This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടൈന്‍ നദി
സര്‍വ്വവിജ്ഞാനകോശം സംരംഭത്തില്‍ നിന്ന്
ടൈന്‍ നദി
Tyne river
ഇംഗ്ലണ്ടിന്റെ വടക്കുഭാഗത്തുള്ള ഒരു നദി. നോര്‍ത്ത് ടൈന്‍, സൗത്ത് ടൈന്‍ എന്നീ നദികള്‍ സംഗമിച്ചാണ് ടൈന്‍ നദി രൂപം കൊള്ളുന്നത്. നോര്‍തംബര്‍ലന്‍ഡ് കുന്നുകളിലെ ഹെക്സ് ഹാമിന് പ. വച്ച് ഈ നദികള്‍ സംഗമിക്കുന്നു. തുടര്‍ന്ന് 48 കി.മീ. പൂര്‍വദിശയിലേക്കൊഴുകുന്ന ടൈന്‍നദി ടൈന്‍ മൗത്തിന്‍ വച്ച് (Tynemouth) നോര്‍ത് സീയില്‍ പതിക്കുന്നു. ഏകദേശം 128 കി.മീ. ആണ് ടൈന്‍ നദിയുടെ മൊത്തം നീളം.
ഡെര്‍വന്റ് , ടീം എന്നിവയാണ് ടൈന്‍ നദിയുടെ പ്രധാന പോഷകനദികള്‍. ബ്ളേഡന്‍ മുതല്‍ പതനസ്ഥാനം വരെയുള്ള ഏതാണ്ട് 22.5 കി.മീ. ദൂരം ഈ നദി ഗതാഗത യോഗ്യമാണ്. നിരവധി വ്യവസായശാലകളും, കപ്പല്‍ നിര്‍മാണകേന്ദ്രങ്ങളും ടൈന്‍നദിയുടെ കര കേന്ദ്രീകരിച്ച് പ്രവര്‍ത്തിക്കുന്നുണ്ട്. ടൈന്‍ നദിക്കരയിലെ വ്യാവസായിക മേഖല 'ടൈന്‍സൈഡ്' (Tyneside) എന്ന പേരിലറിയപ്പെടുന്നു. ന്യൂ കാസില്‍, സൗത്ത് ഷീല്‍ഡ്സ് എന്നിവയാണ് നദിക്കരയിലെ പ്രധാന നഗരങ്ങള്‍.
