This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അല്ലോബ്രോഗെസ്
സര്‍വ്വവിജ്ഞാനകോശം സംരംഭത്തില്‍ നിന്ന്
അല്ലോബ്രോഗെസ്
Allobroges
ഫ്രാന്‍സിന്റെ തെ.കിഴക്കുഭാഗത്തും സ്വിറ്റ്സര്‍ലണ്ടില്‍ ജനീവയുടെ പ്രാന്തപ്രദേശങ്ങളിലും പാര്‍ത്തിരുന്ന ഒരു പുരാതന കെല്‍റ്റിക് ജനവര്‍ഗം. അല്ലോബ്രോഗെസ് എന്നതിനു 'വിദേശികള്‍' എന്നാണ് ഫ്രഞ്ചുഭാഷയില്‍ അര്‍ഥം. പൂര്‍വനിവാസികളെ തുരത്തിയോടിച്ചിട്ട് അധിവാസമുറപ്പിച്ചവരാകാം ഈ ഗോത്രവര്‍ഗക്കാര്‍. ഇവരെ ബി.സി. 218-ല്‍ ഹാനിബാള്‍ ആക്രമിച്ചു. അന്നു മുതല്ക്കാണ് ഈ ഗോത്രവര്‍ഗക്കാര്‍ക്കു ചരിത്രത്തില്‍ സ്ഥാനം ലഭിച്ചത്. പിന്നീട് ബി.സി. 123-ല്‍ അവരെ റോമാക്കാര്‍ കീഴടക്കി. ഫാബിയസ് മാക്സിമസ് ആയിരുന്നു റോമാക്കാരുടെ തലവന്‍. ഈ റോമന്‍ നേതാവിനെ, അല്ലോബ്രോഗെസ് ജനതയുടെ നേതാവ് എന്ന അര്‍ഥത്തില്‍ 'അല്ലോബ്രോഗിക്കസ്' എന്നു വിളിച്ചു. തുടര്‍ന്ന് ഈ ഗോത്രവര്‍ഗക്കാര്‍ പുതുതായി സ്ഥാപിക്കപ്പെട്ട ട്രാന്‍സാല്‍പൈന്‍ ഗാള്‍ എന്ന സംസ്ഥാനത്തു പാര്‍പ്പുറപ്പിച്ചു.
റോമന്‍ ഭരണത്തിനെതിരായി അല്ലോബ്രോഗെസ് ഗോത്രക്കാര്‍ ബി.സി. 61-ല്‍ ഒരു വിപ്ലവം തന്നെ നടത്തി; പക്ഷേ പരാജയപ്പെട്ടു. ജൂലിയസ് സീസറിന്റെ കാലം മുതല്‍ അവര്‍ റോമിനോടു കൂറുള്ളവരായി വര്‍ത്തിച്ചുപോന്നു.
വിയന്ന, ജനീവ, കുലാറോ (ഗ്രേഷ്യനോപ്പൊലീസ്) എന്നിവയായിരുന്നു അല്ലോബ്രോഗെസ് വര്‍ഗക്കാരുടെ പ്രധാന പട്ടണങ്ങള്‍.
