐവറി പ്രസിഡന്റ്‌ ഗബാഗ്‌ബോ(Gbagbo) തിരിച്ചെത്തുകയും വിപ്ലവത്തെ പൂർണമായി അടിച്ചമർത്തി കൊക്കോ ഉത്‌പാദനകേന്ദ്രങ്ങള്‍ പിടിച്ചെടുക്കുകയും ചെയ്‌തു.
രണ്ടാം ആഭ്യന്തരകലാപം 2011. പ്രസിഡന്റ്‌ തെരഞ്ഞെടുപ്പാണ്‌ രണ്ടാം ആഭ്യന്തരകലാപത്തിന്‌ വഴിവച്ചത്‌ മുന്‍പ്രധാനമന്ത്രി അൽസെയിന്‍ ഘട്ടാരയും (Alassane Quattara)ഗബാഗ്‌ ബോയും തമ്മിൽ നടന്ന അധികാരതർക്കങ്ങള്‍ക്കും പിടിച്ചടക്കലുകള്‍ക്കും ഒടുവിൽ യു.എന്‍. ഫ്രഞ്ച്‌ ഗവണ്‍മെന്റ്‌ ഒരുമിച്ച്‌ ചേർന്ന്‌ ഗബാഗ്‌ബോയേ വലിയ മനുഷ്യാവകാശലംഘനങ്ങള്‍ക്കും ജനങ്ങളുടെ കൂട്ടക്കൊലയ്‌ക്കും എതിരെ നീക്കം നടത്തുകയും അറസ്റ്റ്‌ ചെയ്യുകയും ചെയ്‌തു. എന്നാൽ അറസ്റ്റിനെക്കുറിച്ച്‌ ഇന്നും പല തർക്കങ്ങളും നിലനില്‌ക്കുന്നു.
സമ്പദ്‌വ്യവസ്ഥ
കൃഷി
കാടുവെട്ടിത്തെളിച്ച്‌ കൃഷിയിറക്കുന്ന സമ്പ്രദായമാണ്‌ പൊതുവേ നിലവിലുള്ളത്‌. ഐവറികോസ്റ്റിലെ ജനങ്ങളിൽ 80 ശതമാനവും പരമ്പരാഗതമായ കൃഷിയെ ആശ്രയിക്കുന്നു. കിഴങ്ങുവർഗങ്ങള്‍, വാഴ, ചോളം എന്നിവയാണ്‌ പ്രധാന വിളകള്‍; അപൂർവമായി നെല്ലും കൃഷിചെയ്യപ്പെടുന്നു. സവന്നാമേഖലയിലെ മണ്ണ്‌ ധാന്യങ്ങള്‍ക്കും കരിമ്പ്‌, പരുത്തി എന്നീ നാണ്യവിളകള്‍ക്കും വളരെ പറ്റിയതാണ്‌. മധ്യരേഖാവനങ്ങളിലെ വെട്ടിത്തെളിക്കപ്പെട്ട പ്രദേശങ്ങളിൽ ഒട്ടുമുക്കാലും കൊക്കോ, കാപ്പി, റബ്ബർ എന്നീ നാണ്യവിളകള്‍ വളർത്തുന്ന തോട്ടങ്ങളാണ്‌. കാർഷികോത്‌പന്നങ്ങളിൽ ഒന്നാംസ്ഥാനം കാപ്പിക്കാണ്‌. മിക്ക വീടുകളിലും കാപ്പിമരങ്ങള്‍ കാണാം; ഐവറികോസ്റ്റിലെ ജനങ്ങളിൽ 20 ലക്ഷത്തോളം ആളുകള്‍ക്ക്‌ ജീവനമാർഗം പ്രദാനം ചെയ്യുന്ന വിളയാണിത്‌. 10 ലക്ഷത്തോളം ജനങ്ങള്‍ക്കു തൊഴിൽ നല്‌കുന്ന കൊക്കോ ആണ്‌ രണ്ടാമത്തെ വിള. 1960-നുശേഷം കൊക്കോ വിളവ്‌ ഇരട്ടിച്ചിട്ടുണ്ട്‌. ലോകത്തിലെ കൊക്കോ ഉത്‌പാദക രാഷ്‌ട്രങ്ങളിൽ ഐവറികോസ്റ്റ്‌ ഒന്നാംസ്ഥാനത്താണ്‌. ഏത്തവാഴക്കൃഷിയും ഗണ്യമായി വികസിച്ചിട്ടുണ്ട്‌. ഏറ്റവും കൂടുതൽ വികാസം നേടിയിട്ടുള്ളത്‌ കൈതച്ചക്ക ഉത്‌പാദനമാണ്‌. തെക്ക്‌ കിഴക്ക്‌ ഐവറികോസ്റ്റിൽ റബ്ബർ, എണ്ണപ്പന, എന്നിവയും തീരപ്രദേശത്ത്‌ തെങ്ങും ഇതരഭാഗത്ത്‌ പരുത്തിയും വന്‍തോതിൽ കൃഷിചെയ്യുന്നതിനുള്ള പദ്ധതികള്‍ പ്രാവർത്തികമായി വരുന്നു.
വനസമ്പത്ത്‌
തടികയറ്റുമതിയിൽ ആഫ്രിക്കയിലെ രാജ്യങ്ങളിൽ ഒന്നാംസ്ഥാനത്തും ഉഷ്‌ണമേഖലയിലെ രാജ്യങ്ങളിൽ രണ്ടാംസ്ഥാനത്തും നില്‌ക്കുന്നു. ക്രമരഹിതമായ ഉപഭോഗംമൂലം വിഭവസമാഹാരണം കുറവാണെങ്കിലും ഇന്നും ഐവറികോസ്റ്റിന്റെ വരുമാന മാർഗങ്ങളിൽ വനസമ്പത്തിനാണ്‌ ഒന്നാംസ്ഥാനം. സമ്പദ്‌പ്രധാനമായ 30-ലേറെയിനം തടികള്‍ ഇവിടത്തെ വനങ്ങളിൽ നിന്നു വന്‍തോതിൽ ലഭിച്ചുവരുന്നു. പശ്ചിമ ആഫ്രിക്കയിലെ മൊറോക്കോ മുതൽ കോംഗോ വരെയുള്ള രാജ്യങ്ങളിൽ പ്രിയം നേടിയിട്ടുള്ള ഉത്തേജകവസ്‌തുവായ കോളാപ്പരിപ്പ്‌ ഉത്‌പാദിപ്പിക്കുന്നതിൽ ഘാനയുടെ തൊട്ടുപിന്നിൽ നില്‌ക്കുന്നത്‌ ഐവറികോസ്റ്റാണ്‌; 2007-ലെ കണക്കനുസരിച്ച്‌ ഇവിടത്തെ ജനങ്ങളുടെ പ്രതിശീർഷവരുമാനം 960 അമേരിക്കന്‍ ഡോളറാണ്‌.
വ്യവസായം
തടിയറപ്പും പ്ലൈവുഡ്‌ നിർമാണവുമാണ്‌ പ്രധാന വ്യവസായങ്ങള്‍. ധാന്യം പൊടിക്കൽ, കാപ്പി, കൊക്കോ, കൈതച്ചക്ക, ഏത്തപ്പഴം തുടങ്ങിയ കാർഷികോത്‌പന്നങ്ങളുടെ സംസ്‌കരണം, സിഗററ്റ്‌, ബിയർ എന്നിവയുടെ നിർമാണം മുതലായ വ്യവസായങ്ങള്‍ അഭിവൃദ്ധിപ്പെട്ടുവരുന്നു. മത്സ്യശീതീകരണത്തിനായി ഐസ്‌ നിർമിക്കുന്ന ധാരാളം ഫാക്‌റ്ററികള്‍ ഉടലെടുത്തിട്ടുണ്ട്‌. തുണി, തുകൽ വസ്‌തുക്കള്‍, പ്ലാസ്റ്റിക്‌ എന്നിവയുടെ ഉത്‌പാദനം പ്രാരംഭദശയിലാണ്‌. ദേശീയോപഭോഗത്തിനായി സോപ്പ്‌, തീപ്പെട്ടി, ലോഹോപകരണങ്ങള്‍, ഗൃഹോപകരണങ്ങള്‍, സൈക്കിളുകള്‍, ഓട്ടോമൊബൈലുകള്‍, എയർകണ്ടിഷനർ, റെഫ്രിജറേറ്റർ തുടങ്ങിയ ഒട്ടേറെ പദാർഥങ്ങള്‍ നിർമിക്കുന്ന ഫാക്‌റ്ററികള്‍ തലസ്ഥാനമായ അബീദ്‌ജാനിൽ പ്രവർത്തനം ആരംഭിച്ചിട്ടുണ്ട്‌; എന്നാൽ ആഭ്യന്തരവിപണിയുടെ പരിമിതിയും ജനങ്ങളുടെ ക്രയശേഷിക്കുറവും ഈ വ്യവസായങ്ങളുടെ വളർച്ചയ്‌ക്കു തടസ്സം സൃഷ്‌ടിച്ചിരിക്കുന്നു.
ഗതാഗതം
അബീദ്‌ജാനിൽനിന്ന്‌ അപ്പർ വോള്‍ട്ടാ റിപ്പബ്ലിക്കിന്റെ തലസ്ഥാനമായ വാഗദൂഗുവിലേക്കു പോകുന്ന 660 കി.മീ. ദൈർഘ്യമുള്ള റെയിൽപ്പാതയാണ്‌ ഐവറികോസ്റ്റിലെ പ്രധാനപ്പെട്ട ഗതാഗതമാർഗം. തലസ്ഥാനനഗരം കേന്ദ്രീകരിച്ച്‌ രാജ്യത്തിന്റെ നാനാഭാഗങ്ങളിലേക്കായി നീളുന്ന നിരവധി രാജപാതകളുണ്ട്‌. 50,400 കി.മീ. ദൈർഘ്യമുള്ള ഹൈവേകളിൽ 4,889 ടാർ റോഡുകളും 45,511 കി.മീ. മെറ്റൽറോഡുകളുമാണുള്ളത്‌. ഇവിടെയുള്ള അബീദ്ജാന് തുറമുഖം പശ്ചിമ ആഫ്രിക്കയിലെ ഏറ്റവും വലിയ തുറമുഖമാണ്‌. സാന്‍പെഡ്രാ, സസാന്‍ഡ്ര, അബേഅയ്‌സോ, ദബോ എന്നിവയാണ്‌ മറ്റു പ്രധാന തുറമുഖങ്ങള്‍. എയർ ഐവറിയാണ്‌ രാജ്യത്തെ പ്രമുഖ വിമാനക്കമ്പനി.
തലസ്ഥാനമായ അബീദ്‌ജാനെ വൃഡികനാൽ മുഖാന്തിരം തുറമുഖമാക്കി വികസിപ്പിച്ചിരിക്കുന്നു. വർഷന്തോറും 3,000-ത്തോളം കപ്പലുകള്‍ ഈ തുറമുഖത്തെത്തി ചരക്കു കയറ്റിയിറക്കിൽ ഏർപ്പെടുന്നു. അബീദ്ജാന് 304 കി.മീ. പടിഞ്ഞാറുള്ള സാന്‍പെദ്രാ ആണ്‌ മറ്റൊരു തുറമുഖം. അബീദ്‌ജാനിലെ പോർട്ട്‌ബോവറ്റ്‌ ആണ്‌ ഐവറികോസ്റ്റിലെ അന്താരാഷ്‌ട്ര വിമാനത്താവളം; രാജ്യത്തിന്റെ പല ഭാഗങ്ങളിലായി 36 ചെറുകിട വിമാനത്താവളങ്ങളും ഉണ്ട്‌.
ഭരണസംവിധാനം
2004-ഓടെ ആഭ്യന്തരകലാപം മന്ദീഭവിപ്പിച്ചെങ്കിലും രാജ്യം ഭരണപരമായി രണ്ടായി വിഭജിക്കപ്പെട്ടിരുന്നു. ഉത്തരഭാഗത്ത്‌ ന്യൂഫോഴ്‌സസിനായിരുന്നു പ്രാമുഖ്യം. 2005-ൽ പ്രസിഡന്റ്‌ തെരഞ്ഞെടുപ്പ്‌ നടത്താന്‍ ധാരണയായിരുന്നെങ്കിലും 2010-ൽ മാത്രമാണ്‌ തെരഞ്ഞെടുപ്പ്‌ നടന്നത്‌. മുന്‍പ്രധാനമന്ത്രിയായിരുന്ന ഓട്ടാവ വിജയിച്ചുവെങ്കിലും കോണ്‍സ്റ്റിറ്റ്യൂഷണൽ കൗണ്‍സിൽ അതിനെ എതിർക്കുകയാണുണ്ടായത്‌. തുടർന്ന്‌ പ്രസിഡന്റായി അൽഡെയ്‌ന്‍ ഘട്ടാരയും പ്രധാനമന്ത്രിയായി ഗുലാമിസൊറൊയും തെരഞ്ഞെടുക്കപ്പെട്ടു.
സംസ്‌കാരം
ഇവിടത്തെ ജനങ്ങളിൽ ഭൂരിഭാഗവും നിരക്ഷരരാണ്‌. പത്തുവയസ്സുവരെയുള്ള കുട്ടികളിൽ ഭൂരിഭാഗവും സ്‌കൂള്‍ വിദ്യാഭ്യാസം നടത്തുന്നില്ല. സെക്കണ്ടറിതലത്തിൽ പഠിക്കുന്നവരിൽ അധികവും ആണ്‍കുട്ടികളാണ്‌. അബീദ്ജാന്, ബവുകെ എന്നിവിടങ്ങളിൽ രണ്ടു സർവകലാശാലകളുണ്ട്‌.
ഐവറികോസ്റ്റിലെ ഓരോ ജനവിഭാഗത്തിനും തനതായ സംഗീതരീതികളുണ്ട്‌. ഉച്ചത്തിലുള്ള ആലാപനവും "ടാക്കിങ്‌ സു' മാണ്‌ ഇവയുടെ സവിശേഷത. ഡൊബ്‌ളാസൊ സൗഗ്‌ളോ, ക്രപ്പ്‌ ഡിക്കേൽ എന്നിവയാണ്‌ മുഖ്യസംഗീതരീതികള്‍.
1984-ലെ ഒളിമ്പിക്‌സിൽ 400 മീറ്റർ ഓട്ടത്തിന്‌ വെള്ളിമെഡൽ ലഭിച്ചു. 2006 ഫുട്‌ബോള്‍ വേള്‍ഡ്‌കപ്പിൽ ജർമനിയുമായും 2010-ൽ സൗത്ത്‌ ആഫ്രിക്കയുമായും മത്സരത്തിലേർപ്പെട്ടു.
