This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇനാമൽ
സര്‍വ്വവിജ്ഞാനകോശം സംരംഭത്തില്‍ നിന്ന്
ഇനാമൽ
Enamel
ഒരു വസ്‌തുവിന്റെ പുറമേ പൂശിയിട്ടുള്ള കടുപ്പവും മിനുസവും മിനുമിനുപ്പുമുള്ള പദാർഥത്തിന്‌ സാമാന്യമായി ഇനാമൽ എന്നു പറയാം. ഉദാഹരണമായി പല്ലുകളുടെ മിനുങ്ങുന്ന പ്രതലം (surface) ഇനാമലാണ്‌. മിനുങ്ങുന്ന ചുവർ-പെയിന്റുകളെ ഇനാമൽ-പെയിന്റുകള്‍ എന്നു പറയുന്നു. എങ്കിലും ലോഹങ്ങളുടെയോ കളിമണ്‍ പാത്രങ്ങളുടെയോ പ്രതലങ്ങളിൽ പൂശുന്നതിന്‌ ഗ്ലാസുകൊണ്ടു നിർമിച്ച കടുപ്പമുള്ള പദാർഥമാണ്‌ യഥാർഥത്തിൽ ഇനാമൽ. ആവശ്യത്തിനുവേണ്ടിയോ അലങ്കാരത്തിനുവേണ്ടിയോ ഇനാമൽ പൂശിയിട്ടുള്ള വസ്‌തുക്കള്‍ ചിലപ്പോള്‍ വളരെ ആകർഷകങ്ങളായിരിക്കും. ഇനാമലിടുന്ന വിദ്യ അല്‌പം പ്രയാസമുള്ള ഒന്നാകയാൽ അതിൽ പ്രാവീണ്യം സിദ്ധിച്ചവരുടെ എച്ചം ഏതുകാലത്തും കുറവായിരുന്നു. പണ്ടുള്ള വിദഗ്‌ധന്മാർ ഇനാമൽ ചെയ്‌തിട്ടുള്ള ചില വസ്‌തുക്കള്‍ ഇന്ന്‌ അമൂല്യങ്ങളായി പരിഗണിക്കപ്പെട്ടുവരുന്നു. ചീനയിൽനിന്ന്‌ വളരെ മനോഹരങ്ങളായ ഇനാമലിത-വസ്‌തുക്കള്‍ കണ്ടുകിട്ടിയിട്ടുണ്ട്‌. ഇനാമലിടുന്ന-വിദ്യയിൽ ഇന്ന്‌ ജപ്പാന്‍ മുന്‍പന്തിയിൽ നില്‌ക്കുന്നു.
ഇനാമലിടുന്ന വിദ്യ ഏതുരാജ്യത്താണ്‌ ആരംഭിച്ചത്‌ എന്ന ചരിത്രവസ്‌തുത ഇന്നും അജ്ഞാതമാണ്‌. ബി.സി. 1300-കളിൽ ഈജിപ്‌തുകാർക്ക്‌ ഇനാമലനം വശമായിരുന്നു. കടുംനീല, മരതകപ്പച്ച, കരിഞ്ചുവപ്പ്‌ മുതലായ കമനീയവർണങ്ങളിലുള്ള ഇനാമലുണ്ടാക്കി സ്വർണ നിർമിതങ്ങളായ വസ്‌തുക്കളുടെയും ആഭരണങ്ങളുടെയും പ്രതലങ്ങളിൽ പൂശി അവർ അവയെ മോടിപിടിപ്പിച്ചിരുന്നു. പ്രാചീനഗ്രീക്കുകാർ പ്രതിമകളിൽ ഇനാമൽ പൂശുന്നതിന്‌ പ്രത്യേകതാത്‌പര്യം ഉള്ളവരായിരുന്നു. പതിനഞ്ചും പതിനാറും ശതകങ്ങളിൽ യൂറോപ്പിലുണ്ടാക്കിയിട്ടുള്ള ഒന്നാന്തരം ഇനാമൽച്ചിത്രങ്ങള്‍ പല മ്യൂസിയങ്ങളിലായി ഇന്നു സൂക്ഷിക്കപ്പെട്ടിട്ടുണ്ട്‌. ഇനാമലായി ഉപയോഗിക്കുന്ന പദാർഥം അനേകം രാസവസ്‌തുക്കളുടെ മിശ്രിതം ഉരുക്കി യോജിപ്പിച്ച്‌ ഉണ്ടാക്കുന്ന ഒന്നാണ്‌. സോഡ (സോഡിയം കാർബണേറ്റ്‌) അല്ലെങ്കിൽ പൊട്ടാഷ്‌ (പൊട്ടാസിയം കാർബണേറ്റ്‌), മണൽ, റെഡ്‌ ലെഡ്‌ (red lead)എന്നിവ അത്തരം ഒരു മിശ്രിതത്തിന്റെ ഘടകങ്ങളാണ്‌. ഈ ഘടകങ്ങളെ ഉരുക്കി യോജിപ്പിക്കുന്ന അവസരത്തിൽ അനുയോജ്യമായ ലോഹ-ഓക്‌സൈഡുകള്‍ (ഉദാ. കോപ്പർ ഓക്‌സൈഡ്‌; ടിന്‍ ഓക്‌സൈഡ്‌) ആവശ്യാനുസരണം കലർത്തി ഇനാമലിന്‌ ഉദ്ദിഷ്‌ടനിറം ഉണ്ടാക്കാം. ദ്രവ-ഇനാമൽ നല്ലപോലെ ഇളക്കിയശേഷം ഒരു ഇഷ്‌ടികയിലേക്കു പകർന്നു തണുപ്പിച്ച്‌ കേക്കുകളാക്കി പരുവപ്പെടുത്തിയെടുക്കുന്നു. ഇവയെ സൂക്ഷിച്ചുവെച്ച്‌ വേണ്ടപ്പോള്‍ ഉപയോഗിക്കാം. കടുപ്പം കൂടിയതും കുറഞ്ഞതുമായ ഇനാമലുകള്‍ ഉണ്ട്‌; സുതാര്യവും (transparent) അേതാര്യവും (opaque) അർധതാര്യവും (transluscent) ആേയ ഇനാമലുകളും ഉണ്ട്‌. സ്വർണം വെള്ളി എന്നീ വിശിഷ്‌ടലോഹങ്ങള്‍ കൊണ്ടുള്ള വസ്‌തുക്കളിന്മേൽ പൂശുന്നതിന്‌ സുതാര്യ-ഇനാമൽ ഉപയോഗിക്കുന്നു. അപ്പോള്‍ ആ ലോഹത്തിന്റെ തിളക്കം പൂർണമായും പ്രകാശിതമായിരിക്കും. ചെമ്പ്‌ മുതലായ ലോഹങ്ങള്‍കൊണ്ടുണ്ടാക്കിയ വസ്‌തുക്കളിന്മേൽ അതാര്യ-ഇനാമൽ ആണ്‌ പൂശാറുള്ളത്‌.
ഇനാമലിടുന്നതിനുമുമ്പായി വസ്‌തുവിന്റെ പ്രതലം നല്ലപോലെ വൃത്തിയാക്കണം. ഇനാമൽ നല്ലപോലെ പൊടിച്ച്‌ പശ, വെള്ളം അതല്ലെങ്കിൽ എച്ച എന്നിവ ചേർത്തു കുഴമ്പാക്കി ബ്രഷ്‌ ഉപയോഗിച്ച്‌ പ്രതലത്തിൽ തേയ്‌ക്കുന്നു. ബ്രഷ്‌കൊണ്ടു തേയ്‌ക്കുന്നതിനുപകരം വസ്‌തുവിനെ ഇനാമൽക്കുഴമ്പിൽ മുക്കിയെടുക്കാം. അതുമല്ലെങ്കിൽ കുഴമ്പ്‌ പ്രതലത്തിൽ സ്‌പ്ര ചെയ്‌താലും മതി. അനന്തരം ചൂളയിൽവെച്ച്‌ 730-870ബ്ബഇ-ൽ തപിപ്പിക്കുന്നു. ഇപ്രകാരം ചെയ്യുന്ന ഇനാമലനം ആർദ്രവിധിയാണ്‌. ശുഷ്‌കവിധി പ്രകാരവും ഇനാമലനം നടത്താം. ഇതിൽ ഇനാമൽ പൊടിച്ചു ചൂടാക്കിയശേഷം അരിപ്പയിലൂടെ കടത്തിവിട്ട്‌ പ്രതലത്തിൽ പരത്തുന്നു. ഉയർന്ന ദ്രവണാങ്കമുള്ള ലോഹങ്ങള്‍ക്കാണ്‌ ഈ രീതികള്‍ അനുയോജ്യം. ചെമ്പ്‌ അലുമിനിയം മുതലായ താഴ്‌ന്ന ദ്രവണാങ്കമുള്ള ലോഹങ്ങളിന്മേൽ പൂശുവാന്‍ പ്രത്യേകരീതിയിൽ തയ്യാർ ചെയ്‌തിട്ടുള്ള താഴ്‌ന്ന ദ്രവണാങ്കമുള്ള ഇനാമലുകള്‍ ലഭ്യമാണ്‌. പാത്രങ്ങള്‍, ആഭരണങ്ങള്‍, വാച്ചുകള്‍, കുളിത്തൊട്ടികള്‍, ചൂടുവെള്ളം നിറയ്‌ക്കാനുള്ള ടാങ്കുകള്‍, പൊടിഡപ്പികള്‍, ചൂളകളുടെ ഉള്‍ഭാഗങ്ങള്‍, കെമിക്കൽ-ഉപകരണങ്ങള്‍, ജെറ്റ്‌ എഞ്ചിനുകള്‍ എന്നിവയുടെയെല്ലാം നിർമാണത്തിൽ ഇനാമൽ പൂശുന്നതിന്റെ ആവശ്യകതയുണ്ട്‌. ഭക്ഷ്യവസ്‌തുക്കള്‍ സൂക്ഷിക്കുന്ന "ടിന്നു'കളിലും ഇനാമൽ ചെയ്യുക പതിവാണ്‌. ചൂട്‌, അപരദനം (corrosion), അപഘർഷണം(abrasion) എന്നിവയിൽനിന്ന്‌ വസ്‌തുപ്രതലങ്ങളെ രക്ഷിക്കുന്നതിന്‌ ഇനാമലനം സഹായിക്കുന്നു.
