This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
തളിക്കുളം
സര്‍വ്വവിജ്ഞാനകോശം സംരംഭത്തില്‍ നിന്ന്
തളിക്കുളം
തൃശൂര്‍ ജില്ലയിലെ ചാവക്കാട് താലൂക്കില്‍ തളിക്കുളം ബ്ളോക്കില്‍ ഉള്‍പ്പെട്ട ഒരു ഗ്രാമ പഞ്ചായത്ത്. 10 വാര്‍ഡുകളായി വിഭജിച്ചിരി ക്കുന്ന ഈ പഞ്ചായത്തിന് 10.89 ച.കി.മീ. വിസ്തൃതിയുണ്ട്. അതിരുകള്‍: കി.കനോലി കനാല്‍, നാട്ടിക പഞ്ചായത്ത്; വ.വാടാനപ്പിള്ളി പഞ്ചായത്ത്. പ.അറബിക്കടല്‍., തെ.നാട്ടിക ഗ്രാമ പഞ്ചായത്ത്. മുമ്പ് ജന്മിത്വവും ജാതിവ്യവസ്ഥയും ആഴത്തില്‍ വേരോടിയിരുന്ന പ്രദേശമായിരുന്നു തളിക്കുളം. നവോത്ഥാന-ദേശീയപ്രസ്ഥാനങ്ങള്‍ തളിക്കുളത്തെ സാമൂഹിക-രാഷ്ട്രീയ രംഗങ്ങളില്‍ വലുതായ മാറ്റങ്ങള്‍ സൃഷ്ടിച്ചു.
ഒരു കാര്‍ഷിക ഗ്രാമമാണ് തളിക്കുളം. നെല്ല്, എള്ള്, മൂത്താറി എന്നിവയാണ് പ്രധാന ധാന്യവിളകള്‍. തെങ്ങ്, കമുക് തുടങ്ങിയ ഫലവൃക്ഷങ്ങളും ഇടവിളയായി പച്ചക്കറികളും ഇവിടെ കൃഷിചെയ്യുന്നുണ്ട്. മത്സ്യബന്ധനമാണ് തീരദേശവാസികളുടെ മുഖ്യ ഉപജീവനമാര്‍ഗം. വ്യാവസായികമായി പിന്നോക്കം നില്ക്കുന്ന ഈ പഞ്ചായത്തില്‍ മുമ്പ് പായ നെയ്ത്ത്, കുട്ടനെയ്ത്ത്, കളിമണ്‍ ഇഷ്ടിക നിര്‍മാണം, എണ്ണയാട്ട്, മത്സ്യസംസ്കരണം, ബീഡി നിര്‍മാണം, കൈത്തറിനെയ്ത്ത് എന്നീ ചെറുകിട-കുടില്‍ വ്യവസായങ്ങള്‍ നിലനിന്നിരുന്നു. സ്കൂളുകള്‍, ആതുരാലയങ്ങള്‍, വില്ലേജ് ഓഫീസ്, പഞ്ചായത്ത് ഓഫീസ്, പോസ്റ്റ് ഓഫീസ്, സഹകരണസംഘങ്ങള്‍ തുടങ്ങിയവയാണ് ഇവിടത്തെ പ്രധാന പൊതുസ്ഥാപനങ്ങള്‍.
