This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടെലസ്ഫറസ്, വിശുദ്ധ
സര്‍വ്വവിജ്ഞാനകോശം സംരംഭത്തില്‍ നിന്ന്
ടെലസ്ഫറസ്, വിശുദ്ധ
Telesphorus,Saint
രക്തസാക്ഷിത്വം വരിച്ച ഒരു ആദ്യകാല മാര്‍പാപ്പ. ഗ്രീസ് സ്വദേശിയായ ഇദ്ദേഹം പതിനൊന്നുവര്‍ഷം (സു. 125-136) മാര്‍പാപ്പയായിരുന്നു എന്നു ചരിത്രരേഖകള്‍ സൂചിപ്പിക്കുന്നു. ഹദ്രിയന്‍ ചക്രവര്‍ത്തിയുടെ ഭരണകാലത്താണ് (117-138) ഇദ്ദേഹം രക്തസാക്ഷിത്വം വരിച്ചത് എന്ന് കരുതപ്പെടുന്നു. വത്തിക്കാനില്‍ ഇദ്ദേഹത്തിന്റെ ഭൗതികാവശിഷ്ടങ്ങള്‍ അടക്കം ചെയ്തു എന്നാണ് വിശ്വാസമെങ്കിലും പില്ക്കാലത്തു നടന്ന ഉല്‍ഖനനങ്ങളും നിരീക്ഷണങ്ങളും ഈ വിശ്വാസത്തെ പിന്തുണയ്ക്കുന്നില്ല. പാശ്ചാത്യ ക്രൈസ്തവര്‍ ജനു. 5-നും പൗരസ്ത്യ ക്രൈസ്തവര്‍ ഫെ. 22-നും ഇദ്ദേഹത്തിന്റെ പെരുന്നാള്‍ ആഘോഷിച്ചുവരുന്നു.
