അപദളനകം

Cataclastic

ഭൂവിജ്ഞാനീയത്തില്‍ പ്രത്യേകതരം ശിലാഘടനയെ ദ്യോതിപ്പിക്കുന്നതിന് ഉപയോഗിക്കുന്ന പദം. രണ്ടു രീതിയിലുള്ള ശിലാസംരചനകളാണ് അപദളനകമായി വിശേഷിപ്പിക്കപ്പെടുന്നത്. ഗതിശീലകായാന്തരണ(dynamic metamorphism)ത്തിനിടയില്‍ കഠിനവും ബലകൃതവും (mechanical) ആയ സമ്മര്‍ദം മൂലം ധാതുഘടകങ്ങളുടെ വിരൂപണ (deformation)ത്തിനും കണികാമയ (granular) വിതരണത്തിനും വിധേയമായിത്തീരുന്ന ശിലാപടലങ്ങള്‍ക്ക് അപദളനകം എന്നു വിശേഷണം നല്കുന്നു. ഭൂ-പ്രതിബല(earth-stress)ത്തിന്റെ ഫലമായി നിലവിലുള്ള ശിലാപടലങ്ങള്‍ക്കു വിഭംഗം (fracture) നേരിട്ടുണ്ടാകുന്ന ശിലകളെയും അപദളനകം എന്നു വിശേഷിപ്പിക്കാറുണ്ട്. ക്രഷ്-ബ്രഷ്യ (Crush-Breccia) ഇതിനുദാഹരണമാണ്.

അപദളനകം

സര്‍വ്വവിജ്ഞാനകോശം സംരംഭത്തില്‍ നിന്ന്

അപദളനകം

താളിന്റെ അനുബന്ധങ്ങള്‍

സ്വകാര്യതാളുകള്‍

ഉള്ളടക്കം

തിരയൂ

പണിസഞ്ചി