This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അലഖൈന്‍, അലക്സാണ്ടര്‍ (1892 - 1946)
സര്‍വ്വവിജ്ഞാനകോശം സംരംഭത്തില്‍ നിന്ന്
അലഖൈന്‍, അലക്സാണ്ടര്‍ (1892 - 1946)
Alexkhine,Alexander
ചെസ് കളിയില്‍ അസാധാരണ വൈദഗ്ധ്യം നേടിയ ഒരു റഷ്യക്കാരന്‍. 1892 ന. 1-ന് ഇദ്ദേഹം മോസ്കോയില്‍ ജനിച്ചു. 17 വയസ്സുള്ളപ്പോള്‍ ഹാംബര്‍ഗില്‍ നടന്ന ചെസ് മത്സരത്തില്‍ ഇദ്ദേഹം തന്റെ പ്രാഗല്ഭ്യം പ്രകടമാക്കി. 1914-ല്‍ ഒന്നാം ലോകയുദ്ധം പൊട്ടിപ്പുറപ്പെട്ടപ്പോള്‍ ഇദ്ദേഹം മന്‍ഹൈം മത്സരത്തില്‍ പങ്കെടുത്തുകൊണ്ടിരിക്കയായിരുന്നു. അവിടെനിന്നും പുറത്തുകടന്ന് റഷ്യന്‍ സൈന്യത്തിലെ റെഡ്ക്രോസ് വിഭാഗത്തില്‍ സേവനം അനുഷ്ഠിച്ചു. റഷ്യന്‍ വിപ്ലവത്തെത്തുടര്‍ന്ന് ഇദ്ദേഹം അവിടെനിന്നും ഫ്രാന്‍സിലെത്തി ഒരു ഫ്രഞ്ചുപൌരനായിത്തീര്‍ന്നു. പിന്നീട് പാരീസ് സര്‍വകലാശാലയില്‍ നിയമപഠനം നടത്തി. പല അന്താരാഷ്ട്രമത്സരങ്ങളിലും വിജയിച്ചിട്ടുള്ള അലഖൈന്‍ 1924-25, 1933 ഈ വര്‍ഷങ്ങളില്‍ ചെസ്സില്‍ ലോകചാമ്പ്യന്‍ പദവി നേടി. 1935-ല്‍ ഡോ. മാക്സ് ഈവുമായി നടന്ന മത്സരത്തില്‍ ഇതു നഷ്ടപ്പെട്ടു. പക്ഷേ 1937-ല്‍ ഈവില്‍നിന്നുതന്നെ അതു തിരിച്ചെടുക്കുകയും ചെയ്തു.
1946 മാ. 24-ന് പോര്‍ച്ചുഗീസിലെ എസ്റ്റോറിയല്‍ എന്ന സ്ഥലത്തുവച്ച് അലഖൈന്‍ നിര്യാതനായി. ഇദ്ദേഹത്തിന്റെ ആത്മകഥാപരമായ എന്റെ ഏറ്റവും മികച്ച നൂറു കളികള്‍ എന്ന റഷ്യന്‍ കൃതി 1927-ല്‍ ഇംഗ്ളീഷിലേക്കു തര്‍ജുമ ചെയ്തിട്ടുണ്ട്.
