This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കോളിനൃത്തം
സര്‍വ്വവിജ്ഞാനകോശം സംരംഭത്തില്‍ നിന്ന്
കോളിനൃത്തം
മഹാരാഷ്ട്രയില്‍ മുക്കുവ സമൂഹത്തിനിടയില്‍ പ്രചാരത്തിലുള്ള ഒരു ഹാസ്യാത്മക നാടോടിക്കല. കോളിന്‍, നക്ത എന്നീ പേരുകളിലും ഇത് അറിയപ്പെടുന്നു. നക്ത എന്ന വാക്കിനു പതിമൂക്കന്‍ എന്നാണ് അര്‍ഥം. മൂന്നു പേര്‍ അടങ്ങിയതാണ് ഈ നൃത്തസംഘം. നര്‍ത്തകര്‍ പശ്ചാത്തല സംഗീതത്തിന്റെ താളത്തിനൊത്തു മുന്നോട്ടും പിന്നോട്ടും കാലുകള്‍ ചലിപ്പിച്ചു നൃത്തം ചെയ്യുന്നു. മുഖാവരണവും പ്രത്യേക തരത്തിലുള്ള വസ്ത്രവും ധരിച്ച നക്ത, അമ്പും വില്ലുമേന്തി ഒരോ ചലനത്തെയും പര്‍വതീകരിച്ചുകാട്ടി കോമാളികെട്ടിയാടുന്നു. 'ബൂ-ബൂ' എന്നു ശബ്ദിച്ചു കൊണ്ട് കുട്ടികളുടെ നേര്‍ക്ക് അമ്പെയ്യുന്നു. എന്നാല്‍ അമ്പ് വില്ലിനോടു ചേര്‍ത്തു കെട്ടിയിരിക്കയാല്‍ ഒരിക്കലും കുട്ടികളില്‍ തറയ്ക്കുകയില്ല. മുംബൈയുടെ പ്രാന്തപ്രദേശങ്ങളിലാണ് ഈ നൃത്തം അധികമായി അരങ്ങേറാറുള്ളത്.
