This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അപഭൂ
സര്‍വ്വവിജ്ഞാനകോശം സംരംഭത്തില്‍ നിന്ന്
അപഭൂ
Apogee
ഭൂമിയെ ചുറ്റുന്ന ഗോളത്തിന്റെയോ കൃത്രിമോപഗ്രഹത്തിന്റെയോ ഭ്രമണപഥത്തില്‍ ഭൂമിയില്‍നിന്ന് അവയുടെ ഏറ്റവും അകന്ന സ്ഥാനം. അപസൌര(Aphelion)ത്തിലും ഉപസൌര(Perihelion)ത്തിലും സൂര്യനുള്ള സ്ഥാനമാണ് അപഭൂവിലും ഉപഭൂവിലും (Perigee) ഭൂമിക്കുള്ളത്. ചന്ദ്രന്‍ ഭൂമിയില്‍ നിന്ന് ഏറ്റവും അകന്നിരിക്കുന്ന ദൂരം 4,04,336 കി.മീ. ആണ്. ചിത്രത്തില്‍ E ഭൂമിയാണ്; C അപഭൂവിലിരിക്കുന്ന ചന്ദ്രന്റെ സ്ഥാനം: അപഭൂ.
ഭൂമിയെ ചുറ്റുന്ന ഗോളത്തിന്റെയോ കൃത്രിമോപഗ്രഹത്തിന്റെയോ ഭൂമിയില്‍ നിന്ന് ഏറ്റവും അടുത്ത സ്ഥാനത്തെ ഉപഭൂ എന്നു പറയുന്നു. ചന്ദ്രന്റെ ഈ ദൂരം 3,54,340 കി.മീ. ആണ്. ചിത്രത്തില്‍ D ചന്ദ്രന്റെ സ്ഥാനവും ഉപഭൂവുമാകുന്നു.
സൂര്യന്‍ ഭൂമിയില്‍നിന്ന് ഏറ്റവും അകലെ എത്തുന്ന സ്ഥാനത്തെ സൂര്യന്റെ അപഭൂ എന്നു പറഞ്ഞുവരാറുണ്ട്. അതുപോലെ ഏറ്റവും അടുത്ത് എത്തുന്ന സ്ഥാനത്തെ സൂര്യന്റെ ഉപഭൂ എന്നും പറഞ്ഞുവരുന്നു.
