This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആപ്പിണ്ടി
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: ==ആപ്പിണ്ടി== ദീപാലങ്കാരങ്ങള്‍ക്ക്‌ പ്രാധാന്യമുള്ള ഉത്സവവേള...)
അടുത്ത വ്യത്യാസം →
04:05, 23 ഫെബ്രുവരി 2014-നു നിലവിലുണ്ടായിരുന്ന രൂപം
ആപ്പിണ്ടി
ദീപാലങ്കാരങ്ങള്‍ക്ക്‌ പ്രാധാന്യമുള്ള ഉത്സവവേളകളിൽ വാഴപ്പിണ്ടി കുഴിച്ചുനിർത്തി അതിൽ നിശ്ചിത അകലത്തിൽ ഈർക്കിൽ വളച്ചുകുത്തി മരോട്ടിത്തോടുവച്ച്‌ എച്ചയൊഴിച്ച്‌ തിരികൊളുത്തുന്നതിന്‌ ആപ്പിണ്ടി എന്നാണ്‌ പറയുക; മരോട്ടിയുടെ തോടിനു പകരം ചില സ്ഥലങ്ങളിൽ ഇടിഞ്ഞിലാണ്‌ ഉപയോഗിക്കുന്നത്‌. പല വലുപ്പത്തിലും ആകൃതിയിലും ആപ്പിണ്ടി സജ്ജീകരിക്കാറുണ്ട്‌. വാഴപ്പിണ്ടി കുഴിച്ചുനിറുത്തുന്നതിനുപകരം പ്രത്യേകം ചട്ടങ്ങളിൽ ഉറപ്പിച്ച്‌ പല തട്ടുകളിൽ ദീപങ്ങള്‍ ക്രമീകരിച്ച്‌ മൂന്നുനാലു പേർ ചുമലിൽ വഹിച്ചുകൊണ്ട്‌ നടക്കത്തക്കവച്ചവും ഇതുണ്ടാക്കാറുണ്ട്‌. ഹൈന്ദവക്ഷേത്രങ്ങളിലെ ഉത്സവങ്ങളിലും ക്രസ്‌തവദേവാലയങ്ങളിലെ പെരുന്നാളുകളിലും ഇതുപയോഗിച്ചുവരുന്നു. ഇരിങ്ങാലക്കുടപള്ളിയിലെ പിണ്ടിപ്പെരുന്നാള്‍ ഇക്കൂട്ടത്തിൽ പ്രസിദ്ധമാണ്‌. അന്ന്‌ അങ്ങാടികള്‍ ദീപഖചിതങ്ങളായ വാഴപ്പിണ്ടികളെക്കൊണ്ട്‌ അലങ്കൃതമായിരിക്കും. അതുപോലെ ദീപാവലി, കാർത്തികവിളക്ക്‌ തുടങ്ങിയ ആഘോഷങ്ങള്‍ക്കും ആപ്പിണ്ടി കൊളുത്തി അലങ്കരിക്കുന്ന പതിവ്‌ കേരളത്തിന്റെ പല ഭാഗങ്ങളിലും നിലവിലുണ്ട്‌.
