സര്‍വ്വവിജ്ഞാനകോശം സംരംഭത്തില്‍ നിന്ന്

അഗ്രിക്കോള, ഗിയോര്‍ഗിയസ് (1494 - 1555)

Agricola,Georgius

ലത്തീന്‍ശാസ്ത്രഗ്രന്ഥകാരന്‍.1494 മാ. 24-ന് സാക്‍സനിയിലെ ഗ്ലാഷാവ് പ്രദേശത്തു ജനിച്ചു;വൈദ്യശാസ്ത്രത്തിലെന്നപോലെ, ഭാഷാശാസ്ത്രത്തിലും പ്രാവീണ്യം നേടിയിരുന്ന ഇദ്ദേഹം വിവിധ വിഷയങ്ങളെ പുരസ്കരിച്ചു ധാരാളം ഗ്രന്ഥങ്ങള്‍ രചിച്ചിട്ടുണ്ട്. ധാതുവിജ്ഞാനീയം (Mineralogy) സംബന്ധിച്ചുള്ളവയാണ് ഇവയില്‍ മികച്ചത്. ഇദ്ദേഹത്തിന്റെ ദേ നേച്ചുറാ ഫോസ്സിലിയം (De Natura Fossilium, 1546) ധാതുവിജ്ഞാനീയത്തിലെ ആദ്യത്തെ ഗ്രന്ഥമാണ്. പുതിയ ധാതുക്കളെയും നൂതന ഖനനസമ്പ്രദായങ്ങളെയും സംബന്ധിച്ച് അറിവ് നല്കിയതുകൂടാതെ, ധാതുക്കളുടെ വിഭജനപ്പട്ടിക തയ്യാറാക്കുകകൂടി ചെയ്ത അഗ്രിക്കോള ധാതുവിജ്ഞാനീയത്തിന്റെ പിതാവായി അറിയപ്പെടുന്നു. 1555 ന. 21-ന് ഇദ്ദേഹം നിര്യാതനായി.