This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കൃഷ്ണമൂര്‍ത്തി, യാമിനി മുന്‍ഗാര (1940 - )
സര്‍വ്വവിജ്ഞാനകോശം സംരംഭത്തില്‍ നിന്ന്
കൃഷ്ണമൂര്‍ത്തി, യാമിനി മുന്‍ഗാര (1940 - )
ഇന്ത്യന്‍ നര്‍ത്തകി. ആന്ധ്രപ്രദേശിലെ രായലസീമയിലെ മഡനപ്പള്ളിയില്‍ പണ്ഡിതനും കവിയുമായ എം. കൃഷ്ണമൂര്‍ത്തിയുടെ മകളായി 1940 ഡി. 20-ന് ജനിച്ചു. രുക്മിണി അരുണ്ഡേലിന്റെ നേതൃത്വത്തിലുള്ള 'കലാക്ഷേത്ര' എന്ന നൃത്ത വിദ്യാലയത്തില്‍ നിന്നു ഭരതനാട്യത്തില്‍ ബിരുദം നേടിയ ഇവര്‍ 1957-ല്‍ അരങ്ങില്‍ എത്തി. ശ്രീ. വെങ്കിടേശ്വര സര്‍വകലാശാലയുടെ ഓണററി ഡി.ലിറ്റ്. ബിരുദം, 'പദ്മശ്രീ' (1968), കേന്ദ്ര സംഗീതനാടക അക്കാദമിയില്‍ നിന്നും ഭരതനാട്യത്തിനുള്ള ദേശീയ അവാര്‍ഡ് (1977), ഗുരുദേബപ്രസാദ് പുരസ്കാരം (2011) തുടങ്ങിയ ബഹുമതികള്‍ യാമിനിക്ക് ലഭിച്ചിട്ടുണ്ട്. നടനവേദിയിലെ സംഭാവനകളെ മാനിച്ച് രാഷ്ട്രം ഇവരെ പത്മഭൂഷണ്‍ നല്‍കി (2011) ആദരിക്കുകയുണ്ടായി. 'ദ് നൃത്ത്യകൗസ്തുഭ കള്‍ച്ചറല്‍ സൊസൈറ്റി' എന്ന സ്ഥാപനത്തിന്റെ അധ്യക്ഷ കൂടിയായ യാമിനി ഇപ്പോഴും നൃത്തരംഗത്ത് സജീവമാണ്.
