This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഈജിയന്‍ തൊഴുത്ത്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ഈജിയന്‍ തൊഴുത്ത്‌
ഗ്രീക്ക്‌ ഇതിഹാസങ്ങളിൽ പരാമൃഷ്‌ടമായിട്ടുള്ള കാലിത്തൊഴുത്ത്‌. ആഥന്‍സിലെ രാജാവും തെസ്യൂസിന്റെ പിതാവുമായിരുന്ന ഈജിയന്‍സിന്‌ ഒരു തൊഴുത്തുണ്ടായിരുന്നു. 30,000 കാളകളാണ്‌ ഈ തൊഴുത്തിലുണ്ടായിരുന്നത്‌. 30 കൊല്ലമായി വൃത്തിഹീനമായി കിടന്ന തൊഴുത്ത്‌ ഒരു ദിവസംകൊണ്ട്‌ കഴുകി വൃത്തിയാക്കുന്ന പക്ഷം ആ തൊഴുത്തിലെ കാളകളുടെ പത്തിലൊരുഭാഗം ഹെർക്കുലിസിനു നല്‌കാമെന്ന്‌ ഈജിയസ്‌ വാഗ്‌ദാനം ചെയ്‌തു. ഈ വ്യവസ്ഥയനുസരിച്ച്‌ ഒരു ദിവസം കൊണ്ടുതന്നെ ഹെർക്കുലിസ്‌ തൊഴുത്തു വൃത്തിയാക്കി. തൊഴുത്തിന്റെ ചുവരുകള്‍ ഇടിച്ചു കളഞ്ഞതിനുശേഷം ആൽഫിയൂസ്‌, പെനിയൂസ്‌ നദികളുടെ ഗതി തൊഴുത്തിലൂടെ തിരിച്ചുവിട്ടാണ്‌ ഹെർക്കുലിസ്‌ ഈ ശുദ്ധീകരണ നടപടി നിർവഹിച്ചത്‌. എന്നാൽ വാഗ്‌ദാനം പാലിക്കാന്‍ രാജാവ്‌ വിസമ്മതിച്ചതിനെത്തുടർന്ന്‌ ഹെർക്കുലിസ്‌ ഈജിയസിനെയും പുത്രന്മാരെയും വധിക്കുകയും എലിസ്‌ രാജ്യം കൈവശപ്പെടുത്തുകയും ചെയ്‌തു എന്നാണ്‌ കഥ. ഈ ഇതിഹാസകഥയെ ആസ്‌പദമാക്കി, സാഹസിക യത്‌നങ്ങളിലൂടെ പൂർത്തീകരിക്കുന്ന ശുദ്ധീകരണനടപടികള്‍ക്ക്‌ "ഈജിയന്‍ തൊഴുത്തു ശുദ്ധമാക്കൽ' എന്ന ശൈലി ഉപയോഗിച്ചുവരുന്നു.
