This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ചെഷന്‍ഡ് കോമ്പൗണ്ട്
സര്‍വ്വവിജ്ഞാനകോശം സംരംഭത്തില്‍ നിന്ന്
ചെഷന്‍ഡ് കോമ്പൗണ്ട്
ഒരു കുമിള്‍നാശിനി. 60 ഗ്രാം തുരിശും (കോപ്പര്‍ സള്‍ഫേറ്റ്) 330 ഗ്രാം അമോണിയം കാര്‍ബണേറ്റും നന്നായി പൊടിയാക്കി വായു കടക്കാത്ത ഗ്ലാസ് കുപ്പികളില്‍ 24 മണിക്കൂര്‍ സൂക്ഷിക്കുന്നു. ഇതില്‍നിന്ന് 250 ഗ്രാം പൊടി കുറച്ചു ചൂടുവെള്ളത്തില്‍ ലയിപ്പിച്ച ശേഷം 8 ലി. വെള്ളം ചേര്‍ത്തു നേര്‍പ്പിക്കും. ഈ ലായനിയാണു മണ്ണില്‍ ഒഴിക്കുന്നത്. സസ്യങ്ങള്‍ക്കു മണ്ണില്‍നിന്നുണ്ടാകുന്ന രോഗങ്ങളെ തടയാനാണ് ഈ കുമിള്‍ നാശിനി ഉപയോഗിക്കുന്നത്. ഇഞ്ചിയുടെ മൂടുചീയല്‍ രോഗം തടയാന്‍ ചെഷന്‍ഡ് കോമ്പൗണ്ടു കൊണ്ട് മണ്ണു കുതിര്‍ക്കുന്നത് വളരെ ഫലപ്രദമാണെന്നു കണ്ടിട്ടുണ്ട്. ഇലകള്‍ പഴുത്തുപോകുന്ന ഇഞ്ചിച്ചെടികള്‍ പിഴുതുമാറ്റിയശേഷം മണ്ണിലും അടുത്തുള്ള ചെടികള്‍ക്കു ചുറ്റിലും ഈ കുമിള്‍നാശിനി ഒഴിക്കുന്നു. പച്ചക്കറിത്തൈകളുടെ മൂട്അഴുകല്‍ രോഗങ്ങള്‍ക്കും ഈ കുമിള്‍നാശിനി വളരെ ഫലപ്രദമാണ്.
