This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
നജാഫ്
സര്‍വ്വവിജ്ഞാനകോശം സംരംഭത്തില്‍ നിന്ന്
നജാഫ്
Najaf
ഇറാക്കിലെ നജാഫ് ഗവര്‍ണറേറ്റിലുള്ള ഒരു നഗരം. ഷിയാ മുസ്ലിങ്ങള്‍ പുണ്യസ്ഥലങ്ങളായി കരുതുന്ന ഇറാക്കിലെ രണ്ട് നഗരങ്ങളില്‍ ഒന്നാണ് നജാഫ്. കര്‍ബലയാണ് രണ്ടാമത്തെ നഗരം. മഷദ്-അലി (Mashad-Ali) എന്നും നജാഫ് നഗരം അറിയപ്പെടുന്നു. കര്‍ബല നഗരത്തില്‍നിന്ന് 77 കിലോമീറ്റര്‍ തെക്കുകിഴക്കായാണ് നഗരത്തിന്റെ സ്ഥാനം. യൂഫ്രട്ടിസ് നദിയുടെ പടിഞ്ഞാറന്‍ കൈവഴിക്കടുത്ത് സ്ഥിതിചെയ്യുന്ന നജാഫ് ഇറാക്കിലെ ഒരു പ്രധാന വാണിജ്യ കേന്ദ്രം കൂടിയാണ്. ഗവര്‍ണറേറ്റിന്റെ വിസ്തീര്‍ണം: 28,824 ച.കി.മീ.
എട്ടാം ശ.-ത്തില്‍ ഹാറുണ്‍-അല്‍-റഷീദ് ഖലിഫ സ്ഥാപിച്ച ഈ നഗരം മുഹമ്മദ് നബിയുടെ മരുമകന്‍ അലിയുടെ ശവകുടീരത്തിനു ചുറ്റുമായാണ് വ്യാപിച്ചിരിക്കുന്നത്. ഷിയാ മുസ്ലിങ്ങളുടെ പ്രധാന ആരാധനാലയമാണ് പ്രസ്തുത ശവകുടീരം. 1991-ലെ ഗള്‍ഫ് യുദ്ധവും 2003-ലെ യു.എസ്. അധിനിവേശവും നഗരത്തിന് കനത്ത നാശനഷ്ടങ്ങള്‍ വരുത്തിവച്ചു.
