This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അംബ്രോസിയന്‍ വ്യാഖ്യാനം
സര്‍വ്വവിജ്ഞാനകോശം സംരംഭത്തില്‍ നിന്ന്
അംബ്രോസിയന്‍ വ്യാഖ്യാനം
Ambrosian Commentary
വിശുദ്ധ പൗലോസിന്റെ ലേഖനങ്ങള്‍ക്ക് ഏറ്റവും കുറഞ്ഞ വാക്കുകളില്‍ ഏറ്റവും അര്‍ഥഗര്‍ഭമായി എഴുതപ്പെട്ട ഒരു വ്യാഖ്യാനം. ബൈബിള്‍ പുതിയനിയമത്തിന്റെ ലത്തീന്‍ പരിഭാഷയെ അടിസ്ഥാനമാക്കി രചിക്കപ്പെട്ട ഈ വിമര്‍ശനപഠനം വിശുദ്ധ അംബ്രോസിന്റെ കൃതിയാണെന്ന് വളരെക്കാലമായി കരുതിവന്നിരുന്നു. 1527-ല്‍ ഇറാസ്മസ് ഈ ധാരണയെ ചോദ്യം ചെയ്യുകയും ഇതിന്റെ കര്‍ത്താവ് 'അംബ്രോസിയാസ്റ്റര്‍' (അംബ്രോസിനെപ്പോലെയുള്ള ഒരുവന്‍) മാത്രമാണെന്ന് അഭിപ്രായപ്പെടുകയും ചെയ്തു. വിശുദ്ധ പൌലോസ് റോമാക്കാര്‍ക്കെഴുതിയ ലേഖനത്തിന്റെ വ്യാഖ്യാതാവായി വിശുദ്ധ ഹില്ലാനിയസ്സിനെ വിശുദ്ധ അഗുസ്തിനോസ് പരാമര്‍ശിച്ചിട്ടുണ്ട്. ഇതിനെത്തുടര്‍ന്ന് ഹില്ലാനിയെന്ന പേരില്‍ പ്രശസ്തരായിത്തീര്‍ന്ന പലരിലും ഈ പുസ്തകത്തിന്റെ കര്‍ത്തൃത്വം ആരോപിക്കപ്പെട്ടിരിക്കുന്നു.
