This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ധനു
സര്‍വ്വവിജ്ഞാനകോശം സംരംഭത്തില്‍ നിന്ന്
ധനു
Sagittarius
രാശിചക്രത്തിലെ ഒന്‍പതാം രാശി. ക്രാന്തിപഥത്തില്‍ 240° മുതല്‍ 270° വരെയുള്ള മേഖലയാണിത്. ധനുസ്സിന്റെ പര്യായങ്ങള്‍ മിക്കവയും ധനുരാശിയുടെ മറ്റു പേരുകളാണ്. സംസ്കൃതത്തില്‍ ധനുഃ, തൗക്ഷികഃ എന്നും ഗ്രീക്കില്‍ ടോക്സിക്കേറ്റ്സ് എന്നും ധനു അറിയപ്പെടുന്നു. മൂലം, പൂരാടം, ഉത്രാടത്തിന്റെ പ്രഥമപാദം എന്നീ നക്ഷത്രങ്ങളാണ് ഈ രാശിയിലുള്ളത്.
ധനുരാശിയില്‍ സൂര്യന്‍ നില്ക്കുന്ന സമയത്തെയാണ് ധനുമാസം എന്നു പറയുന്നത്. ഇത് ക്രിസ്തുവര്‍ഷത്തിലെ ഡിസംബര്‍- ജനുവരി മാസങ്ങളിലായാണ് വരുന്നത്. ധനുമാസത്തിന്റെ മധ്യത്തിലാണ് ക്രിസ്തുവര്‍ഷം ആരംഭിക്കുന്നത്. ധനുമാസത്തിലെ തിരുവാതിര കേരളത്തിലെല്ലായിടത്തും ആഘോഷിക്കുന്നു. ആ ദിവസം സ്ത്രീകള്‍ ദീര്‍ഘമാംഗല്യത്തിനുവേണ്ടി രാത്രി ഉറക്കമിളയ്ക്കുകയും ശിവസ്തുതികള്‍ പാടി ശിവനെ പ്രീതിപ്പെടുത്തുകയും ചെയ്യുന്നു. ആര്‍ദ്രാവ്രതം എന്നാണ് ഇത് അറിയപ്പെടുന്നത്.
അഷ്ടദിക്കുകളില്‍ ധനുരാശി വടക്കുപടിഞ്ഞാറു കോണിനെയാണ് പ്രതിനിധാനം ചെയ്യുന്നത്. വീടുകളില്‍ ധനുരാശിയില്‍ ജലാശയങ്ങള്‍ പാടില്ല എന്നു വാസ്തുശാസ്ത്രം നിര്‍ദേശിക്കുന്നു. നോ: തിരുവാതിര
