ഡൈകോപ്റ്റിക്സ്

Diakoptics

നെറ്റ്വര്‍ക്കുകള്‍, വൈദ്യുതോത്പാദന ശൃംഖലകള്‍ തുടങ്ങി പരസ്പരം ബന്ധപ്പെട്ട പല ഭാഗങ്ങള്‍ ചേര്‍ത്തു നിര്‍മിച്ചിട്ടുള്ള ബൃഹത് സിസ്റ്റങ്ങളെ അപഗ്രഥനം ചെയ്യുമ്പോള്‍, അവയിലെ ഘടക ഭാഗങ്ങളേയും അവ തമ്മിലുള്ള സംയോജനങ്ങളേയും പ്രത്യേകമായി വിശകലനം ചെയ്തു വിലയിരുത്തുന്ന രീതി. 1950-കളില്‍ ജി. ക്രോണ്‍ രൂപകല്പന നടത്തിയ ഈ സംവിധാനം പിന്നീട് എച്ച്.എച്ച്. ഹാപ്പും കൂട്ടരും ചേര്‍ന്നു വികസിപ്പിച്ചു. സിസ്റ്റത്തിലെ ഓരോ ഘടകവും സ്വതന്ത്രമാണെന്ന രീതിയില്‍ വിശകലനം ചെയ്തശേഷം അവ തമ്മില്‍ ബന്ധപ്പെടുത്തുമ്പോള്‍ സംഭവിക്കുന്ന മാറ്റങ്ങള്‍ കൂടി ഉള്‍ പ്പെടുത്തിയാണ് സിസ്റ്റത്തിന്റെ പ്രവര്‍ത്തനം കണ്ടുപിടിക്കുന്നത്. ഉദാഹരണമായി ചിത്രം a-ലെ നെറ്റ് വര്‍ക്കിന്റെ പ്രവര്‍ത്തനം വിലയിരുത്തുന്നത് ചിത്രം b-ല്‍ കാണുന്നതുപോലെ മൂന്നു നെറ്റ്വര്‍ക്കുകളായി വിഭജിച്ചുകൊണ്ടാണ്.

1960-കളില്‍ സ്പാഴ് സ് - മെട്രിക് സ് രീതികള്‍ ഉപയോഗിച്ചു തുടങ്ങിയതോടെ ഡൈകോപ്റ്റിക്സിന് പ്രചാരം കുറഞ്ഞെങ്കിലും 1970-കളില്‍ കംപ്യൂട്ടറിന്റെ ആവിര്‍ഭാവത്തോടെ ഇതിനു വീണ്ടും പ്രചാരം ലഭിച്ചു. കംപ്യൂട്ടര്‍ ഉപയോഗിച്ചുള്ള പാരലല്‍ പ്രോസസി ങ്ങിന് ഏറ്റവും അനുയോജ്യമായ സംവിധാനം ഡൈകോപ്റ്റിക്സ് തന്നെയാണ്.

വൈദ്യുതോത്പാദന സിസ്റ്റത്തിന്റെ 'സ്റ്റെഡി - സ്റ്റേറ്റ്', ഡൈനാമിക് പ്രവര്‍ത്തനം, സിസ്റ്റത്തിലെ ലോഡിനനുയോജ്യമായി ഏറ്റ വും മെച്ചപ്പെട്ട സാമ്പത്തിക ദക്ഷത നേടാന്‍ വേണ്ട ക്രമീകരണങ്ങള്‍, ഉത്പാദനത്തിന്റെ സ്വചാലിത നിയന്ത്രണം എന്നിവ വിലയിരുത്താനും രൂപപ്പെടുത്താനും ഡൈകോപ്റ്റിക്സ് രീതികള്‍ ഉപയോഗിക്കാറുണ്ട്.

ഡൈകോപ്റ്റിക്സ്

സര്‍വ്വവിജ്ഞാനകോശം സംരംഭത്തില്‍ നിന്ന്

ഡൈകോപ്റ്റിക്സ്

താളിന്റെ അനുബന്ധങ്ങള്‍

സ്വകാര്യതാളുകള്‍

ഉള്ളടക്കം

തിരയൂ

പണിസഞ്ചി