This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അഭാവം
സര്‍വ്വവിജ്ഞാനകോശം സംരംഭത്തില്‍ നിന്ന്
Technoworld (സംവാദം | സംഭാവനകള്‍)
(New page: = അഭാവം = ഇല്ലെന്നുള്ളതിന്റെയോ അല്ലെന്നുള്ളതിന്റെയോ അവസ്ഥ. വൈശേഷികന്...)
അടുത്ത വ്യത്യാസം →
05:14, 9 ഫെബ്രുവരി 2008-നു നിലവിലുണ്ടായിരുന്ന രൂപം
അഭാവം
ഇല്ലെന്നുള്ളതിന്റെയോ അല്ലെന്നുള്ളതിന്റെയോ അവസ്ഥ. വൈശേഷികന്മാര്‍ സ്വീകരിച്ചിട്ടുള്ള ദ്രവ്യം മുതലായ ഏഴു പദാര്‍ഥങ്ങളില്‍ ഏഴാമത്തേത്. ദ്രവ്യം, ഗുണം, കര്‍മം, സാമാന്യം, വിശേഷം, സമവായം, അഭാവം എന്നിവയാണ് ഏഴു പദാര്‍ഥങ്ങള്‍. (പദാര്‍ഥം എന്നതിന് പദംകൊണ്ട് - വാക്കുകൊണ്ട് - വ്യവഹരിക്കാവുന്നത് എന്നര്‍ഥം). സംസര്‍ഗം, അന്യോന്യം എന്നിങ്ങനെ അഭാവത്തെ രണ്ടായിതിരിച്ചിട്ടുണ്ട്. അതില്‍ സംസര്‍ഗാഭാവം മൂന്നുവിധത്തിലാണ്, പ്രാഗഭാവം, പ്രധ്വംസാഭാവം, അത്യന്താഭാവം എന്നിങ്ങനെ.
1. സംസര്‍ഗാഭാവം - (ശ) പ്രാഗഭാവം അഥവാ പൂര്‍വഗതാഭാവം. ഏതെങ്കിലും ഒരു വസ്തു ഉണ്ടാകുന്നതിനുമുമ്പുള്ള അഭാവം. ഉദാ. തീയുടെ ഉത്പത്തിക്കു മുമ്പ് അതിന്റെ ഇല്ലായ്മ.
(ശശ) പ്രധ്വംസാഭാവം. ഒരു വസ്തു ഉണ്ടായതിനുശേഷം ഇല്ലാതാകുന്ന അവസ്ഥ. ഉദാ. തീനാളം ഉണ്ടായതിനുശേഷം അണയുമ്പോഴുള്ള അവസ്ഥ.
(ശശശ) അത്യന്താഭാവം. ഒരു കാലത്തും ഇല്ലാത്തത്. ദ്രവ രൂപത്തിലുള്ള പാത്രം, മുയലിന്റെ കൊമ്പ്, ആകാശപുഷ്പം മുതലായവ ഉദാഹരണങ്ങള്‍.
2. അന്യോന്യാഭാവം - ഒരു വസ്തു മറ്റൊരു വസ്തു അല്ലാത്ത അവസ്ഥ. വ്യത്യാസമാണ് ഇതുകൊണ്ട് ഉദ്ദേശിക്കുന്നത്. ഉദാ. വൃക്ഷം ആന അല്ല; ഘടം പടം അല്ല മുതലായവ.
ഭാട്ടമീമാംസകരും വേദാന്തികളും അഭാവം ഒരു ജ്ഞാനസമ്പാദന മാര്‍ഗം (പ്രമാണം) ആയി സ്വീകരിക്കുന്നു (ഉദാ. ബ്രഹ്മത്തെ നേതി, നേതി-ഇതല്ല, ഇതല്ല-എന്നിങ്ങനെ വ്യവഹരിച്ചിട്ടുള്ളത്). എന്നാല്‍ ജ്ഞാനസമ്പാദനത്തിന് ഈ മാര്‍ഗം മാത്രം ആശ്രയിച്ചാല്‍ പോരാ. വവ്വാല്‍ ഒരു മൃഗമല്ല പക്ഷിയുമല്ല എന്നു പറയുമ്പോള്‍, ആ ജീവിയെപ്പറ്റി നിഷേധാത്മകമായ ഒരു രൂപം മാത്രമേ കിട്ടുന്നുള്ളു. അത് പൂര്‍ണജ്ഞാനമാകുന്നില്ല. അതിനാല്‍ അഭാവത്തെ മാത്രം ആശ്രയിച്ച് ജ്ഞാനം നേടുക സാധ്യമല്ല.
അഭികര്‍മകങ്ങള്‍
ഞലമഴലി
പ്രതിപ്രവര്‍ത്തനം ഉളവാക്കുന്ന പദാര്‍ഥം. ഒരു അഭികര്‍മകം മറ്റൊരു പദാര്‍ഥത്തില്‍ ഉണ്ടാക്കുന്ന പരിണാമങ്ങള്‍ മുഖ്യമായും അഭികര്‍മകത്തിന്റെ സംരചനാപരമായ സ്ഥിതിവിശേഷത്തെ ആശ്രയിച്ചിരിക്കുന്നു. അതായത് അഭികര്‍മകത്തിന്റെ നൈസര്‍ഗികമായ ചില പ്രവണതകളാണ് അതിന്റെ പ്രവര്‍ത്തനപഥത്തെ നിയന്ത്രിക്കുന്നത്. ഈ പ്രവണതകളുടെ അടിസ്ഥാനത്തില്‍ അഭികര്‍മകങ്ങളെ വര്‍ഗീകരിക്കാവുന്നതാണ്. രാസപ്രക്രിയകളിലെല്ലാം ഇലക്ട്രോണുകളുടെ പകര്‍ച്ചയോ പുനഃസംവിധാനമോ, പൂര്‍ണമായോ ഭാഗികമായോ ഉള്‍പ്പെടുന്നുണ്ട്. തന്മൂലം രാസപ്രക്രിയയ്ക്ക് ആസ്പദമായ ഇലക്ട്രോണുകളുമായി അഭികര്‍മകത്തിനുള്ള ബന്ധത്തെ അടിസ്ഥാനപ്പെടുത്തി അവ ഇലക്ട്രോഫിലിക-അഭികര്‍മകങ്ങള്‍ (ഇലക്ട്രോഫൈലുകള്‍) എന്നും നൂക്ളിയോഫിലിക-അഭികര്‍മകങ്ങള്‍ (ന്യൂക്ളിയോഫൈലുകള്‍) എന്നും രണ്ടായി തരംതിരിക്കപ്പെട്ടിരിക്കുന്നു. സ്വന്തം ഇലക്ട്രോണുകളെ അന്യ-അണുക നൂക്ളിയസിന് പ്രദാനം ചെയ്യുകയോ അന്യ-അണുകനൂക്ളിയസുമായി പങ്കു വയ്ക്കുകയോ ചെയ്യുന്ന അഭികര്‍മകങ്ങളാണ് നൂക്ളിയോഫൈലുകള്‍. മറിച്ച്, മറ്റൊന്നില്‍നിന്ന് ഇലക്ട്രോണുകളെ പൂര്‍ണമായോ ഭാഗികമായോ സ്വീകരിക്കുന്നതിന് സന്നദ്ധമായവയാണ് ഇലക്ട്രോഫൈലുകള്‍.
ഈ വര്‍ഗീകരണം വാസ്തവത്തില്‍ ഓക്സീകരണ-നിരോക്സീകരണ പ്രക്രിയകളുടെ ഇലക്ട്രോണിക-വ്യാഖ്യാനവുമായി ബന്ധപ്പെട്ടതാണെന്ന് നിഷ്പ്രയാസം കാണാം. ഇലക്ട്രോണുകളെ മറ്റൊരു സ്പീഷീസിലേക്ക് പ്രദാനം ചെയ്യുന്നത് നിരോക്സീകരണമാകയാല്‍ നൂക്ളിയോഫൈലുകള്‍ നിരോക്സീകാരികളായിരിക്കണം. അയോണിക പ്രതിപ്രവര്‍ത്തനങ്ങളില്‍ ഓക്സീകരണവും നിരോക്സീകരണവും സ്പഷ്ടമായി കാണാമെങ്കിലും അയോണികേതര പ്രതിപ്രവര്‍ത്തനങ്ങളില്‍ അപ്രകാരം ആയിരിക്കണമെന്നില്ല. എന്നാല്‍ ഇലക്ട്രോഫിലികതയും നൂക്ളിയോഫിലികതയും സ്പഷ്ടമായിരിക്കും.
അഭികര്‍മകങ്ങള്‍ അവയുടെ സവിശേഷ സ്വഭാവമനുസരിച്ച് നൂക്ളിയോഫിലികതയോ ഇലക്ട്രോഫിലികതയോ പ്രദര്‍ശിപ്പിക്കുന്നു. തദനുസൃതമായി അവ പ്രതിപ്രവര്‍ത്തനഗതി നിയന്ത്രിക്കുന്നു. രാസപ്രക്രിയാപഥം വിശദീകരിക്കുന്നതിനും ഉത്പന്നങ്ങള്‍ ഏതെന്നു പ്രവചിക്കുന്നതിനും നിര്‍ദിഷ്ടമായ ഒരു ഉത്പന്നം കിട്ടുന്നതിനു പറ്റിയ അഭികര്‍മകം നിര്‍ദേശിക്കുന്നതിനും മറ്റും അഭികര്‍മകങ്ങളുടെ ഈ വര്‍ഗീകരണം പ്രയോജനപ്പെടുന്നു.
അഭികര്‍മകങ്ങളെ മറ്റുതരത്തിലും വര്‍ഗീകരിക്കാറുണ്ട്. ഉദാഹരണമായി ലാപ്വര്‍ത്തും (ഘമുീൃംവേ) മറ്റും അവയെ 'ആനയോണോയ്ഡുകള്‍' എന്നും 'കാറ്റയോണോയ്ഡുകള്‍' എന്നും തരം തിരിക്കുന്നു. എന്നാല്‍ ഇവയെ യഥാക്രമം നൂക്ളിയോഫൈല്‍, ഇലക്ട്രോഫൈല്‍ എന്നിവയുടെ പര്യായങ്ങളായി കരുതാവുന്നതേയുള്ളു. ലൂയിസിന്റെ (ഘലംശ) ആസിഡ്-ബേസ് നിര്‍വചനത്തെ ആസ്പദമാക്കിയും വര്‍ഗീകരണം സാധ്യമാണ്. ആസിഡ്-ബേസ് എന്നോ, കാറ്റയോണോയ്ഡ്-ആനയോണോയ്ഡ് എന്നോ, ഇലക്ട്രോഫൈല്‍-ന്യൂക്ളിയോഫൈല്‍ എന്നോ പരസ്പരവിരുദ്ധമായ സ്വഭാവത്തെ ആസ്പദമാക്കി അഭികര്‍മകങ്ങളെ രണ്ടു വര്‍ഗങ്ങളായി തിരിക്കാം. ഇവയെല്ലാം തന്നെ സൌകര്യത്തെയും സരളതയെയും ഉദ്ദേശിച്ചുകൊണ്ടുള്ളവയാണ്. ഇക്കാലത്ത് ഏറ്റവും പ്രചാരമുള്ള സമ്പ്രദായം നൂക്ളിയോഫൈല്‍-ഇലക്ട്രോഫൈല്‍ എന്നുള്ള വര്‍ഗീകരണമാണ്. അയോണികേതര-പ്രക്രിയകള്‍ കൂടുതലുള്ള കാര്‍ബണിക രസതന്ത്രത്തിലാണ് ഇതിന്റെ പ്രയോജനം വളരെ വ്യക്തമായി കാണാവുന്നത്. അയോണിക പ്രക്രിയകള്‍ കൂടുതലുള്ള അകാര്‍ബണിക രസതന്ത്രത്തില്‍ ഈ വര്‍ഗീകരണം ഉപയോഗിക്കുന്നുണ്ടെങ്കിലും ഓക്സീകരണം-നിരോക്സീകരണം എന്ന വിഭജനമാണ് കൂടുതലായി പ്രയോജനപ്പെടുത്തുന്നത്.
ചില നൂക്ളിയോഫൈലുകള്‍ : സോഡിയം ലോഹം (ചമ), സ്റ്റാനസ് അയോണ്‍ (ടി+ +), അമോണിയ (ചഒ3), ഹൈഡ്രോക്സൈഡ് അയോണ്‍ (ഛഒ ), സള്‍ഫര്‍ ഡൈഓക്സൈഡ് (ടഛ2), ഫെറൊ സയനൈഡ് അയോണ്‍ ചില ഇലക്ട്രോഫൈലുകള്‍: ഓസോണ്‍ (ഛ3), ക്ളോറിന്‍ (ഇഹ2), ഹൈപൊക്ളോറസ് അമ്ളം (ഒഛഇഹ), നൈട്രിക് അമ്ളം (ഒചഛ3), അലൂമിനിയം ക്ളോറൈഡ് (അഹഇഹ3), ഫെറിസയനൈഡ് അയോണ്‍ .
(ഡോ. കെ.പി. ധര്‍മരാജയ്യര്‍)
അഭികേന്ദ്രബലം
ഇലിൃശുലമേഹ എീൃരല
ഒരു വക്രപാതയിലൂടെ ചലിക്കുന്ന പദാര്‍ഥത്തില്‍ പാതയുടെ കേന്ദ്രത്തിലേക്ക് സദാ അനുഭവപ്പെടുന്ന ബലം. ഇത് അപകേന്ദ്രബല(രലിൃശളൌഴമഹ ളീൃരല)ത്തിനു തുല്യവും വിപരീതവും ആകുന്നു.
പദാര്‍ഥങ്ങളുടെ സഹജചലനം പൊതുവേ ഋജുരേഖയിലൂടെ ആണ്. ഉദാ. നിശ്ചലാവസ്ഥയില്‍ നിന്നും സ്വതന്ത്രമായി താഴോട്ടു വീഴുന്ന വസ്തു. ഒരു ചരടിന്റെ അറ്റത്ത് ഒരു കല്ലുകെട്ടി ചരടിനെ അതിവേഗം ചുഴറ്റുന്നു എന്നിരിക്കട്ടെ. കല്ലിനു ഋജുരേഖയില്‍ ചലിക്കാനാണ് സ്വാഭാവികമായ പ്രേരണ. പക്ഷേ, ഇവിടെ അത് വൃത്തപരിധിയിലൂടെ ചലിക്കുന്നു. കല്ലിന്റെ സ്ഥാനത്ത് നിന്നും ചരടു പിടിച്ചിരിക്കുന്ന വിരലിന്റെ സ്ഥാനത്തേക്ക്, അതായത് വൃത്തപരിധിയില്‍ നിന്നും വൃത്തകേന്ദ്രത്തിലേക്ക്, നിരന്തരം പ്രയോഗിക്കപ്പെടുന്ന അഭികേന്ദ്രബലം കല്ലിന്റെ ഋജുരേഖയിലൂടെയുള്ള സ്വാഭാവികചലനം തടസ്സപ്പെടുത്തുകയും അതിനെ വൃത്തപരിധിയിലൂടെ ചലിപ്പിക്കുകയും ചെയ്യുന്നു. ചരട് പ്രയോഗിക്കുന്ന വലിവ് ബലം (ഠലിശീിെ) ആണ് ഇവിടെ അഭികേന്ദ്ര ബലമായി വര്‍ത്തിക്കുന്നത്. കൈയില്‍ നിന്നും ചരടുവിട്ടാല്‍ കല്ല് വൃത്തത്തിന്റെ സ്പര്‍ശകദിശ(മിേഴലിശേമഹ റശൃലരശീിേ)യില്‍ ഋജുരേഖയിലൂടെ ചലിക്കുന്നതാണ്. സൈക്കിള്‍യാത്രക്കാര്‍ റോഡിലെ വളവുകളില്‍കൂടി സഞ്ചരിക്കുമ്പോള്‍ ദേഹം പാതയുടെ കേന്ദ്രത്തിലേക്കു വളച്ച് അഭികേന്ദ്രബലം പ്രദാനം ചെയ്യുന്നു.
അഭികേന്ദ്രബലം പദാര്‍ഥത്തിന്റെ ദ്രവ്യമാനം, വേഗം, പാതയുടെ വക്രത (ര്ൌൃമൌൃല) എന്നിവയെ ആശ്രയിച്ചിരിക്കും.
ാ ദ്രവ്യമാനമുള്ള ഒരു വസ്തു ൃ വ്യാസാര്‍ധമുള്ള ഒരു വൃത്ത
പരിധിയിലൂടെ ് വേഗത്തില്‍ ചലിക്കുകയാണെങ്കില്‍ അതില
നുഭവപ്പെടുന്ന അഭികേന്ദ്രബലം ാ്2/ ൃ അഥവാ ാ?2 ൃ ആണ്
(?: കോണീയ വേഗം). നോ: അപകേന്ദ്രബലം, അപകേന്ദ്രണം, അഭികേന്ദ്രം
(പി.സി. കര്‍ത്താ)
