അന്തരഗാന്ധാരം

സപ്തസ്വരങ്ങളില്‍ ഗാന്ധാരത്തിനുള്ള രണ്ടു വകഭേദങ്ങളില്‍ ഒന്ന്. സപ്തസ്വരങ്ങള്‍ക്കു നിര്‍ദേശിച്ചിട്ടുള്ള 12 സ്വരസ്ഥാനങ്ങള്‍ ഷഡ്ജം, ശുദ്ധരിഷഭം, ചതുശ്രുതിരിഷഭം, സാധാരണഗാന്ധാരം, അന്തരഗാന്ധാരം, ശുദ്ധമധ്യമം, പ്രതിമധ്യമം, പഞ്ചമം, ശുദ്ധധൈവതം, ചതുശ്രുതി ധൈവതം, കൈശികനിഷാദം, കാകളിനിഷാദം എന്നിവയാണ്. അന്തരഗാന്ധാരത്തിന്റെ ആവൃത്തി അനുപാതം (frequency) 5/4 ആണ്. ഷഡ്ജത്തിന്റെയും പഞ്ചമത്തിന്റെയും ഒത്തനടുവിലാണ് ഇതിന്റെ സ്ഥാനം. അന്തരഗാന്ധാരത്തെക്കാള്‍ താഴെയാണ് സാധാരണഗാന്ധാരത്തിന്റെ സ്ഥാനം. ഇതിന്റെ ആവൃത്തി അനുപാതം 6/5 ആണ്. ശങ്കരാഭരണരാഗത്തില്‍ അന്തരഗാന്ധാരവും ഖരഹരപ്രിയരാഗത്തില്‍ സാധാരണ ഗാന്ധാരവും പ്രയോഗിക്കുന്നു.

(ഡോ. സി.കെ. രേവമ്മ)

അന്തരഗാന്ധാരം

സര്‍വ്വവിജ്ഞാനകോശം സംരംഭത്തില്‍ നിന്ന്

അന്തരഗാന്ധാരം

താളിന്റെ അനുബന്ധങ്ങള്‍

സ്വകാര്യതാളുകള്‍

ഉള്ളടക്കം

തിരയൂ

പണിസഞ്ചി