This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

കേരദിനൃത്തം

മഹാരാഷ്ട്രയിലെ മത്സ്യത്തൊഴിലാളികള്‍ക്കിടയില്‍ നിലവിലുള്ള ഒരു വര്‍ഷകാല നാടോടിനൃത്തം. മുംബൈയിലെ നഗരപ്രാന്തങ്ങളിലാണ് ഇത് ഏറെയും പ്രചാരത്തിലുള്ളത്. മുക്കുവരുടെ ജീവിതവുമായി ബന്ധപ്പെട്ട പ്രക്ഷുബ്ധമായ സമുദ്രം, കൊടുങ്കാറ്റ്, പേമാരി എന്നിവയാണ് ഈ നൃത്തത്തിനു പശ്ചാത്തലമൊരുക്കുന്നത്. സമുദ്രത്തോട് ശാന്തമായിരുന്ന് തങ്ങളെ അനുഗ്രഹിക്കണമെന്ന പ്രാര്‍ഥനയോടെ നൃത്തം ആരംഭിക്കുന്നു. ഭക്തികൊണ്ടു പ്രസന്നമായ സമുദ്രം ശാന്തമാകുന്നുവെന്ന ഭാവമാണ് നൃത്തത്തില്‍ ക്രമേണ അഭിവ്യഞ്ജിക്കുന്നത്. 'മല്‍ഹരി' എന്ന നൃത്തരൂപവും മുക്കുവരുടേതുതന്നെയാണ്. മത്സ്യസമ്പത്തുമായി തീരത്തിലടുക്കുന്ന മുക്കുവര്‍ പെട്ടെന്നുണ്ടാകുന്ന കാറ്റിലും കോളിലും അകപ്പെട്ടുവലയുന്ന രംഗത്തെ ചിത്രീകരിക്കുന്നതാണ് ഈ നൃത്ത വിശേഷം. വായുദേവനോട് ശാന്തമാകണമേയെന്ന പ്രാര്‍ഥനയെത്തുടര്‍ന്നുണ്ടായ പ്രശാന്തതയില്‍ കരയിലെത്തുന്ന മുക്കുവര്‍ ആനന്ദനൃത്തം ചെയ്യുന്നതോടെ നൃത്തമവസാനിക്കുന്നു. ഇതില്‍ പങ്കെടുക്കുന്നവരുടെ സംഖ്യയ്ക്ക് ക്ലിപ്തതയൊന്നുമില്ല. മുക്കുവരുടേതായ ചില വാദ്യവിശേഷങ്ങള്‍ ഇതിനു പശ്ചാത്തലമൊരുക്കുന്നു.