This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഖുമ്റാ നൃത്തം
സര്‍വ്വവിജ്ഞാനകോശം സംരംഭത്തില്‍ നിന്ന്
ഖുമ്റാ നൃത്തം
ഒഡിഷയില്‍ പ്രചാരത്തിലുള്ള ഒരു നാടോടി കലാരൂപം. യുദ്ധത്തെയും പുരാണേതിഹാസങ്ങളെയും മറ്റും ആസ്പദമാക്കി പൈക്കു വര്‍ഗക്കാര്‍ അവതരിപ്പിക്കുന്ന നൃത്തങ്ങളുമായി ഇതിനു സാദൃശ്യമുണ്ട്.
വിവാഹാവസരങ്ങളില്‍ ഒഡിഷയിലെ ഹരിജനങ്ങള്‍ അവതരിപ്പിക്കുന്ന ഈ നൃത്തത്തില്‍ സ്ത്രീകളും പുരുഷന്മാരും ഒഡിഷാ മട്ടിലുള്ള ആടയാഭരണങ്ങളണിഞ്ഞ് പങ്കെടുക്കുന്നു. സുന്ദര്‍ഗാര്‍ ജില്ലയിലെ ഒറയോണ്‍ വര്‍ഗക്കാരുടെ നൃത്തത്തില്‍ സാദ്രിഭാഷയിലുള്ള ഹൃദ്യമായ സംഗീതംകൂടി ഉള്‍പ്പെടുന്നു. നരി പശുക്കുട്ടിയെ പിടിക്കുന്നതോ വന്ധ്യതയില്‍ പരിതപിക്കുന്നതോ ആയിരിക്കും ഈ ഗാനങ്ങളിലെ പ്രതിപാദ്യം. ഒഡിഷാ നൃത്തങ്ങളുടെ പൊതുസ്വഭാവമായ താളവും കൈകളുടെ ദ്രുതചലനവും ഖുമ്റാ നൃത്തങ്ങളിലും ദൃശ്യമാണ്. ഒഡിഷയിലെ നൃത്തങ്ങളെല്ലാം ക്ലാസ്സിക്കല്‍ നൃത്തങ്ങളുമായും നാടോടി നൃത്തങ്ങളുമായും സമഞ്ജസമായി സമ്മേളിച്ചവയാണ്.
