This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എഴുത്തച്ഛന്‍ പുരസ്‌കാരം
സര്‍വ്വവിജ്ഞാനകോശം സംരംഭത്തില്‍ നിന്ന്
എഴുത്തച്ഛന്‍ പുരസ്‌കാരം
കേരളസര്‍ക്കാര്‍ നല്‌കുന്ന പരമോന്നത സാഹിത്യപുരസ്‌കാരം. ഒരു സാഹിത്യകാരന്റെയോ സാഹിത്യകാരിയുടെയോ സമഗ്ര സംഭാവന വിലയിരുത്തിനല്‌കുന്ന ബഹുമതിയാണ്‌ ഇത്‌. അവാര്‍ഡുതുക ആരംഭത്തില്‍ ഒരു ലക്ഷം രൂപയായിരുന്നത്‌ 2011-ല്‍ ഒന്നരലക്ഷം രൂപയായി വര്‍ധിപ്പിച്ചു. ഇതോടൊപ്പം പ്രശസ്‌തിപത്രവും ശില്‌പവും നല്‌കിവരുന്നു. 1993-ല്‍ ടി.എം.ജേക്കബ്‌ സാംസ്‌കാരികവകുപ്പു മന്ത്രിയായിരുന്നപ്പോഴാണ്‌ മലയാളഭാഷയുടെ പിതാവായ തുഞ്ചത്ത്‌ രാമാനുജന്‍ എഴുത്തച്ഛന്റെ സ്‌മരണയ്‌ക്കായി ഈ പുരസ്‌കാരം ഏര്‍പ്പെടുത്തിയത്‌. കേരളപ്പിറവിദിനമായ ന. 1-നാണ്‌ അവാര്‍ഡു പ്രഖ്യാപനം നടത്തുന്നത്‌.
(വി.എസ്‌.എം.)
