This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ക്രൊണാക്ക, ഇല്‍ സിമോണെ ഡെല്‍ പൊള്ളായിനോളോ
സര്‍വ്വവിജ്ഞാനകോശം സംരംഭത്തില്‍ നിന്ന്
ക്രൊണാക്ക, ഇല്‍ സിമോണെ ഡെല്‍ പൊള്ളായിനോളോ
Cronaca II Simone Del Pollainolo (1457 - 1508)
ഫ്ളോറന്‍സുകാരനായ വാസ്തുശില്പി. ബ്രൂണല്ലസ്ചിയന്‍ ശൈലിയില്‍ 15-ാം ശതകത്തിന്റെ അന്ത്യത്തില്‍ വാസ്തുശില്പങ്ങള്‍ രചിച്ച ഇദ്ദേഹം 1457-ല്‍ ജനിച്ചു. 1475-ല്‍ ഇദ്ദേഹം വാസ്തുവിദ്യാപഠനത്തിനായി റോമിലേക്കു പോയി. പത്തുവര്‍ഷം അവിടെ ചെലവഴിച്ച്, 1485-ല്‍ ഫ്ളോറന്‍സില്‍ തിരിച്ചെത്തി. ഫ്ളോറന്‍സില്‍ അക്കാലത്തു പ്രസിദ്ധനായിരുന്ന ഗിയുലിയാനോ ദാ സന്‍ഗാലോ എന്ന വാസ്തുശില്പിയുമായി യോജിച്ചു പ്രവര്‍ത്തിക്കാനാരംഭിച്ചു.
ക്രൊണാക്ക ഡിസൈന്‍ ചെയ്തു നിര്‍മിച്ച സ്ട്രോസ്സി കൊട്ടാരത്തിന്റെ പ്രാകാരശൃംഗം (cornice) ഏവരുടെയും അഭിനന്ദനം നേടി. ഈ പ്രാകാരശൃംഗം മൈക്കലോസ്സോസ് ഡിസൈന്‍ ചെയ്ത മെഡിസി കൊട്ടാരത്തിന്റെ പ്രാകാര ശൃംഗമാതൃകയിലുള്ളതും സംരചനാപരമായ തനിമ ഉള്‍ക്കൊള്ളുന്നതും സംരചനാഉയരവും പ്രാകാരശൃംഗത്തിന്റെ പൊക്കവും തമ്മില്‍ അനുരൂപമായ അനുപാതം പുലര്‍ത്തുന്നതുമാണ്. ദക്ഷിണ സാല്‍വതോറില്‍ നിര്‍മിച്ച ചര്‍ച്ച് ആണ് ക്രൊണാക്കയുടെ ഏറ്റവും ശ്രദ്ധേയമായ സംരചന. ഈ ചര്‍ച്ചിന്റെ നിര്‍മാണം 1480-ല്‍ തുടങ്ങി 1504-ല്‍ പൂര്‍ത്തിയാക്കി.
1508-ല്‍ ഇദ്ദേഹം അന്തരിച്ചു.
