This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കോടിതീര്‍ഥം
സര്‍വ്വവിജ്ഞാനകോശം സംരംഭത്തില്‍ നിന്ന്
കോടിതീര്‍ഥം
ഒരു ഹൈന്ദവ തീര്‍ഥാടന കേന്ദ്രം. കോടിക്കണക്കിനാളുകള്‍ സ്‌നാനം ചെയ്‌തതിനാല്‍ "കോടിതീര്‍ഥം' എന്ന്‌ പേരു വന്നു എന്നാണ്‌ നിഗമനം. ഉത്തര്‍പ്രദേശിലെ ബന്‍ഡാ ജില്ലയില്‍ ഝാന്‍സി-മാണിക്‌പൂര്‍ റെയില്‍വേപ്പാതയുടെ ഏതാണ്ടു മധ്യഭാഗത്തായി കാര്‍വി റെയില്‍വേസ്റ്റേഷനടുത്താണ്‌ ഈ കേന്ദ്രം. അടുത്തുള്ള പുണ്യകേന്ദ്രങ്ങളാണ്‌ ചിത്രകൂടം (സീതാപൂര്‍), രാമഘട്ടം, പ്രമോദവനം, ജാനകീകുണ്ഡം, സ്‌ഫടികശില, അനസൂയാശ്രമം, ഭരതകൂപം, വാല്‌മീക്യാശ്രമം എന്നിവ. മഹാഭാരതം വനപര്‍വത്തെക്കുറിച്ചുള്ള കുഞ്ഞിക്കുട്ടന്‍ തമ്പുരാന്റെ പരിഭാഷയില്‍ കോടിതീര്‍ഥ സ്‌നാനത്തിന്റെ വൈശിഷ്‌ട്യത്തെപ്പറ്റി പ്രതിപാദിച്ചിട്ടുണ്ട്‌ (അധ്യായം 83-പദ്യം. 201, അധ്യായം-84, പ. 77).
(ഡോ. മാവേലിക്കര അച്യുതന്‍)
