This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇട്ടിയച്ചീകടാക്ഷദശകം
സര്‍വ്വവിജ്ഞാനകോശം സംരംഭത്തില്‍ നിന്ന്
ഇട്ടിയച്ചീകടാക്ഷദശകം
ഒരു പ്രാചീന മണിപ്രവാളകാവ്യം. ഇട്ടിയച്ചി എന്നു പേരായ ഒരു സുന്ദരിയെ സംബോധന ചെയ്‌തുകൊണ്ടും അവളുടെ കച്ചുകളെയും അവയുടെ മാദകമായ ശക്തിയെയും അലങ്കാരസമൃദ്ധമായ ശൈലിയിൽ സ്രഗ്‌ധരാവൃത്തത്തിൽ വർണിച്ചുകൊണ്ടുമുള്ള പത്തു ശ്ലോകങ്ങളടങ്ങിയ ശൃംഗാരരസപൂർണമായ ഈ ലഘുകവനം അജ്ഞാതകർത്തൃകമാണ്‌. ലീലാതിലകത്തിലെ മണിപ്രവാളനിർവചനത്തോട്‌ നീതി പുലർത്തുകയും അതിൽ ഉദ്ധരിക്കുന്ന പദ്യങ്ങളുടെ രചനാരീതിയുമായി അഭിന്നമായിരിക്കുകയും ചെയ്യുന്നതിനാൽ ഇതിന്റെ കാലം 14-15 ശതകങ്ങള്‍ക്കിടയ്‌ക്കായിരിക്കുമെന്ന്‌ ഭാഷാചരിത്രകാരന്മാർ വിശ്വസിക്കുന്നു.
"മത്തേഭംവെന്റ യാനേ, മധുമൊഴികള്‍ മുടി- പ്പട്ടമാമിട്ടിയച്ചീ, പത്താശാചക്രവാളേ സലളിതമെഴുനെ- ള്ളീടുവാനംഗയോനേഃ ചിത്രാഭം ചില്ലിവല്ലീ ചതുരമരതക- ത്തണ്ടുതന്‍ മെത്തപോലേ ചിത്താനന്ദം പൂർണത്തിന്റിതു നിഖിലനൃണാം നിന്‍കയൽക്കച്ചു രണ്ടും.'
എന്ന പദ്യം ഇതിന്റെ രചനാശൈലിക്കും പ്രതിപാദ്യത്തിനും ദൃഷ്‌ടാന്തമായി എടുത്തുകാണിക്കാവുന്നതാണ്‌.
