This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ദേവദാസ്, പി. (1938 - 93)
സര്‍വ്വവിജ്ഞാനകോശം സംരംഭത്തില്‍ നിന്ന്
ദേവദാസ്, പി. (1938 - 93)
കേരള സംസ്ഥാന ചലച്ചിത്ര പുരസ്കാരം ഏര്‍പ്പെടുത്തിയ 1978-ല്‍ തമ്പ് എന്ന ചിത്രത്തിലെ ശബ്ദലേഖനത്തിന് ഇദ്ദേഹം പുരസ്കാരം നേടി. തുടര്‍ന്ന് 1981 (എലിപ്പത്തായം), (പോക്കുവെയില്‍), 1982 (വിവിധ ചിത്രങ്ങള്‍), 1984 (മുഖാമുഖം), 1985 (പടിപ്പുര), 1988 (അസ്ഥികള്‍ പൂക്കുന്നു), 1990 (വേമ്പനാട്) എന്നീ വര്‍ഷങ്ങളിലും സംസ്ഥാന ചലച്ചിത്ര പുരസ്കാരം നേടി. കൂടാതെ 1981 (എലിപ്പത്തായം), 1984 (മുഖാമുഖം), എന്നീ വര്‍ഷങ്ങളില്‍ മികച്ച ശബ്ദലേഖനത്തിനുള്ള ദേശീയ പുരസ്കാരവും കൈവരിച്ചു. 1987-ല്‍ അനന്തരം എന്ന ചിത്രത്തിന് ടി. കൃഷ്ണനുണ്ണി, എന്‍. ഹരികുമാര്‍ എന്നിവരോടൊപ്പവും ദേവദാസ് അവാര്‍ഡ് പങ്കിട്ടു. സ്വയംവരം മുതലുള്ള മിക്ക അവാര്‍ഡു ചിത്രങ്ങളുടെയും ശബ്ദലേഖകനായിരുന്നു ദേവദാസ്.
1980 മുതല്‍ 92 വരെ ചലച്ചിത്ര വികസന കോര്‍പ്പറേഷന്റെ കീഴിലുള്ള ചിത്രാഞ്ജലി സ്റ്റുഡിയോയില്‍ ശബ്ദലേഖന വിഭാഗത്തിന്റെ തലവനായി പ്രവര്‍ത്തിച്ചു. അടൂര്‍ ഗോപാലകൃഷ്ണന്‍, ജി. അരവിന്ദന്‍, പദ്മരാജന്‍, ലെനിന്‍ രാജേന്ദ്രന്‍, കെ.ജി. ജോര്‍ജ്, പ്രിയദര്‍ശന്‍, ഫാസില്‍, കെ.ആര്‍. മോഹന്‍ തുടങ്ങിയ പ്രഗല്ഭരായ പല സംവിധായകരും ദേവദാസിന്റെ ശബ്ദലേഖന വൈദഗ്ധ്യം ഉപയോഗപ്പെടുത്തിയിട്ടുണ്ട്.
1993-ല്‍ ദേവദാസ് അന്തരിച്ചു.
(വക്കം എം.ഡി. മോഹന്‍ദാസ്)
