This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ചൂര്‍ണാഭ
സര്‍വ്വവിജ്ഞാനകോശം സംരംഭത്തില്‍ നിന്ന്
ചൂര്‍ണാഭ
Streak
ഒരു ധാതു പൊടിഞ്ഞുണ്ടാകുന്ന ധൂളിയുടെ നിറം. മിനുസമല്ലാത്ത വെള്ള കളിമണ്‍ പ്ളേറ്റിന്റെ (സ്റ്റ്രീക് പ്ളേറ്റ്) ഉപരിതലത്തില്‍ ധാതു കൊണ്ട് അമര്‍ത്തി വരയ്ക്കുമ്പോള്‍ ലഭിക്കുന്ന പൊടിയുടെ നിറമാണിത്. ഈ നിറത്തില്‍ നിന്നാണ് ആ ധാതുവിന്റെ ചൂര്‍ണാഭ നിര്‍ണയിക്കുന്നത്. കളിമണ്‍ പ്ളേറ്റിനെക്കാള്‍ കാഠിന്യം കുറഞ്ഞ ധാതുക്കള്‍ മാത്രമേ ഇപ്രകാരം പ്ളേറ്റില്‍ 'വരകള്‍' വീഴ്ത്തുകയോ പൊടിയുകയോ ചെയ്യുകയുള്ളൂ. ധാതുവിന് പ്ളേറ്റിനെക്കാള്‍ കാഠിന്യമുണ്ടെങ്കില്‍, പ്ളേറ്റിന്റെ ഉപരിതലം പൊടിയുകയും ചെയ്യും. ധാതുവിന്റെ നിറവും ചൂര്‍ണാഭയും മിക്കപ്പോഴും ഒന്നായിരിക്കും. എന്നാല്‍ ചില ധാതുക്കളില്‍ ഈ സ്വഭാവം വിപരീതമാണ്. ഉദാഹരണത്തിന് സ്റ്റീല്‍-ഗ്രേ നിറമുള്ള ഇരുമ്പയിരായ ഹീമറ്റൈറ്റ് ചെറി-റെഡ് ചൂര്‍ണാഭ പ്രദര്‍ശിപ്പിക്കുന്നു. സുവര്‍ണ-മഞ്ഞനിറമുള്ള ചെമ്പയിരായ ചാല്‍കൊപൈറൈറ്റിന് പച്ച കലര്‍ന്ന കറുപ്പു ചൂര്‍ണാഭയാണുള്ളത്. കാഠിന്യം 9 ആയ കൊറണ്ടത്തിന് ചൂര്‍ണാഭയില്ല. കാരണം അതിന്റെ കാഠിന്യം സ്റ്റ്രീക്പ്ളേറ്റിന്റെതിനെക്കാള്‍ കൂടുതലാണ്. ചൂര്‍ണാഭ ധാതുക്കളെ തിരിച്ചറിയുന്നതിനു സഹായിക്കുന്ന പ്രധാനപ്പെട്ട ഒരു ഭൗതിക ഗുണമാകുന്നു.
