This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കോര്‍ഡ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
കോര്‍ഡ്‌
Chord
ഗണിതശാസ്‌ത്രത്തില്‍, ഒരു വക്രത്തിലെയോ പ്രതലത്തിലെയോ രണ്ട്‌ ബിന്ദുക്കളെ തമ്മില്‍ യോജിപ്പിക്കുന്ന നേര്‍രേഖ. ജ്യാവ്‌, ഞാണ്‍ എന്നും പേരുകളുണ്ട്‌. ജ്യാവ്‌ എന്ന പദം ആദ്യമായി ഉപയോഗിച്ചത്‌ കേരളീയ ഗണിതശാസ്‌ത്രജ്ഞനായ ആര്യഭടന്‍ I ആണ്‌.
ഒരു വൃത്തത്തിന്റെ പരിധിയിലുള്ള രണ്ടു ബിന്ദുക്കള്‍ യോജിപ്പിച്ചുണ്ടാകുന്ന രേഖ, വൃത്തത്തിന്റെ കോര്‍ഡ്‌ ആണ്‌. കേന്ദ്രത്തില്‍ക്കൂടി കടന്നുപോകുന്ന കോര്‍ഡ്‌ (വ്യാസം) വൃത്തത്തെ രണ്ട്‌ സമഭാഗങ്ങളായി ഭാഗിക്കുന്നു. ഒരു വൃത്തത്തിലെ ഏറ്റവും വലിയ കോര്‍ഡാണ്‌ വ്യാസം. കോര്‍ഡ്‌ വൃത്തത്തെ 2 ഭാഗങ്ങളായി ഭാഗിക്കുമ്പോള്‍ കിട്ടുന്ന ഭാഗങ്ങളാണ്‌ ഖണ്ഡങ്ങള്‍ (segments).ഒരു വൃത്തത്തിന്റെ കോര്‍ഡിന്റെ ലംബസമഭാജി (perpenticular bisector) വൃത്ത കേന്ദ്രത്തിലൂടെ കടന്നുപോകുന്നു. വൃത്തത്തിലെ തുല്യകോര്‍ഡുകള്‍ കേന്ദ്രത്തില്‍ നിന്നും തുല്യദൂരത്തായിരിക്കും.
