This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇന്ദർപാൽ പണ്ഡിറ്റ്‌ (1901 - 49)
സര്‍വ്വവിജ്ഞാനകോശം സംരംഭത്തില്‍ നിന്ന്
ഇന്ദർപാൽ പണ്ഡിറ്റ്‌ (1901 - 49)
ഇന്ത്യന്‍ സ്വാതന്ത്യ്രസമരനേതാവ്‌. പഞ്ചാബിലെ കാന്‍ഗ്ര ജില്ലയിലെ നാദാന്‍ ഗ്രാമത്തിൽ പണ്ഡിറ്റ്‌ ഹരിറാമിന്റെയും റാംദേവിയുടെയും പുത്രനായി 1901 ജനു. 3-നു ഇന്ദർപാൽ ജനിച്ചു. ബിഷന്‍, വീർ-ഭാരത്‌, പ്രതാപ്‌ തുടങ്ങിയ പത്രങ്ങളുടെ കലാവിഭാഗത്തിൽ പ്രവർത്തിക്കുന്ന കാലത്ത്‌ ബി.എ. പാസായി. ലാലാലജ്‌പത്‌റായി, ഹർദയാൽ തുടങ്ങിയവരുടെ പ്രസംഗങ്ങളും പ്രസിദ്ധീകരണങ്ങളും ഇദ്ദേഹത്തെ ആഴത്തിൽ സ്വാധീനിച്ചിരുന്നു. ബ്രിട്ടിഷുകാരെ ബലപ്രയോഗംകൊണ്ടു പുറത്താക്കാന്‍ ഖദർപാർട്ടി(Ghadar Party)യുടെ മാതൃകയിൽ ഹിന്ദുസ്ഥാന്‍ സോഷ്യലിസ്റ്റ്‌ റിപ്പബ്ലിക്കന്‍ പാർട്ടി രൂപവത്‌കരിച്ചത്‌ ഇദ്ദേഹമാണ്‌. ചന്ദ്രശേഖർ ആസാദ്‌ ഗെറില്ലാ യുദ്ധതന്ത്രം പരിശീലിപ്പിച്ചിരുന്ന ഹിന്ദുസ്ഥാന്‍ സോഷ്യലിസ്റ്റ്‌ റിപ്പബ്ലിക്കന്‍ ആർമിയിലും ഇന്ദർപാൽ അംഗമായി. ബോംബ്‌ നിർമിക്കുന്നതിന്‌ പണ്ഡിറ്റ്‌ രൂപ്‌ചന്ദ്‌, ഭഗവതീചരണ്‍, യശ്‌പാൽ പണ്ഡിറ്റ്‌, അമ്രിക്‌സിങ്‌, ഗുലാബ്‌സിങ്‌ തുടങ്ങിയവരുടെ സഹായം ഇദ്ദേഹത്തിനു ലഭിച്ചിരുന്നു. സൈമണ്‍ കമ്മിഷനെ ബഹിഷ്‌കരിക്കാന്‍ ലാഹോറിൽ നടന്ന ജാഥയിൽ ഇന്ദർപാൽ പങ്കെടുത്തിട്ടുണ്ട്‌. ലാഹോർ, അമൃതസരസ്‌, ലാൽപൂർ, റാവൽപിണ്ടി, ഗുജ്‌റന്‍വാലാ തുടങ്ങിയ സ്ഥലങ്ങളിൽ ബോംബു സ്‌ഫോടന കേസുകളിൽ ഇദ്ദേഹം പ്രതിയായിരുന്നു. കോണ്‍ഗ്രസ്സിൽ ഇന്ദർപാൽ സുഭാഷ്‌ചന്ദ്ര ബോസിന്റെ പക്ഷത്തായിരുന്നു നിലയുറപ്പിച്ചത്‌. നിരവധി പ്രാവശ്യം ജയിൽശിക്ഷ അനുഭവിച്ചിട്ടുള്ള ഇദ്ദേഹത്തെ സ്വാതന്ത്യ്രപ്രാപ്‌തിക്കുശേഷമാണ്‌ മോചിപ്പിച്ചത്‌. സ്വാതന്ത്യ്രാനന്തരം സജീവമായ രാഷ്‌ട്രീയത്തിൽനിന്നും വിരമിച്ച ഇന്ദർപാൽ 1949 ഏ. 18-നു നിര്യാതനായി.
