This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇന്ത്യന്‍ കൗണ്‍സിൽ ഒഫ്‌ ഹിസ്റ്റോറിക്കൽ റിസർച്ച്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ഇന്ത്യന്‍ കൗണ്‍സിൽ ഒഫ്‌ ഹിസ്റ്റോറിക്കൽ റിസർച്ച്‌
ചരിത്ര ഗവേഷണങ്ങള്‍ക്ക്‌ പ്രാത്സാഹനം നൽകുന്നതിനായി ഡൽഹി ആസ്ഥാനമായി പ്രവർത്തിക്കുന്ന സ്ഥാപനം. സൊസൈറ്റി രജിസ്‌ട്രഷന്‍ ആക്‌റ്റ്‌പ്രകാരം 1972-ൽ രൂപീകൃതമായി. ചരിത്രകാരന്മാരെ ഒരു കുടക്കീഴിൽ കൊണ്ടുവരിക, അവരുടെ കാഴ്‌ചപ്പാടുകള്‍ പങ്കുവെക്കാന്‍ അവസരമുണ്ടാക്കുക, ചരിത്രത്തിന്റെ യുക്തിപരമായ അവതരണവും വ്യാഖ്യാനവും നിർവഹിക്കുക, വസ്‌തുനിഷ്‌ഠവും ശാസ്‌ത്രീയവുമായ ചരിത്ര രചനാ രീതികള്‍ക്ക്‌ ദേശീയ ദിശാബോധം നൽകുക, സമതുലിതമായി വ്യത്യസ്‌തമേഖലകളിൽ ഗവേഷണം പ്രാത്സാഹിപ്പിക്കുക തുടങ്ങിയവയാണ്‌ ഐ.സി.എച്ച്‌.ആർ.-ന്റെ പ്രധാന പ്രവർത്തനങ്ങള്‍.
സർവകലാശാലകളിലും രജിസ്റ്റർ ചെയ്‌ത ഗവേഷണ കേന്ദ്രങ്ങളിലും, കോളജുകളിലുമുള്ള അധ്യാപകർക്ക്‌ ഗവേഷണത്തിനുവേണ്ടി ഫെലോഷിപ്പുകളും ധനസഹായങ്ങളും കൗണ്‍സിൽ അനുവദിക്കാറുണ്ട്‌. കൂടാതെ മുതിർന്ന ചരിത്രകാരന്മാർക്കും പഠനഗവേഷണാർഥം ധനസഹായം നൽകിവരുന്നു. സിമ്പോസിയങ്ങളും, സെമിനാറുകളും വർക്‌ഷോപ്പുകളും സംഘടിപ്പിക്കുന്നതിനും പ്രബന്ധങ്ങളും ജേണലുകളും പ്രസിദ്ധീകരിക്കുന്നതിനും ഐ.സി.എച്ച്‌.ആർ. സഹായം നൽകാറുണ്ട്‌.
ഐ.സി.എച്ച്‌.ആർ.-ന്‌ രണ്ട്‌ പ്രാദേശിക കേന്ദ്രങ്ങളാണുള്ളത്‌. ദക്ഷിണമേഖലാ പ്രാദേശിക കേന്ദ്രം ബംഗലൂരുവിലും വടക്കുകിഴക്കന്‍ പ്രാദേശിക കേന്ദ്രം ഗോഹട്ടിയിലും പ്രവർത്തിക്കുന്നു. ഇന്ത്യന്‍ ഹിസ്റ്റോറിക്കൽ റിവ്യൂ എന്ന ദ്വിവർഷ പ്രസിദ്ധീകരണവും, ഇതിഹാസ എന്ന ഹിന്ദി പ്രസിദ്ധീകരണവും ഐ.സി.എച്ച്‌.ആർ.-ന്റേതായുണ്ട്‌.
