This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടൈബീ ദ്വീപ്
സര്‍വ്വവിജ്ഞാനകോശം സംരംഭത്തില്‍ നിന്ന്
ടൈബീ ദ്വീപ്
Tybee Island
കിഴക്കന്‍ ജോര്‍ജിയയിലെ ഒരു ദ്വീപ്. സാവന്നാ (Savannah) നദീമുഖത്തായി അത് ലാന്തിക് സമുദ്രത്തില്‍ സ്ഥിതിചെയ്യുന്ന ഈ ദ്വീപിന്റ പരമാവധി നീളം 10 കി.മീ. ഉം വീതി 5 കി.മീ. ഉം ആണ്.
1867-ല്‍ പണികഴിപ്പിക്കപ്പെട്ട ടൈബീ ദീപസ്തംഭം ദ്വീപിന്റെ ഉത്തര-പൂര്‍വ ഭാഗത്തായി സ്ഥിതിചെയ്യുന്നു. 1753-ല്‍ ജനറല്‍ ജെയിംസ് ഓഗ് ല്‍ ത്രോപ് ഈ ദ്വീപില്‍ ഒരു ദീപസ്തംഭം പണിയുവാന്‍ ഉത്തരവിട്ടു. എന്നാല്‍ 1791-നു ശേഷമാണ് ഇതു പ്രവര്‍ത്തിച്ചുതുടങ്ങിയത്. ആഭ്യന്തരയുദ്ധകാലത്ത് ജനറല്‍ വില്യം ടി.ഷേര്‍മാന്റെ നേതൃത്വത്തിലുള്ള യൂണിയന്‍ സേന ടൈബി പിടിച്ചടക്കി. പുലസ്കി കോട്ടയ്ക്ക് എതിര്‍ഭാഗത്തായി തങ്ങള്‍ക്ക് യുദ്ധതന്ത്രപ്രധാനമായ ഒരു സ്ഥാനം നേടിയെടുക്കുകയായിരുന്നു യൂണിയന്‍ സേനയുടെ ലക്ഷ്യം. യുദ്ധത്തില്‍ ദീപസ്തംഭം നശിപ്പിക്കപ്പെട്ടു. തുടര്‍ന്ന് 1867-ല്‍ ഇതിന്റെ പുനര്‍നിര്‍മാണം നടന്നു. പുലസ്കി കോട്ട ഇപ്പോള്‍ ഒരു ദേശീയ സ്മാരകമാണ്.
ടൈബീ ദ്വീപിന് തൊട്ടുവടക്കായി കാണുന്നതും സാവന്നാബീച്ച് എന്ന പേരിലറിയപ്പെടുന്നതുമായ മണല്‍ത്തിട്ട ഒരു ജനപ്രിയ വേനല്‍ക്കാലസങ്കേതമാണ്. 'V' ആകൃതിയിലുള്ള ഈ മണല്‍ത്തിട്ട സാവന്നാ നദിവരെ വ്യാപിച്ചിരിക്കുന്നു.
