This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആഡംസ് പീക്
സര്‍വ്വവിജ്ഞാനകോശം സംരംഭത്തില്‍ നിന്ന്
ആഡംസ് പീക്
Adam's Peak
ശ്രീലങ്കയില്‍ കൊളംബോയ്ക്ക് 72 കി.മീ. കിഴക്കായി സ്ഥിതിചെയ്യുന്ന ഒരു തീര്‍ഥാടനകേന്ദ്രം. 2,214 മീ. ഉയരമുള്ള ഒരു മലയാണ് ആഡംസ് പീക്. ഈ മലയുടെ മൂര്‍ധാവില്‍ 12 മീ. നീളവും, മുക്കാല്‍ മീ. വീതിയുമുള്ള, പാദമുദ്രയോട് സാദൃശ്യം തോന്നുന്ന ഒരടയാളമുണ്ട്. ബുദ്ധമതക്കാര്‍ ഇതിനെ ഗൗതമബുദ്ധന്റെ കാല്പാടായി കരുതി പൂജിക്കുന്നു. ശ്രീ പരമേശ്വരന്റെ പാദമുദ്ര (ശിവനടിപാദം) ആയിട്ടാണ് ഹിന്ദുക്കള്‍ ഇതിനെ ഗണിക്കുന്നത്; വിശുദ്ധ തോമസ്സിന്റെ കാല്പാടായി ക്രിസ്ത്യാനികളും, ആദിപിതാവായ ആദാമിന്റെ കാലടിയായി മുസ്ലിങ്ങളും ഇതിനെ ബഹുമാനിക്കുന്നു. മേല്പറഞ്ഞ കാരണങ്ങളാല്‍ നാനാമതസ്ഥരായ ലക്ഷോപലക്ഷം തീര്‍ഥാടകര്‍ വര്‍ഷംതോറും ഇവിടം സന്ദര്‍ശിക്കാറുണ്ട്. പ്രാചീനകാലംമുതല്‍ ഈ കൊടുമുടി പുണ്യസ്ഥലമായി ഗണിക്കപ്പെട്ടുപോന്നതിനു രേഖകളുണ്ട്.
പാദമുദ്ര കാണുന്ന സ്ഥലത്ത് പണിയിച്ചിട്ടുള്ള ക്ഷേത്രത്തില്‍ അടുത്തകാലത്ത് ഒരു ബുദ്ധവിഗ്രഹം പ്രതിഷ്ഠിച്ചിട്ടുണ്ട്. ഇതോടനുബന്ധിച്ച് ചെറിയൊരു ബുദ്ധവിഹാരവും നിര്‍മിച്ചിരിക്കുന്നു.
