This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അക്കാപുല്‍കോ
സര്‍വ്വവിജ്ഞാനകോശം സംരംഭത്തില്‍ നിന്ന്
അക്കാപുല്‍കോ
Acapulco
മെക്സിക്കോയില്‍ പസിഫിക് തീരത്തുള്ള തുറമുഖ പട്ടണവും ടൂറിസ്റ്റ്കേന്ദ്രവും. പ്രകൃതിദത്തമായ സൌകര്യങ്ങള്‍ കൊണ്ട് ലോകത്തിലെ ഒന്നാംകിടയിലുള്ള ഒരു തുറമുഖമാണിത്. സ്പാനിഷ് ആധിപത്യകാലത്ത് (1521-1822) ഫിലിപ്പീന്‍സിലേക്കും മറ്റും പോകുന്ന പടക്കപ്പലുകളുടെ താവളമായിരുന്നു അക്കാപുല്‍കോ.
നഗരത്തിന്റെ ചുറ്റും നെടുംതൂക്കായി പൊങ്ങിനില്‍ക്കുന്ന പര്‍വതങ്ങള്‍ ഉണ്ട്. എന്നാല്‍ അവ ഉള്‍നാടന്‍ പട്ടണങ്ങളുമായി കരമാര്‍ഗമുള്ള സമ്പര്‍ക്കത്തിനു തടസം സൃഷ്ടിക്കുന്നില്ല. മെക്സിക്കോസിറ്റി ഉള്‍പ്പെടെയുള്ള നഗരങ്ങള്‍ ഈ തുറമുഖവുമായി റോഡുമാര്‍ഗം വ്യാപാരബന്ധം പുലര്‍ത്തിപ്പോരുന്നു. സാന്‍ഫ്രാന്‍സിസ്കോ വഴി പനാമാതോടിലൂടെ കിഴക്കോട്ടു പോകുന്ന എല്ലാ കപ്പലുകളും ഇവിടെയും അടുക്കുന്നു. തന്മൂലം ഇതു വാണിജ്യ പ്രധാനമായ ഒരു തുറമുഖമാണ്. പഞ്ഞി, പഞ്ചസാര, സോപ്പ്, മസ്‍ലീന്‍, പുകയില, കൊക്കോ, തുകല്‍സാധനങ്ങള്‍ എന്നിവ പ്രധാന കയറ്റുമതികളില്‍ ഉള്‍പ്പെടുന്നു. ആഴക്കടല്‍ മീന്‍പിടുത്തം ഇവിടെ അഭിവൃദ്ധിപ്പെട്ടിട്ടുണ്ട്. ഇതു ഒരു ഒഴിവുകാല ഉല്ലാസകേന്ദ്രമാണ്. ജനസംഖ്യ: 6,38,000 (2003).
