This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എയ്‌റോണമി
സര്‍വ്വവിജ്ഞാനകോശം സംരംഭത്തില്‍ നിന്ന്
എയ്‌റോണമി
Aeronomy
അയോണീകരണം, വിയോജനം (dissociation) എന്നീ പ്രക്രിയകള്‍ ഏറിയതോതില്‍ നടക്കുന്ന ഉപര്യന്തരീക്ഷ മേഖലകളെ സംബന്ധിച്ച്‌ വിശദപഠനം നടത്തുന്ന ശാസ്‌ത്രശാഖ. ഭൗമോപരിതലത്തില്‍ നിന്ന് ഏതാണ്ട്‌ 30 കി.മീ. അകലത്തില്‍ തുടങ്ങി ആയിരക്കണക്കിനു കിലോമീറ്റര്‍ ഉയരത്തിലേക്കു വ്യാപിച്ചിട്ടുള്ള ഒരു ബൃഹദ്‌ മണ്ഡലത്തിലാണ്‌ ഈ പ്രക്രിയകള്‍ തീക്ഷ്‌ണമായി നടക്കുന്നത്‌. പ്രസക്ത മേഖലയിലെ ഗതിക-ഭൗതിക സ്വഭാവങ്ങളും വ്യതിരേകങ്ങളും എയ്‌റോണമിയുടെ പഠനപരിധിയില്‍പ്പെടുന്നു. അറോറ, അന്തരീക്ഷദീപ്‌തി (air glow), വായുവൈദ്യുതക്ഷോഭം (spherics) വാന്‍ അല്ലന്‍ വികിരണ മേഖല (Van Allen Radiation belt), അയോണോസ്‌ഫിയര്‍, ഉല്‌കാപഥം തുടങ്ങിയവയെ സംബന്ധിച്ച സൂക്ഷ്‌മ നിരീക്ഷണവും ഈ ശാസ്‌ത്രശാഖയില്‍ കൈകാര്യം ചെയ്‌തുവരുന്നു. നോ. അറോറ, അയോണാസ്‌ഫിയര്‍
