This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കോടനാട്‌
സര്‍വ്വവിജ്ഞാനകോശം സംരംഭത്തില്‍ നിന്ന്
കോടനാട്‌
എറണാകുളം ജില്ലയില്‍ കുന്നത്തുനാട്‌ താലൂക്കിലുള്ള ചേരാനല്ലൂര്‍ വില്ലേജില്‍പ്പെടുന്ന സ്ഥലം. ആന പരിശീലനകേന്ദ്രം എന്ന നിലയില്‍ കോടനാട്‌ പ്രസിദ്ധി ആര്‍ജിച്ചിട്ടുണ്ട്‌. ജില്ലാ ആസ്ഥാനത്തുനിന്ന്‌ 42 കി.മീ. ദൂരത്തുള്ള ഈ സ്ഥലം കൂവപ്പടി പഞ്ചായത്തില്‍ ഉള്‍പ്പെടുന്നു. വില്ലേജിന്റെ വടക്കുഭാഗത്ത്‌ പെരിയാര്‍ നദിയും വ. കിഴക്കുഭാഗത്ത്‌ മലയാറ്റൂര്‍ വനങ്ങളുമാണ്‌. ഈ വനങ്ങളില്‍ നിന്നും ലഭിക്കുന്ന കാട്ടാനകളെ കോടനാടുള്ള ആനക്കൂട്ടിലാണ്‌ മെരുക്കുന്നത്‌. മലയാറ്റൂര്‍ ഡിവിഷണല്‍ ഫോറസ്റ്റാഫീസ്‌ കോടനാടാണ്‌ പ്രവര്‍ത്തിക്കുന്നത്‌. 1950-60 കാലഘട്ടത്തില്‍ സമീപ വനത്തില്‍നിന്നും വലിയതോതിലുള്ള ആനപിടുത്തം ഇവിടെ നടന്നിരുന്നു. 1970-കളില്‍ കേന്ദ്രസര്‍ക്കാര്‍ ഇതിനെതിരായ നിയമം കൊണ്ടുവന്നതോടെ കോടനാട്‌ ക്രമേണ ആന പരിശീലനകേന്ദ്രമായി മാറി. കേന്ദ്രസര്‍ക്കാരിന്റെ ഇക്കോ-ടൂറിസം പദ്ധതിയില്‍ നിലവില്‍ കോടനാടും ഉള്‍പ്പെട്ടിട്ടുണ്ട്‌. കോടനാടുനിന്നും 3 കി.മീ. അകലെയുള്ള പ്രക്കാട്‌ വില്ലേജ്‌, പ്രകൃതി സുന്ദരമായ പരിസ്ഥിതി-സൗഹൃദപ്രദേശമാണ്‌. 25 കിലോമീറ്റര്‍ അകലെ സ്ഥിതിചെയ്യുന്ന തട്ടേക്കാട്‌ പക്ഷിസന്നേതം, ഭൂതത്താന്‍ കെട്ട്‌ അണക്കെട്ട്‌ എന്നിവയാണ്‌ സമീപത്തെ മറ്റു വിനോദ സഞ്ചാരകേന്ദ്രങ്ങള്‍.
കോടനാടുനിന്നും ലഭിച്ച (1963) മഹാശിലാവശിഷ്‌ടങ്ങളുടെ കൂട്ടത്തില്‍ പുരുഷന്മാരുടെയും സ്‌ത്രീകളുടെയും മണ്‍പ്രതിമകള്‍ ഉള്‍പ്പെട്ടിരുന്നു.
(വിളക്കുടി രാജേന്ദ്രന്‍)
