This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കോളിക് അമ്ലം
സര്‍വ്വവിജ്ഞാനകോശം സംരംഭത്തില്‍ നിന്ന്
കോളിക് അമ്ലം
പിത്തരസത്തില്‍ ഏറ്റവും കൂടുതല്‍ അടങ്ങിയിരിക്കുന്ന അമ്ളം. ഇതു സ്വതന്ത്രാവസ്ഥയിലല്ല കാണപ്പെടുന്നത്. അമിനോ അമ്ളങ്ങളായ ഗ്ളൈസീന്‍, ടാറീന്‍ (2-അമൈനോ ഈഥേന്‍ സള്‍ഫോണിക് ആസിഡ്) എന്നിവയുമായി സംയോജിച്ച് യഥാക്രമം ഗ്ലൈക്കോളിക് അമ്ലമായും ടാറോകോളിക് അമ്ലമായും സ്ഥിതിചെയ്യുന്നു. ഫോര്‍മുല: C24H40O5. ആദ്യം കയ്പും പിന്നീട് മധുരവുമാണ് ഇതിന്റെ രുചി. ഗ്ലേഷ്യല്‍ (സ്ഫടികസദൃശം) അസറ്റിക് അമ്ലം, അസറ്റോണ്‍, ആല്‍ക്കഹോള്‍ എന്നിവയില്‍ ലയിക്കും. ക്ലോറോഫോമില്‍ അല്പമായ ലേയത്വമുണ്ട്. ജലം, ബെന്‍സീന്‍ എന്നിവയില്‍ അലേയമാണ്. ഉരുകല്‍നില 198°C. ഔഷധം, എമള്‍സീകാരകം എന്നീ നിലകളിലും ജൈവരസതന്ത്ര ഗവേഷണരംഗത്തും കോളിക് അമ്ലം ഉപയോഗപ്പെടുത്തുന്നു.
ഡി-ഓക്സി കോളിക് അമ്ല(ഒരു പിത്ത-അമ്ലം)വും കൊഴുപ്പമ്ലങ്ങളും, ഫീനോള്‍, നാഫ്ഥലീന്‍ എന്നിവ പോലുള്ള ആരോമാറ്റികങ്ങള്‍ ഉള്‍ക്കൊള്ളുന്ന മറ്റു പലതരം സംയുക്തങ്ങളും ചേര്‍ന്നുണ്ടാകുന്ന കോംപ്ലക്സുകള്‍ക്കു പൊതുവേ കോളിക് അമ്ലം എന്നാണു പറയുന്നത്.
