This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഡ്രാക്കന്‍സ്ബെര്‍ഗ്
സര്‍വ്വവിജ്ഞാനകോശം സംരംഭത്തില്‍ നിന്ന്
ഡ്രാക്കന്‍സ്ബെര്‍ഗ്
Drakensberg
ദക്ഷിണാഫ്രിക്കയിലെ ഒരു പര്‍വതനിര. 'ഡ്രാഗണുകളുടെ ആവാസകേന്ദ്രം' എന്ന ഡച്ച് വിശ്വാസത്തില്‍ നിന്നാണ് ഡ്രാക്കന്‍ സ്ബെര്‍ഗ് എന്ന പേര് നിഷ്പന്നമായത്. ആഫ്രിക്കയുടെ തെ.കി. തീരത്തിന് സമാന്തരമായി സ്ഥിതിചെയ്യുന്ന ഈ നിരയ്ക്ക് ക്വാത്ത്ലാമ്പ (Quathlamba) എന്നും പേരുണ്ട്.
അത് ലാന്തിക്-ഇന്ത്യന്‍ സമുദ്രങ്ങളിലേക്ക് ഒഴുകുന്ന നദികളുടെ ജലദ്രോണി(watershed)യാണ് ഡ്രാക്കന്‍സ്ബെര്‍ഗ്. തുജേല, ഓറഞ്ച്, ഇലന്‍ഡ്സ് തുടങ്ങിയ പല പ്രധാന നദികളും ഈ നിരകളില്‍ നിന്ന് ഉദ്ഭവിക്കുന്നു. ദക്ഷിണാഫ്രിക്കയിലെ ഏറ്റവും ഉയരത്തിലുള്ള (2,000 മീ.) ജലപാതമായ തുജേലയും ഈ നിരകളിലാണ് സ്ഥിതിചെയ്യുന്നത്. വാന്‍ റീനെന്‍ (1,646 മീ.), ലെയ്ങ്സ്നെക് (1,250 മീ.) തുരങ്കങ്ങളിലൂടെ റെയില്‍ പാതകള്‍ ഈ നിരകളെ മുറിച്ചു കടക്കുന്നു. ഡ്രാക്കന്‍സ്ബെര്‍ഗിലെ മനോഹരങ്ങളായ ഗുഹാചിത്രങ്ങള്‍ ഈ പ്രദേശം ഒരു സാന്‍ അധിവാസ കേന്ദ്രമായിരുന്നു എന്നതിന് സൂചന നല്കുന്നു.
