This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ക്രോണസ്
സര്‍വ്വവിജ്ഞാനകോശം സംരംഭത്തില്‍ നിന്ന്
ക്രോണസ്
യവന ഇതിഹാസങ്ങളില്‍ പരാമര്‍ശിക്കപ്പെട്ടിട്ടുള്ള ഒരു ദേവത. ഗ്രീക്കുദേവതയായ കോറോണസ്സി (Koronos)നെ റോമാക്കാര്‍ ക്രോണസ് (Cronus) ആക്കി മാറ്റി അവരുടെ ദേവതയായ സാറ്റേണിനു തുല്യമാക്കി പ്രതിഷ്ഠിച്ചു. റോമന്‍ പുരാണേതിഹാസങ്ങളില്‍ ക്രോണസ് അഥവാ സാറ്റേണ്‍ എന്നപേരില്‍ പ്രസിദ്ധമായിത്തീര്‍ന്നിട്ടുള്ള ഈ ദേവതയെ സംബന്ധിക്കുന്ന കഥകള്‍ അധികവും ഗ്രീസുമായി ബന്ധപ്പെട്ടുതന്നെയാണ് നിലനില്‍ക്കുന്നത്. യുറാനെസ്സി(സ്വര്‍ഗം)ന്റെയും ഗേയാ(ഭൂമി)യുടെയും പുത്രനാണ് ക്രോണസ്. 'റീ'(Rhea)യാണ് ക്രോണസ്സിന്റെ ഭാര്യ. ഈ ദമ്പതിമാരുടെ പുത്രനാണ് സ്യൂസ്ദേവന്‍. വിളവെടുപ്പു പ്രമാണിച്ച് അറ്റിക്കയില്‍ നടത്തുന്ന 'ക്രോണിയ' എന്ന ഉത്സവം ഈ ദേവതയുടേതാണ്. അരിവാളും പിടിച്ച് നില്‍ക്കുന്ന ക്രോണസ്സിന്റെ ചിത്രങ്ങളും പ്രതിമകളും കണ്ടുകിട്ടിയിട്ടുണ്ട്.
