This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

തിടമ്പ് നൃത്തം

വടക്കേ മലബാറിലെ ക്ഷേത്രങ്ങളില്‍ നിലനില്ക്കുന്ന അനുഷ്ഠാന നൃത്തം. പുരാതന സവര്‍ണ ക്ഷേത്രങ്ങളിലാണ് ഇത് അധികവും നടത്തുന്നത്. ശ്രീനാരായണഗുരു സ്ഥാപിച്ച (ഉത്തര കേരളത്തിലെ) ക്ഷേത്രങ്ങളില്‍ ഈ അനുഷ്ഠാനം നിലവിലില്ല. ഉത്സവകാലത്തും മറ്റ് വിശേഷ അവസരങ്ങളിലും ദേവവിഗ്രഹം (തിടമ്പ്) തലയിലേറ്റിക്കൊണ്ട് പൂജാരി ചെയ്യുന്ന നൃത്തമാണിത്. താളപ്രധാനമായ ഈ അനുഷ്ഠാന കലയില്‍ ചെണ്ട ഒരു പ്രധാന ഘടകമാണ്.

 രണ്ടു കഴകളില്‍ ഉറപ്പിച്ച തിടമ്പ് രണ്ട് ആളുകള്‍ ചേര്‍ന്ന് തോളില്‍ എടുത്തുകൊണ്ട് മേളത്തിനനുസരിച്ച് താളം ചവുട്ടി നൃത്തം ചെയ്യുന്ന രീതിയും നിലവിലുണ്ട്.