This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അഭിരുചി പരീക്ഷകള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അഭിരുചി പരീക്ഷകള്‍
കിലൃേല ഠല
പ്രത്യേകതരം പ്രവര്‍ത്തനങ്ങളോട് ഒരുവ്യക്തിക്ക് തോന്നുന്ന താത്പര്യം അഥവാ അഭിരുചി അളക്കുവാന്‍ ഉപയോഗിക്കുന്ന മനഃശാസ്ത്രമാപിനികള്‍. ഒരുവന്റെ ജന്മസിദ്ധമായ അഭിക്ഷമത (മുശേൌറല), അഭിരുചിയില്‍ നിന്ന് വ്യത്യസ്തമാണ്. ഒരാള്‍ക്ക് സംഗീതത്തില്‍ അഭിക്ഷമത (കഴിവ്) ഉണ്ടെങ്കില്‍ സാധാരണഗതിയില്‍ അതില്‍ അഭിരുചിയും ഉണ്ടായിരിക്കാം. എന്നാല്‍ അഭിക്ഷമതയുള്ള എല്ലാറ്റിനോടും അയാള്‍ക്ക് അഭിരുചി (താത്പര്യം) ഉണ്ടായിരിക്കണമെന്നില്ല. കൂടാതെ അഭിക്ഷമത ഇല്ലാത്ത കാര്യങ്ങളില്‍ അഭിരുചി ഉണ്ടായെന്നും വരാം. ഉദാഹരണമായി നാടകാഭിനയത്തില്‍ കഴിവുള്ള ഒരുവ്യക്തിക്ക് അതില്‍ താത്പര്യമില്ലായിരിക്കാം. കഴിവില്ലാത്ത ഒരുവ്യക്തിക്ക് അഭിനയത്തില്‍ അതീവ താത്പര്യം ഉണ്ടായെന്നും വരാം. ഒരു പ്രത്യേക കഴിവില്ലായ്മയില്‍ തോന്നുന്ന അപകര്‍ഷതാബോധത്തെ പരിഹരിക്കാന്‍ ആ കഴിവില്‍ ഒരാള്‍ അതീവ താത്പര്യം പ്രകടിപ്പിക്കാനും ഇടയുണ്ട്. അഭിരുചിപരീക്ഷകളും അഭിക്ഷമതാപരീക്ഷകളും (നോ: അഭിക്ഷമതാപരീക്ഷകള്‍) നല്കുന്ന ദത്ത(റമമേ)ങ്ങള്‍ തമ്മില്‍ (യാന്ത്രിക-ശാസ്ത്രപര-അഭിക്ഷമതയൊഴികെ) മിക്കവാറും ഗണനീയമായ സഹസംബന്ധം (രീൃൃലഹമശീിേ) കാണാറില്ല എന്നത് അഭിക്ഷമതയും അഭിരുചിയും തമ്മിലുള്ള ബന്ധത്തിന്റെ അപര്യാപ്തതയ്ക്ക് തെളിവു നല്കുന്നു.
അഭിരുചി പരീക്ഷകളെ പൊതുവേ തൊഴില്‍പരമെന്നും അല്ലാത്തവയെന്നും വിഭജിക്കാം. ദി സ്റ്റ്രോങ് ഇന്ററസ്റ്റ് ഇന്‍വെന്ററി (ഠവല ടൃീിഴ കിലൃേല ക്ിലിീൃ്യ), ദി ഗ്രിഗറി അക്കാഡമിക് ഇന്ററസ്റ്റ് ഇന്‍വെന്ററി (ഠവല ഏൃലഴ്യീൃ അരമറലാശര കിലൃേല ക്ിലിീൃ്യ), ദി കൂഡര്‍ പ്രിഫറന്‍സ് റിക്കോര്‍ഡ് (ഠവല ഗൌറലൃ ജൃലളലൃലിരല ഞലരീൃറ), എ സ്റ്റഡി ഒഫ് വാല്യൂസ് (അ ടൌറ്യ ീള ഢമഹൌല) തുടങ്ങിയവ അഭിരുചി പരീക്ഷകള്‍ക്ക് ഉദാഹരണങ്ങളാണ്.
18-നും 25-നും ഇടയ്ക്ക് ഒരുവന്റെ അഭിരുചികള്‍ക്ക് സാരമായ വ്യതിയാനം സംഭവിച്ചുകൊണ്ടിരിക്കുമെന്ന് സ്റ്റ്രോങ് എന്ന മനഃശാസ്ത്രജ്ഞന്‍ അഭിപ്രായപ്പെടുന്നു. ഹൈസ്കൂള്‍-കോളജ് വിദ്യാര്‍ഥികളുടെ അഭിരുചികള്‍ക്ക് അതിവേഗത്തില്‍ പല മാറ്റങ്ങളും സംഭവിച്ചുകൊണ്ടിരിക്കുന്നതായി കൂഡറും (ഗൌറലൃ) കണ്ടുപിടിച്ചിട്ടുണ്ട്. തന്‍മൂലം അവരില്‍നിന്നും അഭിരുചി പരീക്ഷകള്‍ മൂലം ലഭിക്കുന്ന ദത്തങ്ങള്‍ക്ക് വിശ്വാസ്യത (ൃലഹശമയശഹശ്യ) താരതമ്യേന കുറവായിരിക്കും. 25 വയസ്സിനുശേഷം അഭിരുചികള്‍ക്ക് വലിയ മാറ്റം സംഭവിക്കുന്നില്ല. ഈ പരീക്ഷകള്‍ വിവിധതരം നിര്‍ദേശന (ഴൌശറമിരല) പ്രവര്‍ത്തനങ്ങള്‍ക്ക് ഉപയോഗിച്ചുകാണുന്നു. എങ്കിലും അവ ഒരുവ്യക്തിയുടെ ഭാവികാലവിദ്യാഭ്യാസ നേട്ടങ്ങളെ പ്രവചിക്കാന്‍ അത്ര സഹായകമല്ല.
