This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കൂക്കയിൽ കണിയാർ
സര്‍വ്വവിജ്ഞാനകോശം സംരംഭത്തില്‍ നിന്ന്
കൂക്കയിൽ കണിയാർ
പതിനേഴാം ശതകത്തിൽ കേരളത്തിൽ ജീവിച്ചിരുന്ന ജ്യോത്സ്യന്‍. കൂക്കണിയാള്‍ എന്നും അറിയപ്പെടുന്നു. ഇടയ്‌ക്കാട്ട്‌ ഒരു ഗണകനായി ജനിച്ചു. ഇദ്ദേഹത്തെക്കുറിച്ച്‌ കൂടുതൽ വിവരങ്ങള്‍ ലഭ്യമല്ല. പ്രശ്‌നരീതി എന്ന പ്രശസ്‌ത ജ്യോതിഷ ഗ്രന്ഥമാണ്‌ ഇദ്ദേഹത്തിന്റെതായി ലഭിച്ചിട്ടുള്ള ഒരേയൊരു കൃതി. ഇതിലെ ആദ്യത്തെ അധ്യായങ്ങള്‍ പനയ്‌ക്കാട്ടു നമ്പൂതിരിയുടേതെന്നു വിശ്വസിക്കപ്പെടുന്ന പ്രശ്‌നമാർഗത്തിന്റെ ഒരു ലഘു പരാവർത്തനമാണ്‌. കവിത അത്ര മെച്ചപ്പെട്ടതല്ലെങ്കിലും കാര്യഭാഗങ്ങള്‍ ഒട്ടും വിട്ടുകളയാതെ ഉള്‍ക്കൊണ്ടിട്ടുണ്ട്‌. വീരഭദ്രന്‍, ഭൂതത്താന്‍, വേട്ടയ്‌ക്കൊരു മകന്‍, രുധിരമോഹിനി, രക്തേശ്വരി, പുലച്ചാമുണ്ഡി, ജയലക്ഷ്‌മി, കരിങ്കലക്കി, കല്ലുരുട്ടിനാഗം, മലദൈവം തുടങ്ങിയ ബാധകളെപ്പറ്റിയും കണിയാർ വിശദമായി പ്രസ്‌താവിക്കുന്നുണ്ട്‌. കടത്തനാട്ട്‌ ഉദയവർമത്തമ്പുരാനാണ്‌ പ്രസ്‌തുത ഗ്രന്ഥം കവനകൗമുദിയിലടെ അച്ചടിച്ചു പ്രകാശിപ്പിച്ചത്‌. കൂനേഴത്തു പരമേശ്വരമേനോന്‍ 1935-ൽ പ്രശ്‌നരീതി സംശോധനം ചെയ്‌തു പ്രസിദ്ധപ്പെടുത്തുകയുണ്ടായി.
