This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഉം-ക്വായിസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ഉം-ക്വായിസ്‌
Umm qais
ജോർദാനിലെ ഇബ്രിഡ്‌ പ്രവിശ്യയിൽ സ്ഥിതിചെയ്യുന്ന ചരിത്ര പ്രധാനമായ ഒരു നഗരം. അലക്‌സാണ്ടർ ചക്രവർത്തി നിർമിച്ച ഈ പട്ടണം ആരംഭത്തിൽ ഗദാര എന്നാണ്‌ അറിയപ്പെട്ടത്‌. ബി.സി. 63-ൽ ഇവിടം റോമാക്കാരുടെ അധീനതയിലായി. ബൈബിളിൽ ഈ പട്ടണം പരാമർശിക്കപ്പെടുന്നുണ്ട്‌. ഇവിടെ വച്ചാണ്‌ ക്രിസ്‌തുപിശാചുക്കളെ പന്നികളിലേക്ക്‌ സന്നിവേശിപ്പിച്ചതെന്നും അവ നേരെ കടലിലേക്ക്‌ പാഞ്ഞുപോയതെന്നുമാണ്‌ ഐതിഹ്യം.
636-ലാണ്‌ ഗദാര ഇസ്‌ലാമിക ഭരണത്തിന്‍കീഴിലാകുന്നത്‌. ഇക്കാലത്താണ്‌ പട്ടണം ഉം-ക്വായിസ്‌ എന്ന പേരിലറിയപ്പെട്ടത്‌. ഭൂകമ്പമേഖലയാണ്‌ ഉം-ക്വായിസ്‌. എ.ഡി. 747-ൽ ഭൂകമ്പത്തിൽ ഈ നഗരം നശിക്കുകയും അങ്ങനെ വിസ്‌മൃതിയിലാവുകയും ചെയ്‌തു. 1947-ലാണ്‌ ഉത്‌ഖനനത്തിലൂടെ ഈ പട്ടണത്തിന്റെ അവശിഷ്‌ടങ്ങള്‍ കണ്ടെടുക്കപ്പെട്ടത്‌; ഉത്‌ഖനനത്തിന്റെ ഫലമായി ആംഫി തിയെറ്റർ, കോട്ടമതിൽ, ബാസിലിക്കയടക്കമുള്ള ചരിത്രശേഷിപ്പുകള്‍ കണ്ടെത്തിയിട്ടുണ്ട്‌. ജോർദാനിലെ ഒരു പ്രധാന ടൂറിസ്റ്റ്‌ കേന്ദ്രമാണ്‌ ഉം-ക്വായിസ്‌.
