This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇന്ത്യന്‍ കൗണ്‍സിൽ ഫോർ കള്‍ച്ചറൽ റിലേഷന്‍സ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ഇന്ത്യന്‍ കൗണ്‍സിൽ ഫോർ കള്‍ച്ചറൽ റിലേഷന്‍സ്‌
കേന്ദ്ര വിദേശകാര്യമന്ത്രാലയത്തിന്റെ സാംസ്‌കാരിക വിഭാഗം. ഇന്ത്യയുടെ അന്തർദേശീയ സാംസ്‌കാരിക നയം രൂപീകരിക്കുന്നതിനായി സ്ഥാപിതമായ (1950) ഇന്ത്യന്‍ കൗണ്‍സിൽ ഫോർ കള്‍ച്ചറൽ റിലേഷന്‍സിന്റെ ആസ്ഥാനം ന്യൂഡൽഹിയാണ്‌. ഇന്ത്യയും മറ്റു രാജ്യങ്ങളും തമ്മിലുള്ള സാംസ്‌കാരിക ബന്ധങ്ങളും പരസ്‌പരധാരണയും ദൃഢമാക്കുക എന്നതാണ്‌ കൗണ്‍സിലിന്റെ മുഖ്യലക്ഷ്യം. ഇതിനാവശ്യമായ സാംസ്‌കാരികനയതന്ത്രജ്ഞത സുഗമമാക്കുന്ന ചുമതലയും കൗണ്‍സിലിന്റേതാണ്‌. ഇന്ത്യയുടെ സാംസ്‌കാരിക പൈതൃകത്തെക്കുറിച്ച്‌ ആഗോള ജനതയ്‌ക്ക്‌ അറിവ്‌ പകരുന്നതിന്റെ ഭാഗമായി ഇതര രാജ്യങ്ങളുമായി സാംസ്‌കാരിക പ്രതിനിധി സംഘങ്ങളെ കൈമാറുക, രാജ്യാന്തരകേന്ദ്രങ്ങളിൽ സാംസ്‌കാരിക പ്രദർശനങ്ങള്‍ സംഘടിപ്പിക്കുക, സ്‌കോളർഷിപ്പുകളും ഗ്രാന്റുകളും ഏർപ്പെടുത്തി വിദേശികള്‍ക്ക്‌ ഇന്ത്യയുടെ സാംസ്‌കാരികധാരകളെ സംബന്ധിച്ചുള്ള പഠനസൗകര്യങ്ങള്‍ ഏർപ്പെടുത്തുക, പഠനപര്യടനങ്ങള്‍, സെമിനാറുകള്‍, പ്രസംഗങ്ങള്‍ എന്നിവയിലൂടെ വിദേശ വിദ്യാർഥികളിൽ ഇന്ത്യന്‍ സംസ്‌കാരത്തോടും ജനതയോടും ആഭിമുഖ്യം വളർത്തുക തുടങ്ങിയ പ്രവർത്തനങ്ങളിൽ കൗണ്‍സിൽ സജീവമായി ഏർപ്പെട്ടിരിക്കുന്നു. ഈ കൗണ്‍സിലിന്‌ ചണ്ഡീഗഢ്‌, ചെന്നൈ, ഹൈദരാബാദ്‌, കൊൽക്കത്ത, മുംബൈ, ലഖ്‌നൗ, തിരുവനന്തപുരം എന്നിവിടങ്ങളിൽ പ്രാദേശിക ആഫീസുകളും, ജോർജ്‌ടൗണ്‍, പോർട്ട്‌ലൂയി, ജക്കാർത്താ, മോസ്‌കോ, ബർലിന്‍, കെയ്‌റോ, ലണ്ടന്‍, താഷ്‌കെന്റ്‌, അൽമാറ്റി, ജോഹന്നാസ്‌ബർഗ്‌, ഡർബന്‍, പോർട്ട്‌ ഒഫ്‌ സ്‌പെയിന്‍, കൊളംബോ എന്നിവിടങ്ങളിൽ സാംസ്‌കാരികകേന്ദ്രങ്ങളുമുണ്ട്‌. സമാധാനം, അന്താരാഷ്‌ട്രധാരണ എന്നിവയുടെ പുരോഗതിക്കുവേണ്ടി 1964-ൽ കേന്ദ്രഗവണ്‍മെന്റ്‌ ഏർപ്പെടുത്തിയ ജവാഹർലാൽനെഹ്‌റു അവാർഡ്‌ നല്‌കുന്നതിന്റെ ചുമതല ഈ കൗണ്‍സിലിനാണ്‌.
