This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അനിമിസം
സര്‍വ്വവിജ്ഞാനകോശം സംരംഭത്തില്‍ നിന്ന്
അനിമിസം
അിശാശാ
അചേതനവസ്തുക്കളിലും പ്രകൃതിയുടെ പ്രതിഭാസങ്ങളിലും ജീവനുണ്ടെന്ന സിദ്ധാന്തം. ചൈതന്യം എന്നര്‍ഥം വരുന്ന 'അനിമ' എന്ന ലത്തീന്‍പദത്തില്‍നിന്നാണ് 'അനിമിസം' എന്ന സംജ്ഞ ഉണ്ടായത്. ആദിമമനുഷ്യന്‍ അനുഷ്ഠിച്ചുവന്നിരുന്ന ഒരു മതാചാരമാണ് 'അനിമിസം' എന്ന് നരവംശശാസ്ത്രജ്ഞനായ എഡ്വേര്‍ഡ് ബര്‍ണറ്റ് ടെയ്ലര്‍ (1832-1917) അഭിപ്രായപ്പെട്ടിട്ടുണ്ട്.
പ്രപഞ്ചപ്രതിഭാസങ്ങളെ വ്യാഖ്യാനിച്ചറിയുന്നതിനുള്ള ആഗ്രഹം ആദിമമനുഷ്യരില്‍ ഉണ്ടായിരുന്നു. മനുഷ്യനിലുള്ളതുപോലെ സൂക്ഷ്മാത്മാക്കള്‍ ചില അചേതനവസ്തുക്കളിലും ഉണ്ടെന്ന് പ്രാകൃതമനുഷ്യന്‍ സങ്കല്പിച്ചു. സസ്യങ്ങള്‍, കല്ലുകള്‍, മലകള്‍, സൂര്യന്‍, ചന്ദ്രന്‍, കാറ്റ് തുടങ്ങിയവയെല്ലാം ജീവനുള്ളവയാണെന്ന് കണക്കാക്കപ്പെട്ടിരുന്നു. ഈ അജ്ഞാതശക്തികളെ പ്രാകൃതമനുഷ്യന്‍ ആരാധിക്കുവാന്‍ തുടങ്ങിയത് ഇതു മൂലമാണ്. ബലികളുടെയും പൂജകളുടെയും മറ്റും അടിസ്ഥാനവും ഈ വിശ്വാസമാണ്. മരണാനന്തരം ആത്മാവ് ജീവിക്കുന്നുണ്ടെന്ന വിശ്വാസവും ഈ സങ്കല്പത്തില്‍ നിന്നുണ്ടായതാകുന്നു. അനിമിസം മൂന്നു തരത്തിലുണ്ട്:
(1) മനുഷ്യരുടെയും മൃഗങ്ങളുടെയും ആത്മാവിനെ ആരാധിക്കല്‍. പിതൃക്കളെ ആരാധിക്കുന്നത് ഇതിന് ഒരുദാഹരണമാണ്; (2) ഭൂത പ്രേത പിശാചുക്കളെ ആരാധിക്കല്‍; (3) പ്രകൃതിയിലുണ്ടാകുന്ന സ്ഥിരമോ അസ്ഥിരമോ ആയ പ്രതിഭാസങ്ങള്‍ക്ക് കാരണഭൂതമെന്ന് വിശ്വസിക്കപ്പെടുന്ന ചില ആത്മാക്കളെ ആരാധിക്കല്‍.
